Oblíbené biblické verše z LUKASI 6

Sdílet

Pongohi mao̒ ode taawewo, alihu Allahu Taa̒ala olo mongohi mai olemu; timongoli mamo lolimo wowohi dadaata tutu umaa tilimengio wobuwobuo̒ olemu. Sababu titimenga u pomake limongoli ode taawewo mapomake lo Allahu Taa̒ala olemu.”

Taa mopiohe mopobilohe susuu-aliyaalo u mopiohu sababu hilaalio polupolu lou̒ mopiohu. Taa moleeto mopobilohe susuu-aliyaalo u moleeto sababu hilaalio polupolu lou̒ moleeto. Sababu wolo u wulito lotunggilo ui-uitolo u lumepetai monto hilao.”

Musiilio diila odito! Timongoli bolii̒o mao̒ musi motolia̒ngo musuumu wau mohutu u mopiohu toli mongolio. Timongoli musi mopobulotao̒, wau diila mao̒ pohalapu muli powalingolio mai. Wonu odito, wuupamu mau̒daa̒ wau timongoli mamowali mongo walao̒ Allahu Taa̒ala Taa Laba-labaalo molanggato. Sababu Allahu Taa̒ala mopiohe hilaa ode taa diila motota mongohi sukuru, wau ode taa moleeto olo.

Mamusi timongoli odehu hilao debo odelo ti Paapamu olo odehu hilao!”

“Diila mao̒ pomutoo̒ taawewo, alihu timongoli lohihilao olo diila butoo̒ lo Allahu Taa̒ala. Diila mao̒ pohukumani taawewo, alihu timongoli lohihilao olo diila hukumanio lo Allahu Taa̒ala. Ambungua mao̒ taawewo, alihu Allahu Taa̒ala olo mongambungu olimongoli.

“Bo toli mongoli tamodungohe ola-U̒ masaatia botie, Wau̒ mongohi mai tahuli odie; tolia̒nga mao̒ timii̒du musumu, wau pohutua mao̒ umopiohe totaa molonuu̒mu. Balakatia mao̒ tamolaa̒nati olemu, wau dua̒i mola tamohutu umoleeta olemu.

Pohutua mao̒ taawewo debo odelo otohilaa limongoli pohutuo mai limongolio.

Wonu tau molambali putongimu u ngotuwali hulii mao̒ tio molambali putongimu u ngotuwali olo. Wonu jumbamu wahuwolio, wohia mao̒ olo boo̒mu. Wonu woluo taa mohile hitua-tuawua to olemu; wohia mao̒ uito olio; wau wonu hakuumu wahuwolio, diilalo mao̒ pohilea.

“Bungo lo ayu u molomiodu diila mongohi hungo u moleeto. Odito olo bungo lo ayu udiila molomiodu diila mongohi hungo u mopiohu.

Timii̒du bungo lo ayu oonuhe monto hungolio. Pilomulo aa̒ayuwalo kekeei̒ wau hiwoopawa u oduhi diila mongohi hungo lo ara, wau diu̒to oduhi diila mongohi hungo lo angguru.