Oblíbené biblické verše z LUKAS 15

Sdílet

Terus ie lalo uléq ojok amaqne. Masih jaoq léman balé, ie sampun teserioq siq amaqne. Amaqne jari periak léq ie dait pelai sambut ie, terus kapongne dait sidukne bijene nike.

Séngaq bije tiang niki sampun milinang, mangkin idup malik; ie sampun telang laguq mangkin tedait malik.’ Terus ie pade mulai begawé.

Tiang badaq side, maraq nike éndah léq sorge gen araq sukecite saq beléqan lantaran sopoq dengan bedose saq betobat, ketimbang siwaq pulu siwaq dengan saq sampun keruan kenaq dait ndéq perlu betobat.”

Tiang gen tulak ojok amaq tiang, dait bebadaq léq ie: Amaq, tiang sampun bedose tipaq Allah dait léq side.

‘Amaq,’ basen bijene nike, ‘tiang sampun bedose tipaq Allah dait léq side. Tiang ndéq patut malik tesebut bijende.’

“Lamun salaq sopoq léman side pade bedowé satus dombe, terus ie kélangan sopoq -- napi saq gen ie piaq? Pasti ie gen bilin dombe saq siwaq pulu siwaq nike léq lendang pupaq, dait lumbar boyaq saq telang nike jangke kendaitan.