Oblíbené biblické verše z LUKAS 6

Sdílet

Pade béng tipaq dengan lain, dait side pade gen tebéng: Sopoq takahan saq solah, saq tepadetang, saq tegerik dait saq tumpah ojok luah gen tebéng tipaq side pade. Séngaq ukuran saq side pade kadu léq dengan lain, nike éndah gen tekadu siq Allah léq side pade.”

Dengan saq solah nyugulang hal-hal saq solah séngaq aténe penoq siq hal-hal saq solah. Dengan saq jahat nyugulang hal-hal saq jahat séngaq aténe penoq siq hal-hal saq jahat. Séngaq napi saq teucapang siq biwih tetentuang siq isi aténe.”

Seharusne ndéq maraq nike! Sebalikne side pade harus ngasihin musuhde dait solah léq ie pade. Side pade harus béng nyinggaq, dait ndaq harepang tetulakang malik. Lamun maraq nike, upaqde gen beléq dait side pade gen jari bije-bije dowén Allah Saq Maheagung. Séngaq Allah nike murah até léq dengan saq ndéq tao betampi asih, dait tipaq saq jahat éndah.

Side pade harus murah até, pade maraq Bapa side murah até.”

“Ndaq side pade hakimin dengan lain, make side pade ndéq gen tehakimin. Ndaq side pade hukum dengan lain, make side pade ndéq gen tehukum; ampunin dengan lain dait side pade gen teampunin.

“Laguq tipaq side pade saq dengahang Tiang mangkin niki, Tiang sampéang pesen niki: Kasihin musuh-musuhde, dait laksaneang saq solah tipaq dengan saq meriq léq side. Berkahin dengan saq ngutuk side, dait do'eang dengan saq aniaye side.

Perlakuang dengan lain maraq side pade melét teperlakuang siq ie pade.

Lamun dengan nempélék sangképde saq sopoq, alurang ie nempélék sangképde saq sopoqne éndah. Lamun jubahde terampas, béng éndah kelambinde. Lamun araq dengan saq nunas léq side, béng ie; dait lamun dowénde terampas, ndaq lakoq ie malik.

“Lolo saq solah ndéqne mungkin ngasilang buaq saq ndéq solah. Maraq nike éndah lamun lolo nike ndéq solah, ndéqne mungkin ngasilang buaq saq solah.

Sebilang lolo tetaoq léman buaqne. Bebenes saq beduwi ndéq ngasilang buaq are, dait pupaq saq beduwi ndéq ngasilang buaq anggur.