Oblíbené biblické verše z LUKAS 8

Sdílet

Binéq saq geriq léq tanaq saq subur ibarat dengan saq dengah manik nike, terus simpenne léq dalem até saq solah dait jujur. Ie pade bau tahen jangke ngasilang buaq.”

Binéq saq geriq léq tengaq bebenes beduwi ibarat dengan saq dengah manik nike, laguq kuatir mengenai idup ie pade; dait melét idup méwah dait seneng léq dalem dunie niki. Selapuqne nike saq gepit ie pade sehingge ndéq ngasilang buaq saq masak.

Binéq saq geriq léq taoq saq bebatu-batu ibarat dengan saq sewaktu dengah manik nike, nerimaq siq seneng angenne. Laguq manik nike ndéq berakah léq até ie pade. Ie pade percaye seberaq doang, dait léq waktu dateng cobe, ie pade murtat.

Beterus Deside Isa bemanik léq pengiring-pengiring-Ne, “Kembéq side pade ndéq percaye léq Tiang?” Ie pade jari bengaq dait takut. Dait ie pade saling ketuan sopoq kance saq lain, “Sai setetune dengan niki, sehingge angin dait umbak taat léq préntah-Ne!”

Binéq saq geriq léq langan, ibarat dengan-dengan saq dengah manik nike. Laguq Belis dateng dait ngerampas manik nike léman até ie pade, adéq ie pade ndaq percaye dait teselametang.

Ndéq araq saq teseboq saq ndéq gen penggitan; dait ndéq araq saq terahasieang saq ndéq gen tebungkar dait tetaoq.

Dengan nine nike sadar bahwe perbuatanne sampun tewikanang, ie parek sambil ngijik terus sujut léq arepan Deside Isa. Ie nyeriteang léq julun selapuq dengan, kembéq ie kintur Deside Isa, dait berembe penyakitne langsung selah. Deside Isa bemanik léq ie, “Dénde, imande sampun miaq side selah, silaq lumbar dalem damé.”

Pengiring-pengiring-Ne lumbar ojok Deside Isa dait tangiang Ie. Ie pade matur, “Paq Guru, Paq Guru, ite celake!” Deside Isa metangi terus semprak-Ne angin dait umbak saq kenyeke ngamuk nike. Angin dait umbak nike engkah terus danao jari tenang.