Oblíbené biblické verše z 1 AKORINTHO 1

Sdílet

no rĩrĩ, maũndũ marĩa monagwo ta marĩ ma ũrimũ gũkũ thĩ, nĩmo Ngai aathurire aconorithie andũ arĩa ogĩ namo, ningĩ marĩa matarĩ na hinya gũkũ thĩ, nĩmo Ngai aathurire aconorithie marĩa marĩ hinya.

Amu, harĩ andũ arĩa marĩ njĩra ya kũũra-rĩ, ũhoro wa mũtharaba ũcio no ũrimũ; no harĩ ithuĩ tũrĩ njĩra ya kũhonokio, nĩguo hinya wa Ngai.

Nĩ gũkorũo ũrimũ wa Ngai ũrĩ ũũgĩ gũkĩra andũ, o naguo ũhũthũ wa Ngai nĩũrĩ hinya gũkĩra andũ.

Ngai nĩ wa kwĩhokeka, o we mwetirũo nĩwe mũtonye ngwatanĩro-inĩ ya Mũrũ wake Jesu Kristo Mwathani witũ.

Rĩu, ariũ a Ithe witũ-rĩ, ndamũthaitha nĩ ũndũ wa rĩĩtwa rĩa Mwathani witũ Jesu Kristo atĩ mwaragie ũhoro o ũmwe inyuothe, gũtige kũgĩa na nyamũkano thĩinĩ wanyu; no rĩrĩ, mũkĩiguane o wega, mũikarage mwĩ ngoro ĩmwe, mũgĩtuaga ũhoro na njĩra o ĩmwe.

Mũndũ ũcio mũũgĩ-rĩ, akĩrĩ ha? Arĩ ha ũrĩa mwandĩki-marũa? Arĩ ha mũciri ũrĩa ũũĩ gũcira maũndũ ma mahinda maya tũrĩ? Ũũgĩ wa gũkũ thĩ-rĩ, kaĩ Ngai ataaũrimũhirie?