Oblíbené biblické verše z Kula ɗa Njeka̰ykulaje 1

Sdílet

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Jeju təl ila-je kəne na: Dɔ ndɔ-ɛ ose dɔ kar-ɛ gə Bɔy ja gə dɔ rɔ-ɛ ɔji le sisəy asə-je mba gərə ang.

Ndɔ kara n-aw n-usa ne gə ngan njekulaje lə-a le ɗaa n-un ndu n-ar-je na: Awje əw gə ɓebo gə Jerujalɛm ang ngaa ꞌnginaje ne gə Bɔy uwa dɔ gɔl-ɛ, ne gə m-pa tar-ɛ m-ar-si le. Mba Ja̰ ɗa dəwje batɛm mə man gə, ngaa sisəy ɗaa ndɔ nay ba̰y ang baa Luba a ɗa si batɛm gə Njil Njerɔsangə.

Be ɓa go kuy gə lə Jeju ɗaa ꞌjejee gə nee ja ɓa Jeju tɔji rɔ-ɛ kəm-je gə gə ɗəwje dang-dang mba tɔji-je ne to gə n-aw kəm baa. Cibi ɓa ndɔje gə kɛm n-ce ta kəm-je gə nda̰-nda̰ ja ndɔ dɔg sɔɔ ngaɓa n-pa tar ɓeko̰ lə Luba n-ar-je nəm.

Logə n-pa tar to gə be tɔ̰y ɗaa d-ar d-o-e nda̰ be ja d-un-e kəm-je ar d-ar d-a go-e saar n-igi ne yom mə kil gə lə nji dɔ-ɛ gə dara.

Be ɓa logə d-ar d-aw d-a Jeju lo kaw gə lə-a gə dara be ɗaa dəwje joo, d-ula kubu gə nda kələw-kələw ꞌɗe d-inga-je ngaɓa ꞌpa d-ar-je na: Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.