Oblíbené biblické verše z मती 2

Sdílet

तब उसब घर भितर ढुकलै आ माँ मरियम सङे बालकके देखल्‍कै। तब ठेङहुनिया द्‍याके ओकरा गोरलागल्‍कै आ तब आपन-आपन पेटी खोइलके सोना, सुगन्‍ध दैबला धुप आ महग अतरके तेल भेटी चरहेल्‍कै।

रजा हेरोदके बखतमे यहुदिया परदेसके बेथलेहेम गाममे जब येसुके जलम भेलै, ओह्‍या बखत पुरुबसे ज्‍योतिसीसब यरुसलेममे एलै, आ उसब लोकसबसे पुछल्‍कै, “यहुदीसबके रजा भ्‍याके जलमल कते छै? हमसब ओकर जलमके थाह दैबला तरा पुरुबमे उगल देखलियै आ ओकरा दरसन करैले एलचियै।”

जब उसब ओइ तराके फेनो देखल्‍कै, तब उसब खुसीसे गदगद भेलै।

तब हेरोदलग घुइमके नै जो कैहके सपनामे चेताबनी पाइबके उसब दोसर रस्‍ता हैत आपन देसमे घुइमके गेलै। उ ज्‍योतिससब गेलाके बाद, परमपरभुके एकटा दुत सपनामे योसेफलग देखा परलै आ कहल्‍कै, “उठ, बालक आ ओकर माँ के ल्‍याके मिसर देसमे भाइग जो आ हम तोरा नै कहै तक ओतै रह। कथिलेत हेरोद बालकके मारैले ओकरा खोजी कैररहल छौ।”