Oblíbené biblické verše z Genesis 3

Sdílet

Chaymi walmica lantap micunan tuquilla caśhanta licälul munapälun, yaćhayniyu caytapis pinsälul chalalcul micülun. Jinamanꞌa wayapanman uycuptin paypis micülun.

Ñatac TAYTA DIOS lluy chucaru uywacunacta camaśhancunapi culibraycämi llaqui-llaqui casquish caculläla. Paymi walmïta: “¿Tayta Diosćha cayćhu cä lantacunäpïta mana micapäcunayquipä rasunpa nipäcuśhulanqui, aw?” nin.

Jinamanꞌa walmiwan mana allinpam licanacachishayqui. Chaynüllam milayniquipis walmip milayninwan capäcunꞌa. Am culibraycäpa milayniquim ancullaćhu caćhunꞌa; walmïpa milayninñatacmi ichá umaćhu jaluśhunqui” nil.

Walmïtañatacmi nin: “Patayu cayal nanaywanmi apanqui; ishyacunquipis nana-nanaywanmi. Wayapayquitam munapanqui; paypa munayninćhütacmi canquipis” nil.

Cay allpapi lulaśha caśhayquiman cutinayquicamam südayniquiwan micunayquipä talinqui. Allpapi lulaśham canqui; allpallamantacmi cutinquipis” nil.

Wayapätañatacmi nin: “Chay jaćhap wayuyninpi mana micunayquipä mićhacuyaptïpis, walmiqui nishuśhayquitam ichá lulayta ćhapalanqui. Chaymi am-laycu cay allpaca mana allinpä licaśha canꞌa. Sumä ñacaywanmi micunayquipäpis walan-walan talinqui.

Niptinmi Tayta Dios: “¿Pitan calalla caśhayquita nishulanqui? ¿Icha ‘amam micunquichu’ nishac jaćhapïta micülu imanqui?” nin.

Chaynu nunäta alulculmi wirtap inti yalamunan lädunman querubin anjilcunäta ćhulälun. Jinaman sumä-sumä walayä juc ispädapis jinantin muyülïninpam muyuyäla wiña-wiñay cawsanapä cä jaćhaman mana mayanpis yaycunanpä.

Chaypïta wayapaca walminta “Eva” śhutiwanmi śhutichäla, lluy cawsäcunäpi wamä captinmari.