Oblíbené biblické verše z Rome 6

Sdílet

Ehovea mai heaha ve kavale va au hiki le apihaeakilai. Aka Aualari ve meru ma, Iesu Keriso, elaviilave Amua, ovokake haiapo aikiarape.

Ehovea mai heaha eve Amua hovea lei va ka; Pupu hiki ero kiva leiva ka, aka ikiheroe meru iele.

Laelave, elaviila are i hareho la apaki hoa ve bapatiso v'ila karu le ihavape. Hoveahovea Oa ve haharika Keriso karu ve lai urapape, ela kara ovokake are v'ila urahukakilai.

Eve maea hareho kara mai haiae ve horova kalailue: aka Aualari ve horova hiki leiki, api kai urahukape haela hoveahovea: eve maea hareho kara mai ehoe hiki ikivere laila.

Elaviila ore ma: elaviilave overa maea are i hareho satauro ve apihaeape, ehovea mai heaha ve maea hovea haeakive: laelave elaviila aireaki mai heaha ve horova leivahaea va ka.

Laria kara, e va elare maea kelavaki, mai heaha ve apihaeape hovea, aka Aualari v'ila ovokake iele, ehovea Iesu Keriso elaviilave Amua ve ikiheroe.

Elaviila leari maeakilai ha? Elaviila mai heaha hiki leivahaeakilai, ehovea ikiheroe meru koarakive ha? Arekaea! Elaviilave mai heaha overa hapururukape, laelave mai heaha aeka kalaivahaealue.

E ore ka ha? E va lela haela ve horova leivahaelula, e va la haela ve oharo le iapavahaeakilai. Eva areve oharo iapaki la haela, e va areve horova haela, mai heaha aiai apihaeakive la mai, aka iapa veveke aiai lei ehoe leivahaeaki la mai.

Aka Aualari lei morapaeaki, e va oropa mai heaha haela, aka ero avarape la kilea oharo e va iapai auhohi le leivahaeape. Laelave, e va mai heaha ve harepai mai ehohoe ve horova haela le leivahaeape.