Oblíbené biblické verše z luka 7

Sdílet

na kalo geḏi ŋuɽun ŋeno, na nyi gwaŋeicɩno, ŋuɽun ŋuŋun ŋun ŋɩki ŋutu ŋɩmaganiḏuḏɩjo ganu, gi gwune gwəmɩnyu gworki. na ŋun ŋɩmaganiḏuḏɩjo ganu ŋɩti gwəmɩnyu ŋɩti dino. nueico gwa no, ŋuɽun ŋuŋa ŋun ŋɩki ŋɩmaganiḏuḏɩjo ganu.

nueico gwa no, ḏɩməṯo ḏuŋa ḏimaŋakədəga. wiḏi ḏouwɩɽiḏa ḏe.

nuḏuḏɩni ga ŋwara ganu gi ḏuɽo ganu lugwun gwəri gwula, gwar gwawei ŋwara ŋwuŋun ŋwal ŋwe. naṯumuje nanu əɽu ye yuŋun, naṯuməṯo ŋwara ŋwuŋun, naṯuwɩrṯi ŋɩḏini ŋe.

gi gwune dino nyi gwarno nyi gwate gwɩdeleḏo nyi gweləḏa lugwuŋa no; ŋamɩni umə ŋuɽuna mino na gaḏam ginyi gəmɩḏe. gi gwune nyi dino nyi gwiro gwiji gwun məṯɩnu ŋele na nyi gwəṯi ajana gi ḏi ḏinyi. na ḏa mieico yeno no, wiḏi, namɩni yele; na ŋiro kaja ḏa mieicɩno wila, numɩni wila; na ḏa mieico wainya gwi no, arrɩlo ŋeno namɩni ŋularre. na gwune na yecu diŋɩni ŋuɽuna ŋeno nuobaga ṯuṯ lugwun, nuwɩrla ga gi liji lun lugwujano nuleicɩno, nyi gweiceijɩno, nyi gwate manbuje gi liji leḏi isreiyil ḏɩməṯo ḏɩbuḏo ḏiro gi gworo kweno no.

na kaja keno nulgele muma lutu ŋɩɽainy ŋagin ŋun ŋiro kajakaja, na lun ləṯi ḏiŋeroma, na lun lɩrimə gi jei lutu nuluɽi jei ganu. nuwɩrlijo ŋuɽuna nuleicɩno, wiḏɩl nyuməḏɩjo yuwanaŋ ŋun ŋaŋaḏanyalo na ŋun ŋidiŋɩnanyalo, liji lun lɩrimə gi jei ladaŋa ga, na jɩbɩjo jawewele, na lun lɩṯɩlo ŋilo naliŋir nanu, na lun lɩrimə gi nəni ləḏiŋɩni, na lun laiyo ləḏiɽi, na lun late ləṯi ŋɩdio no na ŋuɽun ŋun ŋiŋir ŋeḏi elo ŋuməḏɩni lagin