Oblíbené biblické verše z मत्ती 18

Sdílet

किन्देखे के जेथै दो के च़ींन मेरे नाँव गाशी कठे हों, तेथै हाँव तिनके बिचो दा हाजिर रंऊँ।”

“हजो हाँव तुँओं कैई ऐक खास बात बुलू, के जे तुँओं मुँझी कुँऐं दो झोणें धर्ती गाशी किऐ बात ऐक मंन अरह् ऐक चीत्त करियों माँगो, तअ सेजो मेरे पिता के जाँणें, जू स्वर्गो दा असो, से पुरो कर्ले।

ईन्दें गाशी प्रभू यीशू ऐ ऐक नहाँन्ड़िया आपु कैई बऐदियों तिनके बीचो दो खह्ड़ो करो। “हाँव तुँओं कैई ऐक खास बात बुल्णीं चहाँऊ, जाव तोड़ी तुँऐं आप्णा मंन बद्ल़ियों, ऐसी नहाँन्ड़िया जेष्णें ने बंणों, ताँव-तोड़ी तुँऐं स्वर्गो के राज्य दे कद्दी भे दाखिल ने हंऐ सक्दे।

जुण्जा कुँऐं आपु-आप्खे ऐसी नहाँन्ड़िया जेष्णाँ छुटा बंणाला, तेसी स्वर्गो के राज्य दा सोभी शा बड़ा बंणाँया ज़ाँदा।

अरह् जुण्जा कुँऐं मेरे नाँव शो ऐक ऐष्णों नहाँन्ड़िया धारण करह्, से मुँह धारण करदा।”

“हाँव तुँओं कैई ऐक खास बात बुलू, जुण्जो किऐ तुँऐं धर्ती गाशी बाँन्ले, सेजो स्वर्गो दो बंन्लो; अरह् जुण्जो किऐ तुऐं, धर्ती गाशी खुल्ले, सेजो स्वर्गो दो भे खुल्लो।

“मेरा स्वर्गो का पिता भी तुँवारी गईलो ऐजो ही करदा, जे तुँओं मुँझ्शो ऐक नाँम आप्णें भाऐ, बंऐणी के पाप दिल शे तिस्खे माँफ ने कर्ले।”

“जुण्जा कुँऐं ईनू बालक खे जुण्जे मुँदा बिश्वाष करह्, ढोकर-ढैस का कारण बंणों, तेस्खे ठीक आछ़ो ऐजो हंदों, के तेस्की टाटी-गल़े दा ऐक चाक्की का पाट लटकाऐयों तेसी संमुन्द्रों की गईराई दा डुबाँऐ देईदा।

“तुँऐं का सुचो? जे कोसी आदमी के षौ भैड़ हों, अरह् तिन मुझ़शी ऐक पाऐ भट्की ज़ाँव, तअ कियो से तिनू निन्याँणूवें भैंड़ो छुड़ियों, हजो धार-पाह्ड़ी गाशी ज़ाऐयों, तियों पाई-भट्की अंदी भैंड़ जूह्दा ज़ाँदी ने?”