Oblíbené biblické verše z Matiə 5

Sdílet

Dɩ wa‐n pɛ dɔɔ lãphana a suuro bɩlãkpʋʋnnaˈ, sɩ bilela wɩ‐n dɛ̃ɛ dɩɩ hɩrɛ wɩrɛ fɛʋʋkɛ hanɩle cɔ bɩnɔ. Nɩ dɔ anɩ dahɩrɛ na‐n hɩrɛ tɩbɩlaa ƴɛra thale, wɩ puno wa‐n yɩ anɩ thɔ̃ bɔsɔ, wa‐n dʋbɩ anɩ Thɩɩkɛ hanɩle ƴũu i.

Nɛr dʋɔn dahɩrɛ tɩbɩlala fɛʋ thɩɩra. Dɩɩkɛ wɩ thenɩ gɔ̃gʋɔna na puno na keraˈ.

Gɩ da wɩrɛraakɛ hananɩ ha phuu, gɩdonɩ wɛr na yɛ Thãgba.

Gɩ da wɩrɛraakɛ n gbɛ̃gbɛrɛnɛnɩ gɩrɛ saranɩɩ cʋʋra, gɩdonɩ Thãgba na cʋʋ wɛr dɩ wa ˈli dɩbara.

Sɩ me wer mɩ so narɛ: Na‐n na anɩ lãlaardara, na‐n bɩɛlnɛ Thãgba na pɛ wɩrɛraakɛ n kpoa narnɩ.

Gɩ da wɩrɛraakɛ jɩɛnnɩ dɩ thu thɩ̃ɛ n ɓɔr wɛr, gɩdonɩ ƴũ fãgadaarɩ dɩ wɛr hɩna.

Gɩ da wɩrɛraakɛ n cʋɛnɩ ha ɩɩ dɩ ga‐n hale, gɩdonɩ wɛr wa‐n we Thãgbaa bɩsãsɔ.

Gɩ da wɩrɛraakɛ n bɩɛnnɩ, gɩdonɩ Thãgba na cʋʋ wɛr dɩ wa faa haar.

Gɩ da wɩrɛraakɛ wɩ‐n kpooronɩ dɩɩ do fɩl sarʋ dɔ nɔɔ, gɩdonɩ ƴũ fãgadaarɩ dɩ wɛr hɩna.

Gɩ da wɩrɛraakɛ n dɔnanɩ tɩbɩla bʋɔ, gɩdonɩ wɛr Thãgba na dona bʋɔ.

Gɩ da nar ɔbɔɔkɛ wɩ‐n nɩɩr nɩnɩ dɩ wa‐n kpoona nar, dɩ wa‐n kʋɛna anɩ isɔ na sõso bɩɩ, dɩɩ do mɛr dɔ nɔɔ, gɩdonɩ mɛ̃ wɩ kɔɔ kpoo Thãgbaa bobonasɔraakɛ kɔɔ kʋlɛ nɩnɩ ƴɩɛ. Nɩ dɔ daʋ na‐n fʋ nɩ na‐n kãka, gɩdonɩ anɩ khaardaakɛ na ˈlɛnɩ Thãgbaa dʋɔ, ga kɔ̃tɩnɛ.

Gɩ da wɩrɛraakɛ dɔnɩ hɛlɛlɛ fɩldara, gɩdonɩ wɛr na hɩna thɩɩkɛ.

Nɛr dʋɔn laan thɩɩra, sɩ ado laan bir dasɩ a mɩla bã, mɔ̃ wa fʋ sɩ na cʋʋ gɩ dɩ ga bir na hana mɩlalɛ? Ga dor ga bɔr bã, khuirə wa dʋna na faa mɛ̃, dɩ tɩbɩla na‐n saar na nɛɛ.

Gɛr gɩ nɛrɛ nɩ bʋɔnɔ a ka, mɔ̃kɛ anɩ Thɩ le ƴũ bɔrnɩ a ka.

Ado nɩ so thɩ̃ɛ ayɩ, ɔɔ, nɩ dɔ gɩ do ɔɔra; anɩ ooho n do oohora, gɩrɛ na hanɩle na ɓaan, ga dor puu cʋʋ hɩ̃daarɩ pa gɩ the dɩphã mɛ̃.

Nɩ kɔɔ nɩɛrɛ dɩ wɩ kɔɔ so ayɩ: “A tibil kʋɛ tibil yire, wɩ kʋɛaa yire dakha. A nyɩnɛ a khaa, wɩ khaa nyɩnɛ dakha.” Sɩ me wer mɩ so narɛ: Na‐n kɛ̃kɛrɛ̃ kha na tɩɩ puəˈ. A tibil ka ɓa fɩ nyɔ̃bɔ gbʋaa, birə fe gbʋa kpɩɩ pɩɛraa wo.

Ado afɩ nyɔ̃bɔ yi do far baradaa, te dɔna faa ƴɔɔ, gɩdonɩ ga ba farɛ ado afɩ tomɩ ɓã bɩɛl bu, gɩ baar gɩrɛ wa gbanɩ afɩ tomɩ koo na dʋna bu paar dɔɔra. Ado afɩ nyɔ̃bɔ nyɔ̃ do farɛ baradaa, kuro dɔna faa ƴɔɔ, gɩdonɩ ga ba farɛ ado afɩ tomɩ ɓã bɩɛl bu, gɩ baar gɩrɛ wa gbanɩ afɩ tomɩ koo na dʋna bu paar dɔɔra.