Oblíbené biblické verše z Génesis 8

Sdílet

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe. Te jayeb c'ahc'al ay te bahlumilal, ma xch'ay te yorahil sts'umbajel soc c'ajoj, te yorahil sic soc sq'uixinal q'uinal, te yorahil snahtil c'ahc'al soc scomil c'ahc'al, te c'ahc'alel soc ahc'abal, xchi.

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Mahlelix c'ahc'al a suht tal te stsuhmut, slut'oj tal ya'binal olivo. Hich la sna' te Noé te ts'ujemix te ha' ta lumq'uinal.