Oblíbené biblické verše z ᤗᤠᤶᤍᤡᤰ 3

Sdílet

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠᤴ ᤔᤧᤳᤋᤢ. “ᤀᤠᤱᤃᤠ᤹ ᤀᤠᤱᤃᤠ᤹ᤀᤣᤀᤠ॥ ᤕᤠᤶᤔᤥ ᤂᤢᤏᤧ᤹ ᤐᤠ᤺ᤳᤋᤢ. ᤀᤡᤛᤪᤠᤀᤡᤗᤡᤜᤠ᤹ ᤂᤧᤏᤧ᤹ ᤀᤰᤂᤣ ᤔᤧᤳᤋᤧᤛᤧ᤹. ‘ᤀᤠᤱᤃᤠ᤹ ᤁᤧᤗ᤹ᤒᤠᤸᤗᤧ ᤂᤡᤏᤡ᤹ᤀᤥ ᤐᤠᤱᤄᤠᤱᤒᤠᤖᤥ॥’”

ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠᤴ ᤔᤧᤳᤋᤢ. “ᤀᤠᤱᤃᤠ᤹ ᤂᤧᤏᤧ᤹ᤏᤢ ᤘᤠ᤹ᤀᤠ. ᤂᤧᤒᤩᤠᤱ ᤀᤠᤱᤃᤠ᤹ ᤂᤧᤏᤧ᤹ ᤐᤠᤱᤏᤧᤒᤠ ᤁᤧᤗ᤹ᤒᤠ ᤐᤠ᤺ᤴᤏᤡᤸᤗᤧ ᤔᤡᤰᤛᤣ᤺ᤴᤏᤡᤴ ᤂᤧᤏᤧ᤹ᤀᤥ ᤁᤴ ᤐᤥᤱ᤹—ᤂᤧᤏᤧ᤹ ᤂᤧᤴ ᤔᤏᤠᤜᤠ᤹ ᤔᤡᤛᤪᤗᤠᤶᤒᤠ ᤁᤧᤗ᤺ᤳᤋᤢ ᤁᤧᤓᤧᤳᤋᤢᤛᤡᤸᤗᤧ ᤂᤧᤏᤡ᤹ ᤁᤴ ᤁᤥ᤺ᤰᤔᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤛᤧᤘᤠ ᤁᤧᤔᤧᤳᤋᤢᤶ॥”

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤳᤋᤢ. “ᤏᤡ᤺ᤳᤋᤠᤱ ᤔᤧᤓᤧᤖᤧᤴᤏᤧ᤹॥ ᤂᤧᤏᤧ᤹ ᤁᤧᤗᤠᤱᤛᤢ᤺ᤵᤐᤡᤴ ᤑᤧᤴᤍᤧ᤹ ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤛᤣᤛᤣᤒᤠᤍᤧᤴᤏᤥ ᤁᤧᤕᤧᤵ॥”

ᤕᤜᤘᤣ ᤍᤠᤱᤒᤧᤸᤗᤧ ᤔᤧᤳᤋᤢ. “ᤔᤡᤛᤪ ᤗᤠᤈᤣ᤹ᤀᤥ ᤀᤠᤱᤃᤠ᤹ ᤀᤠᤔᤏᤠᤜᤠ᤹ ᤛᤠ᤹ᤖᤡᤰ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤢᤛᤡᤀᤠᤱ ᤋᤢᤰᤂᤣ ᤔᤧᤈᤠ᤺ᤳᤋᤢᤛᤡᤖ ᤔᤧᤕᤠᤰ. ᤂᤧᤴ ᤀᤠᤱᤃᤠ᤹ ᤏᤡᤛᤢᤱᤅᤠᤱ ᤘᤠ᤹॥ ᤕᤠ᤺ᤶᤒᤰᤁᤥ ᤔᤏᤠ ᤁᤧᤓᤶᤒᤠ ᤔᤡᤛᤪᤡᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤛᤧᤶᤔᤠᤖᤧ ᤗᤠᤃᤡ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤣᤗᤡᤴ ᤀᤠᤱᤃᤠ᤹ ᤂᤧᤵᤛᤢᤱᤅᤠᤱ ᤘᤠ᤹॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤋᤢᤰᤂᤣᤴ ᤏᤢ ᤁᤧᤛᤠᤰᤐᤠ ᤔᤧᤍᤢᤔᤢᤒᤠᤴ ᤀᤠᤱᤃᤠ᤹ ᤁᤢᤛᤡᤱ ᤏᤡ᤺ᤳᤋᤢᤱ᤹॥ ᤁᤸᤗᤧᤆᤥᤃᤢᤸᤗᤧ ᤂᤧᤱᤜᤠ᤹ ᤔᤡᤛᤪᤡᤜᤠ᤹ᤖᤧ ᤂᤢᤴᤇᤡ᤹ ᤜᤢᤰᤁᤥᤗᤠᤶ ᤋᤠᤱᤛᤧ᤺ᤵᤔᤠᤛᤡᤖᤧ ᤗᤠᤃᤡ ᤏᤢ ᤔᤡᤛᤪ ᤗᤠᤈᤣ᤹ᤗᤠᤶ ᤗ᤺ᤵᤔᤠᤛᤡᤀᤠᤱ ᤗᤳᤇᤠ ᤋᤠᤶᤍᤠᤶᤒᤠ ᤗᤠᤈᤣ᤹ᤀᤥ ᤁᤧᤵᤔᤠᤛᤡᤖᤧ ᤗᤠᤃᤡ ᤀᤠᤱᤃᤠ᤹ ᤌᤩᤠᤱᤅᤠᤱ ᤘᤠ᤹ᤀᤠ॥ ᤂᤧᤴ ᤗᤠᤈᤣᤴ ᤐᤡᤳᤏᤢ ᤏᤢ ᤛᤰᤘᤠᤄᤢ ᤁᤧᤃᤢᤱᤒᤠ ᤆᤥᤰ. ᤂᤧᤵᤔᤥ ᤀᤠᤸᤗᤥ ᤁᤏᤠᤏᤡ. ᤜᤡᤳᤋᤡ. ᤀᤣᤔᤥᤖᤡ. ᤐᤖᤡᤈ᤻ᤈᤡ ᤜᤡᤒ᤻ᤒᤡ ᤏᤢ ᤕᤒᤢᤛᤡᤜᤠ᤹ ᤔᤧᤕᤢᤱ᤹॥

ᤂᤧᤵᤔᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤠᤱᤗᤠᤀᤡᤱᤒᤠᤎᤡᤰ ᤑᤠᤳᤋᤠᤵᤐᤡᤸᤗᤧ ᤁᤢᤗᤢᤶᤔᤥ ᤁᤧᤍᤡ᤺ᤵᤐᤠᤖ ᤁᤧᤒᤵᤐᤠ ᤔᤡᤖᤠ᤺ᤰ ᤁᤢᤀᤡᤛᤡᤰ ᤂᤢᤏᤧ᤹ ᤁᤢᤍᤃᤡ ᤏᤡᤎᤠ᤺ᤶᤛᤡᤱ॥ ᤔᤥᤛᤠ᤺ᤸᤗᤧ ᤑᤠᤳᤋᤠᤵᤐᤡᤴ ᤔᤡᤍᤡᤃᤧᤖ ᤐᤳᤇᤧᤒᤠ ᤏᤡᤛᤢ. ᤜᤧᤰᤁᤣᤛᤠᤱ ᤂᤧᤴ ᤂᤠᤵᤐᤢᤌᤩ᤺ᤱ ᤔᤧᤒᤥ᤺ᤰᤂᤧᤴ॥

ᤀᤠᤸᤗ ᤀᤠᤱᤃᤠ᤹ ᤂᤧᤏᤧ᤹ ᤔᤡᤛᤪ ᤗᤠᤈᤣ᤹ᤒᤠ ᤜᤠᤱᤅᤧᤀᤥ ᤐᤠᤱᤏᤧᤖ ᤐᤳᤋᤠ ᤜᤧᤰᤁᤩᤠᤱ ᤂᤧᤏᤧ᤹ ᤀᤠᤱᤃᤠ᤹ ᤀᤠᤔᤏᤠ ᤀᤡᤛᤪᤠᤀᤡᤗᤡᤜᤠ᤹ ᤂᤧᤸᤗᤧ ᤁᤢᤗᤠᤈᤣ᤹ᤗᤠᤶᤒᤠ ᤁᤧᤍᤡ᤺ᤰᤋᤢᤛᤡᤀᤠᤱ ᤁᤧᤗ᤺ᤳᤋᤢ ᤁᤧᤓᤧᤳᤋᤢᤛᤡ᤹॥”