Oblíbené biblické verše z Matei 5

Sdílet

Wala bandu ngaseapambaki taa nu kujiyekale ni kitonga, ila abeka panani ji kipanda ili gwamulakya boti baabii mu nyumba. Ahelahe, mwanganya unang'anu winu gunang'ana palongi ja bandu, ili bagabona mahengu ginu gaamboni ganhenga, ili baalumbaliya atati binu bu kunani kwaka Sapanga.

“Mwanganya ndi unang'anu wu nndema! Musi goasengiki panani ji kitombi ngaguwesi kuhihiika.

Apengiwi bana mwoju wa sapi, ndaba bammbona Sapanga.

Apengiwi baabii ni inzala na nywita jukuhenga gajagapala Sapanga, ndaba biitenda kutupi.

Lakini nepani numpwagi, mwaapala banga kumpala na kwaalobe kwaka Sapanga babunng'alisa mwanganya

Apengaliwi bandu babunhobale Sapanga, ndaba Ubambu ukolongu ukunani kwaka Sapanga ndi gwabu.

Apengiwi baaleta lukwali, ndaba baakema bana baka Sapanga.

Apengiwi babii nu usungu mmoju ndaba jukutenda mahakau, ndaba Sapanga jaakelubukiya kutogule kwabu.

Apengiwi baang'alika ndaba jukuhenga gajupala Sapanga, ndaba Ubambu ukolongu ukunani kwaka Sapanga ndi gwabo.

Apengiwi baabii ni ikia, ndaba Sapanga jaabonila ikia.

Mpengaliwi mwanganya bandu na buntondoo, nunkung'alisa nu kunkopake kwi isoli, ndaba mwanganya mbwata, Ntoguliya nukululuta ndaba nhupi inu ngolongu ibi ku maundi. Ndaba hela ndi ebaang'alisa alota baka Sapanga bababii kabula jukusaliwa mwanganya.

Apengiwi babunzogopa Sapanga, ndaba biilisa ndema.

“Mwanganya ndi mwinyu gu pundema. Lakini mwinyu naguhoiki kunoga kwaki, boo, mwiibeka kii mbaka jinoga kabee? Ngasejibii ni lihengu kabee, ila aleke kunza nukukanyatwa na bandu.

Henu, mbia momkamiliki, ngati Atati binu bu kunani kwaka Sapanga ebii akamiliki.”

Anagupwagiki, ‘Hena,’ kubia, ‘Hena,’ na gupwagiki, ‘Ngahela,’ kubia, ‘Ngahela.’ Sokapi sekijonzuke haga kihuma kuku Mbaja jola.”

“Nzoini ebapwaaga, ‘Lihu kwa lihu na linu kwa linu.’ Lakini nepani numpwagi, gwandepa sindu silia mundu mbaja. Mundu ana jugulapwi likopi lituku luku malele, kabee gundeka jugulapula lituku luku mangega

Ana ngati liu laku la malele lugukolo kuhenga mahakau, tupula ukalekala kutali. Nambanga kuhoa kipandi simu sa nhyega jaku, kuliku nhyega jaku joti kuleke mmwotu wa masoba goa. Anangati kuboku kwaku kwa malele gukukolo kuhenga mahakau, sekula wakalekala kutali. Nambanga kuhoa kipandi simu sa nhyega jaku, kuliku nhyega jaku joti kuguleke mmwotu wa masoba goa.”