Oblíbené biblické verše z مَتّی 2

Sdílet

وختی داخل لَهَر رفتِن و به چوک وا مُمی میریَم شُدی، سجده شُکِه و به اُ چوک پرستش شُکِه. بعد صَندوکُ خو واز شُکِه و طِلا و کُندِر و مُر به اُ تکدیم شُکِه.

عیسی زَمُن هیرودیس پادشاه، توو شهر بِیت‌لِحِم توو منطکه یهودیه وا دنیا هُند، بعد اَ وا دنیا هُندِنِ عیسی، چَن تا اِستالَه شناس که اَ مُغُ هَستَرِن، اَ طَرَه سرزمین شرق وا شهر اورشلیم هُندِن. اِستالَه شناسُ شُگُو: «پادشاه یهودیُ که تازه وا دنیا هُندِن کَمجان؟ به چه که به اِستالَۀ اُ موکعی که توو آسَمُن در هُند، مُدیدِن و هُندِیم تا بِی اُ پرستش بُکنیم.»

اُشُ وختی که به اِستالَه شُدی، خیلی خوشال بودِن.

توو خُو به اِستالَه شناسُ هشدار داده بو که پهلو هیرودیس بَرنَگَردِن، اُشُ هم اَ راه دگه به مملکتُ خو برگشتِن. بعد اَ رفتِن اِستالَه شناسُ، یه فرشتۀ خداوند توو خُوِ ایسُف هُند و ایگو: «هُرُس، به چوک و مُمی بِسَه و وا طَرَه مصر در بِرَه و تا موکعی که تَگَم اُجا بُمون، چون هیرودیس دُمبال ایین که به چوک پیدا بُکنتُ ایبُکُشِه.»