Oblíbené biblické verše z Ta Kəla gír yá̰a̰ gə̄ 17

Sdílet

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

A ɓāríīn̄ Abəram to̰ alé, ba a ɓāríīn̄ na i Abəraham, tɔdɔ̄ m-ā m̄-rāāī kadə̄ ā ī-tél kaa nápar de gə̄ kə́ ngá̰ý gə̄.

M-ā m-ə́hɔ *madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I *madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

Á̰a̰ *madə̄ naā yāḿ ń m-ā m-ə́hɔ seí ní n toó: Ā ī-tél kaa nápar de kə́ ngá̰ý gə̄.

Nə́ɓā tél ədan na: Rɔ̄kum, nə̄yá̰í Sara a ojə ngōn̄ kə́ dəngam seí kadə̄ ā ə̄ndā rīn na i Isaak. M-ā m-ə́hɔ *madə̄ naā seneé ō, kə ngán kaan gēé gotən tə́ ō. I *madə̄ naā kə́ a to ngándáńg.

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

Abəraham ɔsə non nang tə́ ba əgō. Ni-əda kə́ kemən tə́ na ké deē ń ɓālə̄n i ɓú kógə̄ḿ ní ké a ojə ngōn̄ wa. Ké Sara ń ɓālə̄n i kutə ndōhó ní ké a ojə ngōn̄ ō wa.

Gō tə́ anī Nə́ɓā əda Abəraham na: Ā ī-ɓāŕ nə̄yá̰í Sarai to̰ alé, ā ī-ɓārə́n na i Sara.

Mɔtəsí ń ā ə́jaī ní i yá̰á̰ kə́ a ɔjə kadə̄ ə́hɔī *madə̄ naā seḿ.

Banī m-ā m-ə́hɔ *madə̄ naā i kə Isaak ń Sara a ojən yā kadī ní. A ojən dan kə́ tītə̄ ń toō tə́ kem ɓāl̄ ń a reē tə́ toō.

Ngáńsí kə́ dəngam gə̄ malang ń ā ójiīdə́ ní, ré rāān̄ ndɔ̄ sɔ́sɔ́ anī, ā ə́jaī mɔtədə́. I yá̰á̰ kə́ kadə̄ ā ī-rāāī i kə gō gír kaa yāsí gēé. Ɓəlo gə̄ ń ojən̄də́ ɓēé loosí, aláa ɓəlo gə̄ ń ī-mangiīdə́ kə naraá á nin̄ i gír kaa yāsí tə́ aĺ ní, ā ī-rāāī i beé sedə́. Adə̄ ɓəlo ń ojənən̄ ɓēé loosí aláa ɓəlo ń ī-mangin̄ kə naraá ní, ā ə́jaī mɔtən yā kadə̄ *madə̄ naā yāḿ i kə́ ndang kem dā̰ rɔ̄sí tə́ ō, i kə́ a to ngándáńg ō.