Oblíbené biblické verše z 1 Xa̱bo̱ Korínto̱ 5

Sdílet

Rí phú nandoꞌ gátha̱nꞌlaꞌ ñajuun rí ma̱xámbáxa̱ꞌlaꞌ gajmiálaꞌ nimbáa tsí naꞌthán rí dxájwalóꞌ ñajuun, jamí nabóo ga̱jma̱á a̱ꞌgo̱ tsí táyáa, o na̱ni̱gu̱u̱ꞌ ma̱gi̱ꞌdoo mi̱ndaꞌkho, o naꞌne-mbi̱in tsí ra̱ꞌkháa Ana̱ꞌlóꞌ ñajúún, o naꞌthán xkawe̱ꞌ, o najnga̱a̱, o naꞌne-kúwa̱ꞌ mbo̱ꞌ. Ni ma̱xátrigáanꞌlaꞌ rí mu̱peꞌtso gajmiálaꞌ xa̱bo̱ tsí naꞌne rúꞌkhue̱n.

Ikhaa jngó, gu̱ni̱ꞌñáálaꞌ janíí ñu̱u̱ miga̱ꞌ wayuu rí naꞌne-maꞌcháanꞌlaꞌ, kajngó ma̱nindxa̱ꞌlaꞌ xómá ñu̱u̱ nuxe̱ꞌ, rí na̱nguá gíꞌdoo ñu̱u̱ miga̱ꞌ. Ikháanꞌlaꞌ ñajwanlaꞌ xómá guma bopho rí naꞌpho̱ xa̱bo̱ ído̱ naríga̱ ndxa̱a̱ Páskua̱, jamí Krísto̱ ñajuun A̱ꞌdá-mógó tsí nijáñuu ga̱jma̱á numalóꞌ.

Numuu rí na̱nguá máꞌ jaꞌyoꞌ ikhúúnꞌ rí ma̱ra̱jwa̱ꞌ numúú tsí gachúún rixa̱á. Xómáꞌ ikháanꞌlaꞌ jaꞌyalaꞌ rí mu̱ra̱jwa̱ꞌlaꞌ numúú tsí gatiin awúún. Jamí Ana̱ꞌlóꞌ jaꞌyoo rí ma̱ra̱jwa̱ꞌ numúú tsí gachúún rixa̱á. Ikhaa jngó, gu̱xkriya̱a̱ꞌlaꞌ xa̱bo̱ aꞌkhán tsúꞌkhue̱n ná majña̱ꞌlaꞌ.