Oblíbené biblické verše z Xa̱bo̱ Róma̱ 4

Sdílet

Xúꞌkhue̱n máꞌ táꞌne a̱jma̱ a̱kuii̱n, ni máꞌ táꞌnii̱ rí ma̱xánimbo̱o̱ꞌ rí nixuda-mina̱ꞌ Ana̱ꞌlóꞌ ma̱ꞌne, a̱ꞌkhue̱n gakon i̱wa̱á ni̱we̱je̱-gúkúu a̱kuii̱n ná inuu Ana̱ꞌlóꞌ. Xkuaꞌnii neꞌne-mba̱a̱ Ana̱ꞌlóꞌ. Mbá jañii a̱kui̱in Abraám ninimbo̱o̱ꞌ rí Ana̱ꞌlóꞌ gíꞌdoo tsiakhe̱ rí ma̱ꞌne-mbánuu mbá xúgíí rí nixuda-mina̱ꞌ ma̱ꞌne.

Xómá ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ni̱ꞌgíínlo̱ꞌ rí ma̱nindxa̱a̱ꞌ anu̱ú mbaꞌa inii xa̱bo̱». Xkuaꞌnii ninimbo̱o̱ꞌ Abraám jaꞌyoo Ana̱ꞌlóꞌ, tsí naꞌne rí mbuya̱a mbiꞌñúú wa̱jen, jamí naꞌthán numuu rí xóó nda̱a̱, asndo xó rí ríga̱ máꞌ ne̱ jaꞌnii.

Ana̱ꞌlóꞌ nixnáxi̱i̱ Jesús kajngó ma̱ja̱ñúu̱ ga̱jma̱á numuu aꞌkhánlóꞌ, jamí Ana̱ꞌlóꞌ máꞌ neꞌne rí mbayáa̱ mbiꞌyuu̱ kajngó maꞌthée̱n rí nánda̱a̱ aꞌkhánlóꞌ.

Abraám ninimbo̱o̱ꞌ jaꞌyoo Ana̱ꞌlóꞌ jamí ga̱jma̱á mbá jañii a̱kuii̱n ni̱gi̱ꞌthu̱u̱n, maske máꞌ nánguá jaꞌnii rí ma̱gi̱ꞌthu̱u̱n, rí ikhaa̱ ma̱nindxu̱u̱ anu̱ú mbaꞌa inii xa̱bo̱, xómá waꞌtháa̱n neꞌne Ana̱ꞌlóꞌ: «Xkuaꞌnii mbaꞌiin xa̱bia̱aꞌ gáꞌne».

Ikhaa jngó, Ana̱ꞌlóꞌ nixuda-mina̱ꞌ ga̱jma̱á majñu̱u̱ rí ni̱we̱je̱ a̱kui̱in Abraám ná inuu̱, numuu ndiyoo Ana̱ꞌlóꞌ rí mbá xúgíin xa̱bi̱i Abraám ma̱janúú rí naxuda-mine̱e̱ꞌ. Ra̱ꞌkhá i̱ndo̱ó tsí nune̱-mbáníí xtángoo ma̱janúú rí nixuda-mina̱ꞌ Ana̱ꞌlóꞌ, rí asndo tsí wéje̱ a̱kui̱ín ná inuu Ana̱ꞌlóꞌ mangiin xómá ni̱we̱je̱ a̱kui̱in Abraám. Ikhaa̱ ñajuu̱n tátiálóꞌ mbá xúgiáanꞌ ikháánꞌlóꞌ.

Xáꞌnii niꞌthán Dabíd: «Phú gagi júwa̱ꞌ xa̱bo̱ tsí naꞌne mba̱a̱ a̱kui̱in Ana̱ꞌlóꞌ jaꞌyoo aꞌkhúún, jamí narngudi̱i rí xkawe̱ꞌ nuni̱i̱. Phú gagi xtáa xa̱bo̱ tsí naꞌthán Táta̱ rí nánda̱a̱ aꞌkhúun».

Numuu rí xáꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: «Ninimbo̱o̱ꞌ Abraám jaꞌyoo Ana̱ꞌlóꞌ, rúꞌkhue̱n jngó ndiꞌyoo Ana̱ꞌlóꞌ rí májáan a̱kuii̱n».