Oblíbené biblické verše z Walumi 1

Sdílet

Siona chinyala kuligula Usenga Unogile, kwavija ni udaho wa Mulungu uwalohola wanhu wose womtogola Yesu, kusongela kwa Wayahudi na waja haweli Wayahudi.

Kwavija Usenga Unogile wolagusa vija Mulungu viyolonda chitogoligwe nayo, mbuli ino yosang'hanika kwakutogola, kulawa haichanduso mbaka hauhelelo, kama viyandikigwe, “Munhu yotogoligwa na Mulungu kokala kwa kulongozigwa na nhogola yake.”

Kulawa Mulungu viyalumbile isi, wanhu wodaha kumanya Mulungu viyeli hata kama haoneka kwa meso. Wanhu wodaha kumanya kua Mulungu kana udaho mazua gose galibule uhelelo na kua iyo Mulungu yaiyeka kwambuli ya vinhu viyalumbile. Baho wanhu hawadaha kulonga kua hawammanyile Mulungu.

Maza wommanya Mulungu, mbali hawamtegeleza hebu kumwing'ha hewela kama viilondeka. Badili yake, nhonga zao ni ubozi na hawaumanya usenga wa Mulungu.

Wauleka ukweli wa Mulungu na kuwinza uvwizi, wovifugamila vilumbe na kuvisang'hanila badili ya Mulungu mwenyego yavilumbile, ija yolondeka kwing'higwa nhogolwa ilibule uhelelo! Pepaa.

Ng'hasiliki ya Mulungu iyoneka kweli kulawa kuulanga kwambuli ya wanhu womlema na kutenda ubananzi. Wanhu wao wouhinduka ukweli wake kwa ubananzi wao.

Kwaivo, Mulungu kawaleka wawinze maya zao zihile. Hata wanachike wohindula sang'hano za ng'huli zao wowaleka walume woisola wenyego kwa wenyego. Ivija na walume nao waleka kuwinza nzila inogile ya malumbo ga muke na mulume na woingilila wenyego kwa wenyego. Walume woigela chinyala wenyego, kwaivo wailondela wenyego kulamuligwa hakulu vija viilondeka kwa mbuli zao zihile ziwasang'hana. Kwavija wanhu walema kummanya Mulungu, Mulungu kawaleka mzinhonga zao zihile, wasang'hane gaja hagalondeke kusang'hanigwa nao.

Woigoda wana nzewele, mbali ni wabozi, woleka kumfugamila Mulungu yelibule uhelelo, badili yake wofugamila nyang'iti ziigala na wanhu waja wodanganika, hamwe na wanyama na ndege hebu vilumbe vija vitambala.