Oblíbené biblické verše z Dolabololo 3

Sdílet

Ngana balasu no ngaku ti-tiai Ma JOU re awa no masidiriwa tani wo-waro masiretene lai ngido. No 'elingi Ma JOU, wakutu no 'a'a 'oru ḇato, la Unanga ḏuanga i'a 'O sinyanyasele 'ani 'ahu.

Awa no magoro ino 'ani wo-waro kau'u; Mojongo Ma JOU re no maki-kiḏanga toma kajahatana

Silamo'o Ma JOU rani harata re gasa 'ani jou-jou tani tana'a ma hasili mo-moini ga'a ma mulaingi ra Unanga, la 'ani titila mo-moini 'i romanga pai-pai'i reo guḏa ma hasili, re 'ani tampayanga 'i romanga singadolo pa'ala reo 'anggur ma ḇanyo.

Awa no matogumu dadalara re setia ra Ma Jou'ongu Madutu re manusia, ngana balasu na pake ma tero rate ga'a hali tani camala, re no palihara gena-ge mo-moini tani 'akala re sinyingara ma dara.

'Ari ngowa'a nau'u, awa no itomo Ma JOU 'ai do-doto'o, re no ruta awa na'o Unanga 'o ḇangata ngana. Sababu Ma JOU 'o sihukumu ngowa'a ga'a Unanga 'a dadalara, ma tero sa'olo ḇaḇa matengo 'o ca'olo 'ai ngowa'a nau'u ga'a unanga 'a dadalara.

'Ari ngowa'a nau'u, sidaioranga awa 'oru ga'a ngoi reto doto'o ḏua ra ngana, re na 'elingi 'ari parenta, la 'ani 'umuru 'i dogo kiḏanga re 'ani 'ahu ganapu la-la i'a.

Bara'utungu ngowa'a ga'a sanga 'akala soro'unu, re ngowa'a ga'a sanga wo-waro di'a 'ahu, Sababu enanga ma 'utungu lebe lamo'o reo salaka, re ma hasili lebe hali reo guraci. 'Akala soro'unu ma ijana lebe kau'u reo maḏi ga'a ma ijana hali-hali, enanga lebe kau'u reo 'ani 'akala ma mau mo-moini.

Awa no itomo na'o ngowa'a 'aḏi golo'o riono ra ngana, momongolo ua ngana nyengara na si'a'a.

Rai 'akala soro'unu, Ma JOU ro sidadi dungia, Rai wo-waro lai ngido, Unanga gena-ge ro 'a'a diwanga.