Oblíbené biblické verše z يُوحَنَّا 2

Sdílet

وَ الْعَجَبْ الْعِيسَى سَوَّاهْ فِي حِلَّةْ كَانَةْ فِي دَارْ الْجَلِيلْ، دِي أَوَّلْ عَلَامَةْ الْعِيسَى وَصَّفَاهَا. وَ بِمِثِلْ دَا، هُو وَصَّفْ قُدُرْتَهْ الْمَجِيدَةْ لِتَلَامِيذَهْ وَ هُمَّنْ آمَنَوْا بَيَّهْ.

وَ عِيسَى رَدَّ لَيْهَا وَ قَالْ: «يَا مَرَةْ زَيْنَةْ، تِدَوْرِي مِنِّي شُنُو؟ وَكْتِي لِسَّاعْ مَا تَمَّ».

وَ عِيسَى حَجَّى لِلْخَدَّامِينْ وَ قَالْ: «أَمْلَوْا الدَّوَايِنْ أَلْمِي.» وَ خَلَاصْ مَلَوْهُمْ تَكْ. وَ عِيسَى قَالْ لَيْهُمْ: «هَسَّعْ شِيلُوا أَلْمِي شِيَّةْ وَ وَدُّوهْ لِسِيدْ الْعَازُومَةْ.» وَ خَلَاصْ وَدَّوْه لَيَّهْ.

وَ عِيسَى رَدَّ لَيْهُمْ وَ قَالْ: «دَمُّرُوا الْبَيْت دَا وَ أَنَا نِقَوِّمَهْ فِي تَلَاتَةْ يَوْم.»

وَ شَالْ حُبَالْ وَاحِدِينْ وَ سَوَّى بَيْهُمْ سَوْط. وَ طَرَدْ بَيَّهْ كُلَّ النَّاسْ مِنْ فَضَايَةْ بَيْت اللّٰهْ مَعَ الْبَقَرْ وَ الْغَنَمْ. وَ رَمَى طَرَابِيزْ هَنَا النَّاسْ الْقَاعِدِينْ يِبَدُّلُوا قُرُسْ وَ شَتَّتْ قُرُسْهُمْ. وَ حَجَّى بِحِسّ شَدِيدْ لِلنَّاسْ الْقَاعِدِينْ يِبِيعُوا حَمَامْ وَ قَالْ: «أَمُرْقُوا خُمَامْكُو مِنْ هِنِي! خَلُّوا مِنْكُو التِّجَارَةْ فِي بَيْت أَبُويِ!»