Oblíbené biblické verše z Matthieu 7

Sdílet

I kɔi Nube nyan ke awi ndoo’n ɓaa à ade sei a, i sangi nyan ke awi ndoo’n ɓaa a ingei. Undei tàbit kei ɓaa, d’a d’ɔr kade sei ɓai a tɔ.

Nanan ke kɔ nyan ke aw ndoo’n ɓaa, d’a d’ade’n. Nanan ke sang nyan ke aw ndoo’n ɓaa, d’a d’ade’n. Nanan ke unde tàbit kei ɓaa, d’a d’ɔr kade’n a tɔ.

Nanan ke ree ram’t ur mbi’n oo’n tàge le’m ra nyan’n ɓaa, tò asenan se doo karé ke njè kêm tɔ kuju tà ke unde gir kei le’n dè kuberi herge’t bè.

Nyan malang ke sei i ndigi kade dooge ke rang rai tede le si nga, sei géa i rai titeke bè tede le de tɔ. E ke nè á è tà ke ndɔ ke Moise se njéribe-dè-tàge ke tà Nube’t ndooi dooge.

Nè tàbit kei ke aw loo ndikumgajer se non nga, è kêl-kêl a, è rebe ke njon a tɔ. Dooge ke ingei tàbit kei se rebe ke njon nè nga, ei ndêin bere bè.

Awi se tà rebe ke kêl-kêl tá. Kerɔte kuwe, tà rebe ke but-but è rebe aw ke loo tuju’t. Rebe ke but-but nga dooge ngain awi tutu dik-dik.

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

I gangi tà dè dooge’t lé tede kade Nube gang’n tà dè si’t lé tɔ. Kerɔte kuwe, kum tà ke sei gangi dè dooge’t nè kuwe á Nube à gang dè si’t tɔ. Nyan kɔje nyan ke sei ɔjii nyan adi dooge nè nga kuwe á Nube à ɔje’n nyan kade sei tɔ.

Nè doo ke rara ke ree ram’t oo tàge le’m á ra nyan’n lé ɓaa, tò asenan se doo ke njè kêm tɔ kuju tà lé ke unde gir kei le’n dè nyeenger’t bè.

Ké tede ri á oré kumi dè bum walè ke tò kum ngokoin’t anje kan maman kage ke tò kumi’t nga wa? Loo ke maman kage tò kumi’t ɓaa, ké a kede ngokoin kede nè: «Inye’m ade m’ɔr bum walè ke tò kumi’t» nga titeke bain wa?

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge. A i geri de se go nyanra de. Ké doo à kuje kann nduu dè kage konn’t wa? Ké doo à kuje kann koté dè kage ngarr kalè’t wa?

Titeke bè kage ke maje ke rara nga ann maje, nè kage ke majelé ɓaa ann majelé tɔ.

Kage ke maje asekum kann majelé lé, éké kage ke majelé asekum kann maje ndan lé a tɔ.

Kage ke rara ke ann majelé ɓaa, dé tuge’n dé gang’n d’ile’n poro.