Oblíbené biblické verše z Ad’u Tinda 3

Sdílet

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Wani guguina ni ma lem mamba kal azurei suma Ma didina Alona mi lazi petna. Mi de matchad’a ala: Alona mi dagi ala agi tagi vud’agu ma kur asinena pet tuo ni, gagazi zu?

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Bugola, mi de matchad’a ala: An mba ni hak ndak ka ngola ki wirâ; ndak mba d’i vut grona ni ki ndaka; hina pet pî, min maka mba d’i tchol nata ndjuvugu, mam mba mi te kak mi.

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Bugola, mi de mi Adam ala: Ang hum wa vun amanga, ang te wa vud’agu ma an dang kam ala: Ang tum mbuo na. Kayam ndata, an mba ni gandagad’a vuna ni kayam angû; ni ki ndaka tua ba, ang mba fe ki tena gak mat mangâ.

Ma didina Alona mi djobom ala: Sama mi dang ala: Angî gandilad’a na ni nge ge? Na ni ang te ni vud’agu ma an dang ala: Ang tum mbuo na zu?

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Adam mi yi simiyê amamba ala Ef, kayam ndat nasu suma pet.