Oblíbené biblické verše z Maki 1

Sdílet

Ta 'enega gonamapumapuya Yesu 'itoolo ga anuwega 'iapwesa ga tebweuna 'itauya mwatui daitaya ga 'isidasida Yaubada 'ena.

'igwae, “Tuta ni'atu 'iapwesama be Yaubada 'ida etoloina 'edaya. 'Enega 'imi guinuwa to'umalidi 'ediyega wada nuwa'ebuni be Tetela bobo'ana wada emise.”

Ta Yesu ni'atu bwasiyega 'igayo'oya'ama ga 'i'itatu'e ta galewa 'i'itena 'i'egegena, ta Yaluyaluwa Tabuna 'ana 'ita 'atuwa bunebune 'imwa'uta 'enaya. 'Enega 'ebweu 'enana galewega 'ionama 'igwae, “'Oyo natu'ai'ailigu, manuyo yagwausowala sinabwana.”

'Abo'agu bwasiyega tuga yagiebapitaisoemi, ta tauna Yaluyaluwa Tabunega 'ida giebapitaisoemi.”

Ga Yesu 'ibwauyedima, 'igwae, “Wamuliyegu be yada gibubumi tomota 'adi togomanao.” Gote 'ena 'idi gomana sipilisinena ga Yesu simuliyena.

Ta tomota maibo'adi nuwadi 'iowana 'ina e'ita manuna, ga sigwae, “E'ita gete palupaluna ta waiwaina, ta 'ida loina 'ana toe'itao 'idi e'ita nenetana.”