GENESIS 7
7
Tó yíląąd
1Ákohgo Bóhólníihii éí Nóah áyidííniid, Ni áádóó bił dah yíkahii t'áá ánółtso k'ad tsinaa'eeł biih wohkááh, háálá t'áá ákogi ánít'éego díí oochíłígíí bitahgi nééhonisin. 2Naaldlooshii daadą́ą dooleełii t'áá ałtso bitahdóó biką'ii índa bi'áadii tsosts'id níjaa'go bił yah ahidííkah; naaldlooshii doo daadą́ą da dooleełii éí biką'ii índa bi'áadii naaki níláago bił yah ahidííkah. 3Nidaat'a'ii biką'ii índa bi'áadii ałdó' tsosts'id níjaa'go bił yah ahidííkah; nahasdzáán bikáá'góó t'áá át'éé nít'éé' dahináanii ał'ąą ádaat'éii t'áá da'ahílchíih doo biniyé baa áhólyą́ą doo. 4Áko tsosts'id yiską́ągo shizaad k'ehgo dízdiin jį́ áádóó dízdiin tł'éé' nahałtin doo, áko t'áá ałtso dahináanii ádaashłaaígíí nahasdzáán bikáa'gi ádeeshdįįł. 5Áko Nóah éí Bóhólníihii hach'į' yee haadzíi'ii t'áá ałtso bi'jiilaa.
6Nóah éí hastą́ądi neeznádiin binááhaigo nahasdzáán bikáa'gi tó yíląąd. 7Tó dooląąłígíí biniinaa Nóah áádóó haye'ké áádóó hwe'asdzą́ą́ índa haye'ké bida'asdzą́ą́ t'áá ádzíłtso tsinaa'eeł biih jookai.#Mt. 24:38,39; Lk. 17:27. 8Naaldlooshii daadą́ą dooleełii áádóó naaldlooshii doo daadą́ą da dooleełii áádóó nidaat'a'ii índa nihokáa'gi nidaa'na'ii t'áá ałtso 9biką'ii índa bi'áadii naaki níláago Nóah yich'į' tsinaa'eeł yii' yah aheeskai; Diyin God éí Nóah yich'į' haadzíi'ii yik'eh ádaadzaa. 10Áádóó ákódzaago tsosts'id yiską́ą́dóó bik'ijį' nahasdzáán bikáa'gi tó bi'niiląąd.
11Áko Nóah hastą́ądi neeznádiin binááhaigo áádóó naaki nídízííd binih tsosts'idts'áadahgóó yoołkáałgo ts'ídá éí bijį́į́dą́ą́' tónteel bii'dę́ę́' tó hadadziisxaal, áádóó yá ąą ádaadzaago tó dadeeshchxosh.#2Pet. 3:6. 12Áko nahasdzáán bikáa'gi nahałtingo dízdiin jį́ índa dízdiin tł'éé' azlį́į́'. 13Nihihoníłtą́ bijį́į́dą́ą́' Nóah áádóó haye'ké Shem áádóó Ham índa Jéífeth áádóó Nóah be'asdzą́ą́ áádóó haye'ké bida'asdzą́ą́ tált'éego tsinaa'eeł biih jookai. 14T'áá ádzíłtso áádóó naaldlooshii ał'ąą ádaat'éii áádóó alį́į́' ał'ąą ádaat'éii áádóó nihokáá' nidaa'na'ii ał'ąą ádaat'éii índa nidaat'a'ii ał'ąą ádaat'éii 15bits'íís dahináago nídadidzihii nináneel'ą́ąjį' naaki níláago Nóah yich'į' tsinaa'eeł yii' yah aheeskai. 16Diyin God éí Nóah yich'į' haadzíi'ii bik'ehgo yah adahaaskaígíí éí bits'íís dahólóonii ał'ąą ádaat'éii t'áá ałtso bitahdóó biką'ii índa bi'áadii yah aakaii t'áá yił Bóhólníihii hadádi'níłkaal.
17Dízdiin jį́ nahasdzáán bikáá'góó tó de anool'ąął, áko tó t'áá íiyisí de adínées'ąądgo tsinaa'eeł dah naa'eeł silį́į́'. 18Áádóó t'ah biláhígo ayóó át'éego tó de náádí'nées'ąądgo nahasdzáán ałtso yik'i diilkǫ', áko tsinaa'eeł táłkáá' dah dii'éél. 19Tó alááh nool'ąądgo nahasdzáán ałtso yik'i diilkǫ' áádóó dził aghádaaz'á yę́ę yá biyaagi t'áá níłtéél nít'éé' ałtso tó bik'i dadiilkǫ'. 20Naadiin naakidóó náá'áłníí' ké silá ánízáádgóó tó néés'ąądgo dził ałtso yik'i diilkǫ'. 21Áko nahasdzáán bikáa'gi bits'íís hólǫ́ǫgo naaldeehii t'áá ałtso: éí nidaat'a'ii áádóó alį́į́' áádóó naaldlooshii áádóó nihokáá'góó nidaa'na'ii índa diné ałdó' ts'ídá ałtso tó ábísdįįd; 22nídídzihii nináneel'ą́ąjį' nihokáá'góó naasdee' yę́ę ts'ídá ałtso tó ábísdįįd. 23Áko ni' bikáa'gi dahináanii ałtso tó ábísdįįd: diné áádóó naaldlooshii áádóó nidaa'na'ii índa nidaat'a'ii éí nahasdzáán bikáa'gi ábi'disdįįd, áko tsinaa'eeł biyi' góne' Nóah hoł hólónígíí t'éiyá t'áá bił dzoodzíí'. 24Tó éí nahasdzáán t'áá yik'i dilkǫǫhgo neeznádiindóó ba'aan ashdladiin yiską́.
Právě zvoleno:
GENESIS 7: NVJOB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 7
7
Tó yíląąd
1Ákohgo Bóhólníihii éí Nóah áyidííniid, Ni áádóó bił dah yíkahii t'áá ánółtso k'ad tsinaa'eeł biih wohkááh, háálá t'áá ákogi ánít'éego díí oochíłígíí bitahgi nééhonisin. 2Naaldlooshii daadą́ą dooleełii t'áá ałtso bitahdóó biką'ii índa bi'áadii tsosts'id níjaa'go bił yah ahidííkah; naaldlooshii doo daadą́ą da dooleełii éí biką'ii índa bi'áadii naaki níláago bił yah ahidííkah. 3Nidaat'a'ii biką'ii índa bi'áadii ałdó' tsosts'id níjaa'go bił yah ahidííkah; nahasdzáán bikáá'góó t'áá át'éé nít'éé' dahináanii ał'ąą ádaat'éii t'áá da'ahílchíih doo biniyé baa áhólyą́ą doo. 4Áko tsosts'id yiską́ągo shizaad k'ehgo dízdiin jį́ áádóó dízdiin tł'éé' nahałtin doo, áko t'áá ałtso dahináanii ádaashłaaígíí nahasdzáán bikáa'gi ádeeshdįįł. 5Áko Nóah éí Bóhólníihii hach'į' yee haadzíi'ii t'áá ałtso bi'jiilaa.
6Nóah éí hastą́ądi neeznádiin binááhaigo nahasdzáán bikáa'gi tó yíląąd. 7Tó dooląąłígíí biniinaa Nóah áádóó haye'ké áádóó hwe'asdzą́ą́ índa haye'ké bida'asdzą́ą́ t'áá ádzíłtso tsinaa'eeł biih jookai.#Mt. 24:38,39; Lk. 17:27. 8Naaldlooshii daadą́ą dooleełii áádóó naaldlooshii doo daadą́ą da dooleełii áádóó nidaat'a'ii índa nihokáa'gi nidaa'na'ii t'áá ałtso 9biką'ii índa bi'áadii naaki níláago Nóah yich'į' tsinaa'eeł yii' yah aheeskai; Diyin God éí Nóah yich'į' haadzíi'ii yik'eh ádaadzaa. 10Áádóó ákódzaago tsosts'id yiską́ą́dóó bik'ijį' nahasdzáán bikáa'gi tó bi'niiląąd.
11Áko Nóah hastą́ądi neeznádiin binááhaigo áádóó naaki nídízííd binih tsosts'idts'áadahgóó yoołkáałgo ts'ídá éí bijį́į́dą́ą́' tónteel bii'dę́ę́' tó hadadziisxaal, áádóó yá ąą ádaadzaago tó dadeeshchxosh.#2Pet. 3:6. 12Áko nahasdzáán bikáa'gi nahałtingo dízdiin jį́ índa dízdiin tł'éé' azlį́į́'. 13Nihihoníłtą́ bijį́į́dą́ą́' Nóah áádóó haye'ké Shem áádóó Ham índa Jéífeth áádóó Nóah be'asdzą́ą́ áádóó haye'ké bida'asdzą́ą́ tált'éego tsinaa'eeł biih jookai. 14T'áá ádzíłtso áádóó naaldlooshii ał'ąą ádaat'éii áádóó alį́į́' ał'ąą ádaat'éii áádóó nihokáá' nidaa'na'ii ał'ąą ádaat'éii índa nidaat'a'ii ał'ąą ádaat'éii 15bits'íís dahináago nídadidzihii nináneel'ą́ąjį' naaki níláago Nóah yich'į' tsinaa'eeł yii' yah aheeskai. 16Diyin God éí Nóah yich'į' haadzíi'ii bik'ehgo yah adahaaskaígíí éí bits'íís dahólóonii ał'ąą ádaat'éii t'áá ałtso bitahdóó biką'ii índa bi'áadii yah aakaii t'áá yił Bóhólníihii hadádi'níłkaal.
17Dízdiin jį́ nahasdzáán bikáá'góó tó de anool'ąął, áko tó t'áá íiyisí de adínées'ąądgo tsinaa'eeł dah naa'eeł silį́į́'. 18Áádóó t'ah biláhígo ayóó át'éego tó de náádí'nées'ąądgo nahasdzáán ałtso yik'i diilkǫ', áko tsinaa'eeł táłkáá' dah dii'éél. 19Tó alááh nool'ąądgo nahasdzáán ałtso yik'i diilkǫ' áádóó dził aghádaaz'á yę́ę yá biyaagi t'áá níłtéél nít'éé' ałtso tó bik'i dadiilkǫ'. 20Naadiin naakidóó náá'áłníí' ké silá ánízáádgóó tó néés'ąądgo dził ałtso yik'i diilkǫ'. 21Áko nahasdzáán bikáa'gi bits'íís hólǫ́ǫgo naaldeehii t'áá ałtso: éí nidaat'a'ii áádóó alį́į́' áádóó naaldlooshii áádóó nihokáá'góó nidaa'na'ii índa diné ałdó' ts'ídá ałtso tó ábísdįįd; 22nídídzihii nináneel'ą́ąjį' nihokáá'góó naasdee' yę́ę ts'ídá ałtso tó ábísdįįd. 23Áko ni' bikáa'gi dahináanii ałtso tó ábísdįįd: diné áádóó naaldlooshii áádóó nidaa'na'ii índa nidaat'a'ii éí nahasdzáán bikáa'gi ábi'disdįįd, áko tsinaa'eeł biyi' góne' Nóah hoł hólónígíí t'éiyá t'áá bił dzoodzíí'. 24Tó éí nahasdzáán t'áá yik'i dilkǫǫhgo neeznádiindóó ba'aan ashdladiin yiską́.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).