Jn 2
2
Nywöm kì Gɑnɑ̀
1Kì dɑ̈ɑ̈g cyɑ̈ng, ɑ́dɑ nywöm kì kɑɑl Gɑnɑ̀ kì myërri Gɑlelì, o meyi Yëso ɑ́bëëd e nud kì kenyɑni. 2Kɑ Yëso geki jøbɑnge cwøøl kej nywöm thyew. 3Keny-ɑ ɑ́thumi møgi oløg, ɑköbbi Yëso yi meye kinni, “Tyëngɑni ɑ́jɑ̈ddi ki møgø.”
4Akööb Yëso kinni, “Dhɑnh, yïde ki yɑn, bøli kejɑ nuti bëënø.”
5Kɑ tyëng-ɑ göögø köbbi yi meyi Yëso kinni, “Gwøgu gïn-ɑ óköbbe wun.”
6Kenyɑni ɑ́dɑ puggì ɑ́bïkyel mø bɑ kïttì, ɑ́kyel yije nyi røm-ɑ yi gïn ni lïtïr miyø. Yethi gen nyi kïdh-ɑ pïg-ɑ nyi löög kì yij kwööng Yeud. 7Aköbbi gen yi Yëso kinni, “Pɑ̈ngu puggì ki pï.” Apɑ̈ng ge gïn ki pï. 8Kɑ gï köbbe kinni, “Tömi wun, kɑ muuj wun jɑldwøøng jønywöm.” Kɑ møgɑni gwøg yi gen. 9Abel pïg-ɑ ɑ́løg ri gen møgi oløg yi jɑlɑni, de kun-ɑ kɑ̈ɑ̈l yi møngɑni kwïj yi en, dɑ́ tyëng-ɑ ɑ́tøm pïgɑni ɑ ngɑ̈ny wøw. Acwøle jɑlnywöm, 10kɑ gø köbbe kinni, “Ji nyi muuj-ɑ møng-ɑ døj kì tyeli mɑl, o keny-ɑ órum ji ki nɑ̈gø yi møgø, o møng-ɑ rɑɑj kɑ̈ɑ̈l kì cyɑ̈n. De yï yöd yï mïdh-ɑ møng-ɑ døj, o kɑ̈ɑ̈l ɑnɑn kì cyɑ̈n!”
11Bene ngïji men-ɑ ɑ́kwøng ki gwøgø yi Yëso, gø ɑ́gwøg yi en ɑ Gɑnɑ̀, kì myërri Gɑlelì. Kenyɑni ɑ ɑ́nyodhe mɑ̈re, kɑ yïëy yi jøbɑnge.
12 #
Mt 4.13
Codhe, ɑkedh gen bënn, ge kedh-ɑ Kɑpernɑum; en kí meye kí nyiimen geki jøbɑnge, kɑ obëëdø kì kunɑni ki cyɑ̈ng me nøg.
Kedhi Yëso Kengø
(Mt 21.12-13; Mk 11.15-17; Lk 19.45-46)
13 #
Kedhø 12.1-27
Kɑ Yëso kedh-ɑ Yerusɑlem kì cyɑ̈ɑ̈ng Kwëër Ákɑɑdh. 14Kɑ jøngyëwø ki dhög kí dyëg kí ɑkùr yuude ódɑ̈ri Kengø. Kɑ jøwïïdø ki ngyëny yuude ge obëëdø kì buti tɑrɑbedhhi gen. 15Kɑ oyëdø ki ócøl, kɑ jiɑni cyeede wɑ̈g bënn kì ódɑ̈ri Kengø, kyeel kí dyëg, kí dhög. Kɑ ngyënyyi jøwïïdø kedhhe, kɑ tɑrɑbedhhi gen tɑrre kì piny. 16Kɑ jøngyëwø ki ɑkùr köbbe kinni, “Yëëg wun jɑmmi wun wɑ̈g, ød Wïyɑ ko løgu kej ngyew!” 17#Wör 69.9 Apɑɑr møg-ɑ yij wɑ̈nyi kwërø yi jøbɑnge kinni, “Mɑɑr-ɑ mɑɑrɑ Kengí yïn ɑ Jwøk, lyel nɑ mɑc kì pyëwɑ.”
18Codhe, ɑköbbi Yëso yi Yeud kinni, “Á ngïji mɑ ngø ɑ ónyudhí wøn, kipe møg-ɑ gwøg yi yïn ek?”
19 #
Mt 26.61; 27.40; Mk 14.58; 15.29 Aløøg mø gen yi Yëso kinni, “Nyɑɑg wun Kengɑni piny, o ódøøgɑ ki gerø ki cyɑ̈ng ɑ́dɑ̈g.”
20Akööb Yeud kinni, “Kengɑni ɑ́tyëg-ɑ runn pyɑ̈r ɑ́ngwen wïdɑ́bïkyel e ogerø, ócuggi gerø yi yïn ki cyɑ̈ng ɑ́dɑ̈g?”
21De Keng-ɑ kømme bɑ dële kiree. 22Kɑ kì bɑng kɑ ɑ́dwööge wɑ̈g kì yij thøø, ɑpɑɑr møg-ɑ ɑ́kømme yi jøbɑnge, kɑ møg-ɑ yij wɑ̈nyi kwërø yïëy yi gen geki møg-ɑ kømmi yi Yëso.
Bëëdi Dhɑnhø Bëne Ngɑ̈nyi yi Yëso
23Keny-ɑ ɑ́ying Yëso Yerusɑlem kì cyɑ̈nggi Kwëër Ákɑɑdh, ɑ́yïëy yi ji mø ngenyø, kɑ ɑ́lïdhi gen ki ngïjjì møg-ɑ ɑ́gwøg yi en. 24De Yëso ree nuti nyudh en tyëngɑni, mɑ́ dhɑnhø bëne ngɑ̈nyi yi en, 25o bong ngɑn dwɑdde me di köbbii møg-ɑ ying pëthi ji, mɑ́ en kiree, gïn-ɑ pyëw dhɑnhø bëne ngɑ̈nyi yi en.
Právě zvoleno:
Jn 2: shkDCB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Shilluk DC Bible © Bible Society in South Sudan, 2011.