LOS HECHOS 3
3
Xama énxet apkelyelkamap kéltakmelcheseyam
1-2Apkelmeyákxeyk axta tegma appagkanamap Pedro tén han Juan, las tres taxnam axta m'a, ektamhomaxchexa axta cha'a nempeywa nelmaxnagko. Apheyk axta xama énxet apkelyelkamap eyeynamókxa sekxo' apteyékmo m'a tegma appagkanamap nak. Kólsakxohok axta cha'a yókxoho ekhem ma'a, axta cha'a kólpekkenwakxohok ma'a átog ekwesey axta ektakmalma, yakwayam enxoho eleyxek aksok apméso m'a énxet'ák ektaha axta apkelántaxnegweykekxa m'a. 3Xama axta apwet'a énxet apkelyelkamap apkelxegakmo Pedro, tén han Juan, keto' axta apkelántaxnamakxa kañe' tegma appagkanamap, apkelmaxnakkek axta aksok. 4Apkelanawók axta Pedro tén han Juan. Aptahak axta Pedro apcháneya énxet apkelyelkamap se'e:
—Henlano negko'o.
5Apsekhákxok axta xa énxet apkelyelkamap nak, apkeneykek axta kólmokók kólmések aksok. 6Wánxa agkok, aptahak axta Pedro apcháneya s'e:
—Méko ko'o selyakye, méko nahan ma'a aksok ekmomnáwa nak, wánxa peyk agkések xép se'e aksok ekyetna nak ko'o: yetlo Jesucristo Wese' egegkok apwesey ektahak seyáneya exchep, etnamha, exeg.
7Xama axta aptaha apcháneya Pedro xa, apmeyk axta apmek ekpayhókxa nak apkelya'asamakxa, apkempáseykxeyk axta nahan néten, keñe axta elyennákxo elyettetakxa apmagkok. 8Apnextegawók axta apkempákxo néten xa énxet apkelyelkamap axta, apxegkek axta anhan; apkelxegexma'a axta nahan aptahak apkelántaxna kañe' tegma appagkanamap, apnextegágkek axta néten apxega yetlo apkelteméseso apcheymákpoho Dios. 9-10Pelakkásók agko' axta anhan apkelwet'a apyókxoho énxet'ák apxegákxo, tén han apkeltemésesa apcheymákpoho Dios, apkelakak axta anhan, axta ñokxa apkelwet'a m'a ektahakxa axta, hakte apyekpelchawók axta m'a énxet nak, apkelya'ásegkok axta anhan aphama axta cha'a eleyxek aksok apxawé átog tegma appagkanamap, cham'a átog kéltéma axta ektakmalma.
Pedro apkeltenneykha kóneg tegma ekwesey axta Salomón apagkok
11Axta ekxayha Pedro tén han Juan ma'a énxet ektaha axta kaxwé kéltakmelcheseyam. Pelakkasek axta apkelwet'a apyókxoho énxet'ák, apnaktémágkek axta apkelmahágko m'a kóneg tegma appagkanamap ekwesey axta Salomón tegma apagkok, cham'a aphágkaxa axta Pedro tén han Juan. 12Xama axta apwet'a Pedro xa, aptahak axta apkeláneya énxet'ák se'e: “Enxet'ák Israelitas: ¿Yaksak ektaha ekpelakkasa nak kélwet'a kéxegke xa? ¿Yaksak ektaha senlano nak negko'o máxa kéltemesásak negko'o egagko' enxoho nentakmelcheseyam, máxa nahan kéltemesásak negko'o egagko' enxoho nenxegkáseykekxa eñama m'a negmowána egagko' nak, kélaneykek esenhan kañamak ma'a ektémakxa nak magyenseyam ekxéneykha egwáxok Dios. 13Apmések axta ekyawe apcheymákpoho meyke ekhémo xama apchásenneykha#Ex 3.15. apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk#Is 52.13—53.12; Flp 2.7-9. nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo. 14Kéltamhok axta kéxegke kólyenyekxak énxet ekmaso aptémakxa#Mt 27.15-23; Mr 15.6-14; Lc 23.13-23; Jn 19.12-15. yakwayam eykhe kólána kólyenyekxak ma'a énxet aptaha axta appagkanamap, appéwomo axta anhan ma'a. 15Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa. 16Magya'áseyam Jesús apwesey keñamak ekmeyaseykxo apyennakte xa énxet nak, cháxa kélwet'a nak kéxegke, kélyekpelchawók nahan. Cháxa ektakmelchesakmo agko' nak énxet xa magya'áseyam nak Jesús, cháxa ektahakxa nak kélweté kéxegke ektaha xa.
17“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak. 18Apkelanak axta eyke Dios ma'a apxeyenma axta nano', eñama apkeltenneykha m'a énxet'ák ektaha axta Dios appeywa apkellegaso aptéma axta s'e: payhawók axta yetsapok Mesías apagkok. 19Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha, 20keñe sat yáphásesek kéxegke m'a Jesús, aptaha axta Dios apkelyésáseykha kéxegke yakwayam etnehek Mesías kélagkok. 21Kéméxchek eykhe exek aksa kaxwo' Jesucristo m'a néten ekwokmoho aptemesáseykxo ekhéyak Dios aksok ma'a ektémakxa axta ekhéyak, ekhawo m'a ektémakxa axta apxeyenma eñama apkelxeyenma m'a Dios appeywa apkellegaso apkelpagkanamap apheykencha'a axta nano'. 22Aptemegkek axta apkelanagkama Moisés ẽlyepmeyk nano' se'e: ‘Dios Wese' kélagkok sat etekkesek kélnepyeseksa kéxegke xama Dios appeywa aplegaso sekhawo nak ko'o. Kólyahakxoho ekyókxoho aptahakxa enxoho apkeláneya kéxegke, 23hakte énxet ektahakxa enxoho melyaheykekxoho xa Dios appeywa aplegaso nak, kóltekkesek sat nepyeseksa apnámokkok.’#Dt 18.15-19; 34.10.
24“Apyókxoho Dios appeywa apkellegaso axta anhan apkelxeyenmak se'e negwánxa nak, Samuel axta eyeynamókxa, ekwokmoho keso kaxwo' nak. 25Kéxegke kélteme kélxaweykekxa xa appekkeneykekxa axta appeywa Dios, apkelxeyenma axta m'a énxet'ák ektaha axta apkellegaso Dios appeywa, kéxegke anhan kélxaweykekxa m'a ekhémo mók nelpakhetchásamáxkoho nak Dios, ektaha axta apkelanéso Dios ma'a ẽlyepmeyk nano'. Hakte aptemegkek axta Dios apkenagkama Abraham se'e: ‘Apkeleñémo sat kóltemésesagkok apyókxoho énxet'ák apheykha nak keso náxop eñama m'a aptawan'ák neptámen nak xép.’#Gn 12.3; 22.18. 26Xama axta apxátekhásekmo Apketche Dios, kéxegke axta kélmonye'e apweykekxa kélhágkaxa yakwayam enxoho etnésesek kéleñémo, yakwayam enxoho nahan kólyenyók ma'a kéltémakxa nak kélyetlo aksok ekmaso.”
Právě zvoleno:
LOS HECHOS 3: LEGN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lengua Sur (Enxet) New Testament © United Bible Societies, 1992.
LOS HECHOS 3
3
Xama énxet apkelyelkamap kéltakmelcheseyam
1-2Apkelmeyákxeyk axta tegma appagkanamap Pedro tén han Juan, las tres taxnam axta m'a, ektamhomaxchexa axta cha'a nempeywa nelmaxnagko. Apheyk axta xama énxet apkelyelkamap eyeynamókxa sekxo' apteyékmo m'a tegma appagkanamap nak. Kólsakxohok axta cha'a yókxoho ekhem ma'a, axta cha'a kólpekkenwakxohok ma'a átog ekwesey axta ektakmalma, yakwayam enxoho eleyxek aksok apméso m'a énxet'ák ektaha axta apkelántaxnegweykekxa m'a. 3Xama axta apwet'a énxet apkelyelkamap apkelxegakmo Pedro, tén han Juan, keto' axta apkelántaxnamakxa kañe' tegma appagkanamap, apkelmaxnakkek axta aksok. 4Apkelanawók axta Pedro tén han Juan. Aptahak axta Pedro apcháneya énxet apkelyelkamap se'e:
—Henlano negko'o.
5Apsekhákxok axta xa énxet apkelyelkamap nak, apkeneykek axta kólmokók kólmések aksok. 6Wánxa agkok, aptahak axta Pedro apcháneya s'e:
—Méko ko'o selyakye, méko nahan ma'a aksok ekmomnáwa nak, wánxa peyk agkések xép se'e aksok ekyetna nak ko'o: yetlo Jesucristo Wese' egegkok apwesey ektahak seyáneya exchep, etnamha, exeg.
7Xama axta aptaha apcháneya Pedro xa, apmeyk axta apmek ekpayhókxa nak apkelya'asamakxa, apkempáseykxeyk axta nahan néten, keñe axta elyennákxo elyettetakxa apmagkok. 8Apnextegawók axta apkempákxo néten xa énxet apkelyelkamap axta, apxegkek axta anhan; apkelxegexma'a axta nahan aptahak apkelántaxna kañe' tegma appagkanamap, apnextegágkek axta néten apxega yetlo apkelteméseso apcheymákpoho Dios. 9-10Pelakkásók agko' axta anhan apkelwet'a apyókxoho énxet'ák apxegákxo, tén han apkeltemésesa apcheymákpoho Dios, apkelakak axta anhan, axta ñokxa apkelwet'a m'a ektahakxa axta, hakte apyekpelchawók axta m'a énxet nak, apkelya'ásegkok axta anhan aphama axta cha'a eleyxek aksok apxawé átog tegma appagkanamap, cham'a átog kéltéma axta ektakmalma.
Pedro apkeltenneykha kóneg tegma ekwesey axta Salomón apagkok
11Axta ekxayha Pedro tén han Juan ma'a énxet ektaha axta kaxwé kéltakmelcheseyam. Pelakkasek axta apkelwet'a apyókxoho énxet'ák, apnaktémágkek axta apkelmahágko m'a kóneg tegma appagkanamap ekwesey axta Salomón tegma apagkok, cham'a aphágkaxa axta Pedro tén han Juan. 12Xama axta apwet'a Pedro xa, aptahak axta apkeláneya énxet'ák se'e: “Enxet'ák Israelitas: ¿Yaksak ektaha ekpelakkasa nak kélwet'a kéxegke xa? ¿Yaksak ektaha senlano nak negko'o máxa kéltemesásak negko'o egagko' enxoho nentakmelcheseyam, máxa nahan kéltemesásak negko'o egagko' enxoho nenxegkáseykekxa eñama m'a negmowána egagko' nak, kélaneykek esenhan kañamak ma'a ektémakxa nak magyenseyam ekxéneykha egwáxok Dios. 13Apmések axta ekyawe apcheymákpoho meyke ekhémo xama apchásenneykha#Ex 3.15. apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk#Is 52.13—53.12; Flp 2.7-9. nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo. 14Kéltamhok axta kéxegke kólyenyekxak énxet ekmaso aptémakxa#Mt 27.15-23; Mr 15.6-14; Lc 23.13-23; Jn 19.12-15. yakwayam eykhe kólána kólyenyekxak ma'a énxet aptaha axta appagkanamap, appéwomo axta anhan ma'a. 15Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa. 16Magya'áseyam Jesús apwesey keñamak ekmeyaseykxo apyennakte xa énxet nak, cháxa kélwet'a nak kéxegke, kélyekpelchawók nahan. Cháxa ektakmelchesakmo agko' nak énxet xa magya'áseyam nak Jesús, cháxa ektahakxa nak kélweté kéxegke ektaha xa.
17“Elyáxeg, ekya'ásegkok ko'o m'a ektémakxa axta kélakhama Jesús neyseksa megkólya'áseyak ektémakxa aksok apkelané, kéxegke, tén han ma'a apkelámha apmonye'e kélagkok nak. 18Apkelanak axta eyke Dios ma'a apxeyenma axta nano', eñama apkeltenneykha m'a énxet'ák ektaha axta Dios appeywa apkellegaso aptéma axta s'e: payhawók axta yetsapok Mesías apagkok. 19Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha, 20keñe sat yáphásesek kéxegke m'a Jesús, aptaha axta Dios apkelyésáseykha kéxegke yakwayam etnehek Mesías kélagkok. 21Kéméxchek eykhe exek aksa kaxwo' Jesucristo m'a néten ekwokmoho aptemesáseykxo ekhéyak Dios aksok ma'a ektémakxa axta ekhéyak, ekhawo m'a ektémakxa axta apxeyenma eñama apkelxeyenma m'a Dios appeywa apkellegaso apkelpagkanamap apheykencha'a axta nano'. 22Aptemegkek axta apkelanagkama Moisés ẽlyepmeyk nano' se'e: ‘Dios Wese' kélagkok sat etekkesek kélnepyeseksa kéxegke xama Dios appeywa aplegaso sekhawo nak ko'o. Kólyahakxoho ekyókxoho aptahakxa enxoho apkeláneya kéxegke, 23hakte énxet ektahakxa enxoho melyaheykekxoho xa Dios appeywa aplegaso nak, kóltekkesek sat nepyeseksa apnámokkok.’#Dt 18.15-19; 34.10.
24“Apyókxoho Dios appeywa apkellegaso axta anhan apkelxeyenmak se'e negwánxa nak, Samuel axta eyeynamókxa, ekwokmoho keso kaxwo' nak. 25Kéxegke kélteme kélxaweykekxa xa appekkeneykekxa axta appeywa Dios, apkelxeyenma axta m'a énxet'ák ektaha axta apkellegaso Dios appeywa, kéxegke anhan kélxaweykekxa m'a ekhémo mók nelpakhetchásamáxkoho nak Dios, ektaha axta apkelanéso Dios ma'a ẽlyepmeyk nano'. Hakte aptemegkek axta Dios apkenagkama Abraham se'e: ‘Apkeleñémo sat kóltemésesagkok apyókxoho énxet'ák apheykha nak keso náxop eñama m'a aptawan'ák neptámen nak xép.’#Gn 12.3; 22.18. 26Xama axta apxátekhásekmo Apketche Dios, kéxegke axta kélmonye'e apweykekxa kélhágkaxa yakwayam enxoho etnésesek kéleñémo, yakwayam enxoho nahan kólyenyók ma'a kéltémakxa nak kélyetlo aksok ekmaso.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Lengua Sur (Enxet) New Testament © United Bible Societies, 1992.