YAHYA 6:11-12

Lapatao̒ ti Isa malohama roti boito tulusi losukuru mola ode Allahu Taa̒ala. Lapatao̒ uito Tio lolaya-layadeo̒ roti boito totaa dadaata. Lapatao̒ Tio lolaya-layadeo̒ uponula boito, wau timongolio malo lamelo lotolu-toluulo mao̒. Lapatao̒ ngoa̒amilalo malo lamelo tunggula lobutuhu ti Isa lotahuda ode tahidudua̒ o-Lio, “Yimoa̒lo labitio lo ua̒alo boito; diila bolo woluo u mohua̒yadu.”