ZAŊ 16
16
1«Ten a waatənaŋ kel teŋ warda kir minti aŋ a yaake de nəətiŋ wəra ba. 2Yə bə aŋkaŋ adəwaldə kaa gə giidə *kuli bə toose kə kaanə Ziwifiŋa pəda. Ko kəman bə neke yaŋ minti kaa gə minti awaŋ, ɗiki neeteŋ haa minti té bə ke haa awalna a Pepeŋ də kel teŋ. 3Yə ji kel teŋ yaŋ bədoona haa gud bə minti Abaŋ paapa bə diri ba, ten paapa də diri bə gəm. 4Ten a waatənaŋ kel teŋ warda haa minti ko bə minti yə jəəti kel teŋ tuluŋ ne, cəərəŋ ɗəkə la ciiri.»
Joŋre kə Tiiru Cetcetaŋ
«Hãã də bə minti aŋ əsəŋ bə ɗe guudənaŋ, ten a waatənaŋ kel teŋ warda ba gud bə minti ten a kəm sarəŋa. 5Hebkənaŋ, ten koore sar hulum bə minti a gaanan daŋ. Səma hulum laanan kun guudəŋa anə məna minti ten ɗe haa ane moŋ ba. 6Səma, gud kel gə minti ten waatənaŋ dəŋ, laawe doonoŋ wəra hasi. 7Anaaŋa ten bə waataŋa haa gəəziŋ: nəətiŋ ha'aŋ, ten kooroŋ ne, marya ɗaw. Gud maa mo, jəəne minti ten koore baŋ, Hulum bə Kəyaŋ bə minti sə a biŋ, wə bi sarəŋa pəda. Səma jəəne minti ten kooroŋ ne, ten gaŋ dəŋ yaŋ da. 8Bə minti wə tuukuŋ ne, wə ge dər kaa gə cəərə seŋkaŋ yaŋ minti ɗiki neeteŋ bə cəərə baymeleŋ, bə cəərə kel gə minti dər Pepeŋa ɗeker daana bə cəərə kəəti kə Pepeŋ, paapa a kuɗuŋa ba. 9Ɗiki neete bə cəərə baymeleŋ paapa a kuɗuŋa ba gud bə minti yə doŋ guudəna ba. 10Ɗiki di paapa a kuɗuŋa cəərə kel gə minti dər Pepeŋa ɗeker ba, gud bə minti ten koore sar Abaŋ daana aŋ raawe bə asna kəna pədaŋ. 11Ɗiki di paapa a kuɗuŋa cəərə kəətiŋa bə gəm gud bə minti Pepeŋ doŋ kumna bə cəərə seŋkaŋ ne wəra də kəətiŋ ɗaw.
12Kel yaŋ kəm kuna anə pər gə minti ten sə a waataŋ dəŋ, səma yə neke bə hale kaasəŋa hebkəna ba. 13Tiiru də veɗe gəəziŋ bə tuluŋ neŋ, a bə kaŋ dərəŋ yaŋ wəra cəərə gəəziŋa keɗe. A bə waate haa paapa dər kel naata ba, a bə waate yaŋ haa kel gə minti a iskiniy ku Pepeŋ daŋ keɗe daana gə minti bə ji yaŋ naŋ gəm. 14A bə kaŋ gud boblo katən yaŋ wəra, gud maa mo kar gə minti a bə fələy kaasənaŋ keɗe, a bə waataŋ səməy yaŋ. 15Kar kə Abaŋ neŋneŋ keɗe, yə haa katən gəm. Ten a waatənaŋ minti ‹kar gə minti a bə fələy kaasənaŋ keɗe, a bə waataŋ səməy yaŋ› haa sə teŋ.»
Laaweŋ kole waale
16«Sawəwa kənaŋ, aŋ bə asan pəda, adordə ko toŋa sawəwa pa, aŋ hare yaŋ bə asna.» 17Kəya sərdə *kaa gə gud Yeesuŋ əsəŋ bə waate aduubə də kumsi minti: «Wə waataŋ minti: ‹Anə sawəwa kənaŋ, aŋ bə asan pəda, adordə ko toŋa sawəwa paŋ, aŋ hare yaŋ bə asna.› Wə waataŋ gəm minti: ‹Haa gud bə minti ten koore sar Abaŋ.› Gud kel teŋ haa minti harmə mo? 18‹Sawəwa bagŋ› bə minti wə bə wəətu səmuŋ, guuduŋ haa minti harmə mo? Áŋ paapa bə iski gud kel gə minti wə bə wəətiyaŋ ba.»
19Yeesu asaŋ minti yə də caadə le ku tó cəərə karmana tə bə moŋ, wə minti: «Aŋ bə lete ku kumsəŋa cəərə kel gə minti ten a waatənaŋ minti ‹sawəwa kənaŋ, aŋ bə asan pəda, adordə ko toŋa sawəwa paŋ, aŋ hare yaŋ bə asnaŋ›. 20Gəəzi, gəəzi, ten waataŋ, aŋ bə hage yaŋ, kan kə dərəŋ feke yaŋ gəm, səma də ko toŋ kəyaŋ, kaa gə cəərə seŋkaŋ ji yaŋ bə waale. Aŋ ji yaŋ dər laaweŋa, səma laawe toŋ bə kole yaŋ wəra sarəŋa waale. 21Aŋ gosə gole la kəm cəərə həlgə də məənəŋaŋ. Ko bə we naataŋ nəkaŋ neŋ, laawe doora gud bə minti cəwa də lasi də gəəli bə weŋ tuluŋ ne. Bə minti beebeŋ waŋ ne wəra anəkay, cəərə ge laawe toŋ wəra faɗi. A ji máŋ haa waale saksaki gud bə minti a waŋ hulum kisirki ne wəra cəərə seŋkaŋaŋ. 22Kel haa bədoona dəərəŋ gəm. Hebkəna ha'aŋ, aŋ dər laaweŋa, səma ten hare yaŋ bə ŋefe dəərəŋ, kəya aŋ ji yaŋ wəra də waale anə fənay-fənay. Waale toŋ ha'aŋ, hulum neke bə haŋ dəŋ wəra pəda. 23Dər hi toŋa akaceŋa ha'aŋ, aŋ bə lan kun cəərə karman pəda. Gəəzi, gəəzi, ten waataŋ, kar gə minti aŋ məntəy kasi Abaŋa də səman, wə ayaŋ dəŋ yaŋ. 24Hãã hebkəna, aŋ mantaŋ karman kəm də səman ba. Aŋ mantə la, wə ayaŋ dəŋ yaŋ. Kəya waale nəətiŋ ji yaŋ wəra bə doo-de ku.»
Yeesu pi bulum
25«Ten a waatənaŋ kel teŋ kəna keɗe haa də *ku kumti. Səma ko bə neke yaŋ minti ten bə waataŋ kel də hel taŋ pədaŋ, ten bə waataŋ kel gə cəərə Abaŋ yaŋ wəra anə kəkər faɗi. 26Dər hi toŋa akaceŋa, aŋ mante kar yaŋ kasi Abaŋa də səman aŋ də kusrəŋ faɗi. Ten waataŋ minti ten ji tiiniŋa bə waate Abaŋa cəərəŋaŋ ba, 27gud maa mo Abaŋ də kusru bəlaŋ. Wə bəlaŋ haa gud bə minti aŋ bə bəlanaŋ daana aŋ doŋ minti ten bəŋ sar Pepeŋ da. 28Ten bəŋ sar Abaŋ da, ten tuluŋ cəərə seŋkaŋa. Hebkəna ten yaake cəərə seŋkaŋ, ten hare suru.»
29Kəya *kaa gə guuduŋ wəətunu minti: «Ãhãã, tam máŋ bə waate kela wəra kəkər bay ku kumti ada haaŋa! 30Hebkəna ha'aŋ, are gə asə-ase minti kar keɗe wəra də dərəm. Ajew də minti hulum lam kum, le ku bə minti wə sə a lam kum cuuru wəra də dərəm ɗaw. Are doŋ minti tam bəŋ sar Pepeŋ daŋ haa sə teŋ.»
31Wə minti: «Aŋ doŋ guudəna hebkənaŋ máŋ tə mo? 32Aŋ golə la, koŋ bə neke, wə nəkaŋ ne ɗaw bə minti aŋ meere wəraŋ, mindi mindi hare ger kusru, aŋ bə yaakan yaŋ bay cəərən. Səma, ten paapa bay cəərən ba, gud maa mo Abaŋ yaŋ dəərən. 33Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»
Právě zvoleno:
ZAŊ 16: KERNT05
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Texte de la Bible: Kera © Alliance Biblique du Tchad, 2004.
ZAŊ 16
16
1«Ten a waatənaŋ kel teŋ warda kir minti aŋ a yaake de nəətiŋ wəra ba. 2Yə bə aŋkaŋ adəwaldə kaa gə giidə *kuli bə toose kə kaanə Ziwifiŋa pəda. Ko kəman bə neke yaŋ minti kaa gə minti awaŋ, ɗiki neeteŋ haa minti té bə ke haa awalna a Pepeŋ də kel teŋ. 3Yə ji kel teŋ yaŋ bədoona haa gud bə minti Abaŋ paapa bə diri ba, ten paapa də diri bə gəm. 4Ten a waatənaŋ kel teŋ warda haa minti ko bə minti yə jəəti kel teŋ tuluŋ ne, cəərəŋ ɗəkə la ciiri.»
Joŋre kə Tiiru Cetcetaŋ
«Hãã də bə minti aŋ əsəŋ bə ɗe guudənaŋ, ten a waatənaŋ kel teŋ warda ba gud bə minti ten a kəm sarəŋa. 5Hebkənaŋ, ten koore sar hulum bə minti a gaanan daŋ. Səma hulum laanan kun guudəŋa anə məna minti ten ɗe haa ane moŋ ba. 6Səma, gud kel gə minti ten waatənaŋ dəŋ, laawe doonoŋ wəra hasi. 7Anaaŋa ten bə waataŋa haa gəəziŋ: nəətiŋ ha'aŋ, ten kooroŋ ne, marya ɗaw. Gud maa mo, jəəne minti ten koore baŋ, Hulum bə Kəyaŋ bə minti sə a biŋ, wə bi sarəŋa pəda. Səma jəəne minti ten kooroŋ ne, ten gaŋ dəŋ yaŋ da. 8Bə minti wə tuukuŋ ne, wə ge dər kaa gə cəərə seŋkaŋ yaŋ minti ɗiki neeteŋ bə cəərə baymeleŋ, bə cəərə kel gə minti dər Pepeŋa ɗeker daana bə cəərə kəəti kə Pepeŋ, paapa a kuɗuŋa ba. 9Ɗiki neete bə cəərə baymeleŋ paapa a kuɗuŋa ba gud bə minti yə doŋ guudəna ba. 10Ɗiki di paapa a kuɗuŋa cəərə kel gə minti dər Pepeŋa ɗeker ba, gud bə minti ten koore sar Abaŋ daana aŋ raawe bə asna kəna pədaŋ. 11Ɗiki di paapa a kuɗuŋa cəərə kəətiŋa bə gəm gud bə minti Pepeŋ doŋ kumna bə cəərə seŋkaŋ ne wəra də kəətiŋ ɗaw.
12Kel yaŋ kəm kuna anə pər gə minti ten sə a waataŋ dəŋ, səma yə neke bə hale kaasəŋa hebkəna ba. 13Tiiru də veɗe gəəziŋ bə tuluŋ neŋ, a bə kaŋ dərəŋ yaŋ wəra cəərə gəəziŋa keɗe. A bə waate haa paapa dər kel naata ba, a bə waate yaŋ haa kel gə minti a iskiniy ku Pepeŋ daŋ keɗe daana gə minti bə ji yaŋ naŋ gəm. 14A bə kaŋ gud boblo katən yaŋ wəra, gud maa mo kar gə minti a bə fələy kaasənaŋ keɗe, a bə waataŋ səməy yaŋ. 15Kar kə Abaŋ neŋneŋ keɗe, yə haa katən gəm. Ten a waatənaŋ minti ‹kar gə minti a bə fələy kaasənaŋ keɗe, a bə waataŋ səməy yaŋ› haa sə teŋ.»
Laaweŋ kole waale
16«Sawəwa kənaŋ, aŋ bə asan pəda, adordə ko toŋa sawəwa pa, aŋ hare yaŋ bə asna.» 17Kəya sərdə *kaa gə gud Yeesuŋ əsəŋ bə waate aduubə də kumsi minti: «Wə waataŋ minti: ‹Anə sawəwa kənaŋ, aŋ bə asan pəda, adordə ko toŋa sawəwa paŋ, aŋ hare yaŋ bə asna.› Wə waataŋ gəm minti: ‹Haa gud bə minti ten koore sar Abaŋ.› Gud kel teŋ haa minti harmə mo? 18‹Sawəwa bagŋ› bə minti wə bə wəətu səmuŋ, guuduŋ haa minti harmə mo? Áŋ paapa bə iski gud kel gə minti wə bə wəətiyaŋ ba.»
19Yeesu asaŋ minti yə də caadə le ku tó cəərə karmana tə bə moŋ, wə minti: «Aŋ bə lete ku kumsəŋa cəərə kel gə minti ten a waatənaŋ minti ‹sawəwa kənaŋ, aŋ bə asan pəda, adordə ko toŋa sawəwa paŋ, aŋ hare yaŋ bə asnaŋ›. 20Gəəzi, gəəzi, ten waataŋ, aŋ bə hage yaŋ, kan kə dərəŋ feke yaŋ gəm, səma də ko toŋ kəyaŋ, kaa gə cəərə seŋkaŋ ji yaŋ bə waale. Aŋ ji yaŋ dər laaweŋa, səma laawe toŋ bə kole yaŋ wəra sarəŋa waale. 21Aŋ gosə gole la kəm cəərə həlgə də məənəŋaŋ. Ko bə we naataŋ nəkaŋ neŋ, laawe doora gud bə minti cəwa də lasi də gəəli bə weŋ tuluŋ ne. Bə minti beebeŋ waŋ ne wəra anəkay, cəərə ge laawe toŋ wəra faɗi. A ji máŋ haa waale saksaki gud bə minti a waŋ hulum kisirki ne wəra cəərə seŋkaŋaŋ. 22Kel haa bədoona dəərəŋ gəm. Hebkəna ha'aŋ, aŋ dər laaweŋa, səma ten hare yaŋ bə ŋefe dəərəŋ, kəya aŋ ji yaŋ wəra də waale anə fənay-fənay. Waale toŋ ha'aŋ, hulum neke bə haŋ dəŋ wəra pəda. 23Dər hi toŋa akaceŋa ha'aŋ, aŋ bə lan kun cəərə karman pəda. Gəəzi, gəəzi, ten waataŋ, kar gə minti aŋ məntəy kasi Abaŋa də səman, wə ayaŋ dəŋ yaŋ. 24Hãã hebkəna, aŋ mantaŋ karman kəm də səman ba. Aŋ mantə la, wə ayaŋ dəŋ yaŋ. Kəya waale nəətiŋ ji yaŋ wəra bə doo-de ku.»
Yeesu pi bulum
25«Ten a waatənaŋ kel teŋ kəna keɗe haa də *ku kumti. Səma ko bə neke yaŋ minti ten bə waataŋ kel də hel taŋ pədaŋ, ten bə waataŋ kel gə cəərə Abaŋ yaŋ wəra anə kəkər faɗi. 26Dər hi toŋa akaceŋa, aŋ mante kar yaŋ kasi Abaŋa də səman aŋ də kusrəŋ faɗi. Ten waataŋ minti ten ji tiiniŋa bə waate Abaŋa cəərəŋaŋ ba, 27gud maa mo Abaŋ də kusru bəlaŋ. Wə bəlaŋ haa gud bə minti aŋ bə bəlanaŋ daana aŋ doŋ minti ten bəŋ sar Pepeŋ da. 28Ten bəŋ sar Abaŋ da, ten tuluŋ cəərə seŋkaŋa. Hebkəna ten yaake cəərə seŋkaŋ, ten hare suru.»
29Kəya *kaa gə guuduŋ wəətunu minti: «Ãhãã, tam máŋ bə waate kela wəra kəkər bay ku kumti ada haaŋa! 30Hebkəna ha'aŋ, are gə asə-ase minti kar keɗe wəra də dərəm. Ajew də minti hulum lam kum, le ku bə minti wə sə a lam kum cuuru wəra də dərəm ɗaw. Are doŋ minti tam bəŋ sar Pepeŋ daŋ haa sə teŋ.»
31Wə minti: «Aŋ doŋ guudəna hebkənaŋ máŋ tə mo? 32Aŋ golə la, koŋ bə neke, wə nəkaŋ ne ɗaw bə minti aŋ meere wəraŋ, mindi mindi hare ger kusru, aŋ bə yaakan yaŋ bay cəərən. Səma, ten paapa bay cəərən ba, gud maa mo Abaŋ yaŋ dəərən. 33Ten waatənaŋ kel teŋ haa minti tarməyaŋ jəə la kəkaɓi gud tepe nəətiŋa dəərən. Yə ləsaŋ yaŋ cəərə seŋkaŋa. Səma aŋ teŋə dərəŋ la, Ten wəra bə pəə-pi bulum cəərə kar gə cəərəŋa keɗe!»
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Texte de la Bible: Kera © Alliance Biblique du Tchad, 2004.