Lugu 15
15
Gusutar gə ɔji dɔ badəm gə igi
Mat 18.12-14
1Njembo̰ lar gədə ɓeje gə njeneɗaje gə kṵra̰y tɔ̰y ꞌɗe d-inga Jeju mba ko tar t-ɛ gə. 2Parijiyɛ̰je gə njekɔr gəl toronduje ꞌyṵrṵ tar horo naa ngaɓa ꞌpa na: Dəw gə nee le uwa njeneɗaje gə kṵra̰y gə rɔ-ɛ gə, ngaɓa usa gə je ne nəm səmə!
3Ɗaa Jeju pa gusutar kara ar-je na: 4Se dəw gə ɗa ɓa horo-sisəy gə nee, badəmje lə-a tɔl kara, ɗaa ꞌye gə kara igi, se n-a kḭya̰ nje gə dɔg gə ji nay kara gir-e gə ji nay kara ndag lo gə mba kaw sangə ꞌye kara gə igi le saar kinga-a ang wa? 5Logə n-təl n-inga badəm lə-a gə kara le nama, rɔ-ɛ ləl-e ya̰ ɗaa n-un-e n-ila-a dɔ bag-ɛ gə. 6Cibi, logə n-ɗe sə-a kəy nam ɗaa, n-ɓar njekuraje lə-a gə Njembɔr kəyje lə-a, n-pa n-ar-je na: ꞌƊaje sə-m rɔləl, mba badəm lə-m gə igi le m-inga ngaa. 7Ɗəw kara baa, m-pa m-ar-si, logə njeneɗa gə kṵra̰y turu kəji nama, to rɔləl ya̰ mə dara gə unda dəwje gə gadə-gadə dɔg ji nay kara gə gir-je gə ji nay kara gə ꞌturu kəji lə-je ang.
8Jeju pa gusutar gə ɗangə ja cibi na: Ose jene gə ɗa ɓa, sulay lə-a dɔg ɓa ɓo igi kara nama, a kunda pər lambe, ose a kodo mə kəy ngaɓa a sangə saar mba kinga ang wa? 9Logə n-inga nama, n-ɓar njekuraje lə-a gə njebamandəje lə-a ngaɓa n-pa n-ar-je na: ꞌƊaje sə-m rɔləl, mba sulay lə-m gə igi le m-inga ngaa. 10Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.
Gusutar lə ngon gə igi
11Jeju pa ja cibi: Jingaw kara ngan-ɛ gə jingaw d-ḭ joo. 12Ye gə naa pa ar bɔ-ɛje na: Bɔy, ɔr kəm nenduba gə to kar ꞌma ar-m. Ɗaa bɔ-ɛje ɔr kəm nemayje lə-a le kay-je. 13Ɗa ndɔ njɛ̰ go-e gə ɗaa, ꞌye gə naa mbo̰ nemayje lə-a tɔ̰y, ɔdə gə lar le aw nee dɔ ɓe gə əw, aw tuji dɔ neje gə kṵra̰y gə. 14Logə n-tuji lar le tɔ̰y ɗaa, ɓo bo oso mə ɓe gə nee le, ꞌne kara n-un kudu ko ko̰. 15N-aw n-ɗa kula lə dəw kara mə ɓe gə nee le; dəw nee le ula-a dɔ ndɔɔ ar-ɛ n-to njegəm bərəje. 16M-e njigi kusa nekusa lə bərəje le, ngaa dəw ar-ɛ ang. 17Be ɓa, n-əji tar m-e gə na: Njekulaje kandə ɓa kəy lə bɔy d-usa ne d-ḭya̰ gə nangə gə baa, ɓa m-isi m-uy yo ɓo nee wa! 18M-a kḭ kaw ɓə lə bɔy kaw pa kar-ɛ na: Bɔy, m-ɗa neɗa gə kṵra̰y no Luba gə, ngaɓa no-i gə nəm tɔ, 19m-asə kar ꞌɓar-m gə ngon-i ang, ꞌɗa-m gə kara lə njekulaje lə-i be. 20Ngon le ḭ aw ɓe lə bɔ-ɛje. Lo gə n-nay əw ja baa ɓi ɗaa, bɔ-ɛje o-e ngaɓa o kəmtondoo lə-a, a̰y ngɔdə, tum-e tubu uwa-a kar-ɛ gə. 21Ngon le pa na: Bɔy, m-ɗa neɗa gə kṵra̰y no Luba gə, ngaɓa no-i gə tɔ, m-asə kar o-m gə ngon-i ang. 22Ngaa bɔ ngon je le pa ar ngan njekulaje lə-a na: ꞌƊeje gə kubu gə ngal yududu gə may gə tɔg-ɛ ula-aje; ula-je ngama ji-a gə, ngaɓa ula-je sabɔgɔ kara gɔl-ɛ gə tɔ. 23Uwaje ngon mangə gə ər ndub-ndub, Tɔl-ɛje ar-si j-usa-je, ja ɗaje ne rɔləl; 24mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.
25Ngaa ngon dəər le nay ndɔɔ, logə n-ɗe n-unda dɔ kəy dəb ɗaa, n-o ndu nekɛmje gə ndu njelaje. 26N-ɓar ngon njekula kara horo nje gə kɛm gə n-dəj-e gəl ne gə ɗa ne. 27Ngon njekula le pa ar-ɛ na: Ngon ko̰-i le təl ɗe gə rɔ gə may pɛdə, ye ɓa bɔ-ije tɔl ne ngon mangə gə ər ndub-ndub. 28Mə ngon dəər le o̰-ɛ ya̰ ar mbadə kandə kəy. Bɔ-ɛje ce inga-a dəji-e kar n-andə kəy. 29Ngaa ngon dəər le ila bɔ-ɛje kəne na: O, m-ɗa sə-i kula gə singa-m ɓal bula, m-al tar ta-i gə ang, ndɔ kara ɓa ar-m ngon biya̰ be m-tɔl m-ɗa ne rɔləl gə ngan mar-mje ang. 30Ngaa logə ngon-i gə nee, gə nje tuji nekingaje lə-i dɔ kaya jeneje gə ɗe ɗaa, ꞌi ar d-uwa ngon mangə gə ər ndub-ndub ar-ɛ. 31Bɔ-ɛje təl ila-a kəne na: Ngon-m, ꞌi isi sə-m nee gə ndɔ gə ndɔ, nekingaje lə-m tɔ̰y to kar-i. 32Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.
Právě zvoleno:
Lugu 15: lap
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved
Lugu 15
15
Gusutar gə ɔji dɔ badəm gə igi
Mat 18.12-14
1Njembo̰ lar gədə ɓeje gə njeneɗaje gə kṵra̰y tɔ̰y ꞌɗe d-inga Jeju mba ko tar t-ɛ gə. 2Parijiyɛ̰je gə njekɔr gəl toronduje ꞌyṵrṵ tar horo naa ngaɓa ꞌpa na: Dəw gə nee le uwa njeneɗaje gə kṵra̰y gə rɔ-ɛ gə, ngaɓa usa gə je ne nəm səmə!
3Ɗaa Jeju pa gusutar kara ar-je na: 4Se dəw gə ɗa ɓa horo-sisəy gə nee, badəmje lə-a tɔl kara, ɗaa ꞌye gə kara igi, se n-a kḭya̰ nje gə dɔg gə ji nay kara gir-e gə ji nay kara ndag lo gə mba kaw sangə ꞌye kara gə igi le saar kinga-a ang wa? 5Logə n-təl n-inga badəm lə-a gə kara le nama, rɔ-ɛ ləl-e ya̰ ɗaa n-un-e n-ila-a dɔ bag-ɛ gə. 6Cibi, logə n-ɗe sə-a kəy nam ɗaa, n-ɓar njekuraje lə-a gə Njembɔr kəyje lə-a, n-pa n-ar-je na: ꞌƊaje sə-m rɔləl, mba badəm lə-m gə igi le m-inga ngaa. 7Ɗəw kara baa, m-pa m-ar-si, logə njeneɗa gə kṵra̰y turu kəji nama, to rɔləl ya̰ mə dara gə unda dəwje gə gadə-gadə dɔg ji nay kara gə gir-je gə ji nay kara gə ꞌturu kəji lə-je ang.
8Jeju pa gusutar gə ɗangə ja cibi na: Ose jene gə ɗa ɓa, sulay lə-a dɔg ɓa ɓo igi kara nama, a kunda pər lambe, ose a kodo mə kəy ngaɓa a sangə saar mba kinga ang wa? 9Logə n-inga nama, n-ɓar njekuraje lə-a gə njebamandəje lə-a ngaɓa n-pa n-ar-je na: ꞌƊaje sə-m rɔləl, mba sulay lə-m gə igi le m-inga ngaa. 10Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.
Gusutar lə ngon gə igi
11Jeju pa ja cibi: Jingaw kara ngan-ɛ gə jingaw d-ḭ joo. 12Ye gə naa pa ar bɔ-ɛje na: Bɔy, ɔr kəm nenduba gə to kar ꞌma ar-m. Ɗaa bɔ-ɛje ɔr kəm nemayje lə-a le kay-je. 13Ɗa ndɔ njɛ̰ go-e gə ɗaa, ꞌye gə naa mbo̰ nemayje lə-a tɔ̰y, ɔdə gə lar le aw nee dɔ ɓe gə əw, aw tuji dɔ neje gə kṵra̰y gə. 14Logə n-tuji lar le tɔ̰y ɗaa, ɓo bo oso mə ɓe gə nee le, ꞌne kara n-un kudu ko ko̰. 15N-aw n-ɗa kula lə dəw kara mə ɓe gə nee le; dəw nee le ula-a dɔ ndɔɔ ar-ɛ n-to njegəm bərəje. 16M-e njigi kusa nekusa lə bərəje le, ngaa dəw ar-ɛ ang. 17Be ɓa, n-əji tar m-e gə na: Njekulaje kandə ɓa kəy lə bɔy d-usa ne d-ḭya̰ gə nangə gə baa, ɓa m-isi m-uy yo ɓo nee wa! 18M-a kḭ kaw ɓə lə bɔy kaw pa kar-ɛ na: Bɔy, m-ɗa neɗa gə kṵra̰y no Luba gə, ngaɓa no-i gə nəm tɔ, 19m-asə kar ꞌɓar-m gə ngon-i ang, ꞌɗa-m gə kara lə njekulaje lə-i be. 20Ngon le ḭ aw ɓe lə bɔ-ɛje. Lo gə n-nay əw ja baa ɓi ɗaa, bɔ-ɛje o-e ngaɓa o kəmtondoo lə-a, a̰y ngɔdə, tum-e tubu uwa-a kar-ɛ gə. 21Ngon le pa na: Bɔy, m-ɗa neɗa gə kṵra̰y no Luba gə, ngaɓa no-i gə tɔ, m-asə kar o-m gə ngon-i ang. 22Ngaa bɔ ngon je le pa ar ngan njekulaje lə-a na: ꞌƊeje gə kubu gə ngal yududu gə may gə tɔg-ɛ ula-aje; ula-je ngama ji-a gə, ngaɓa ula-je sabɔgɔ kara gɔl-ɛ gə tɔ. 23Uwaje ngon mangə gə ər ndub-ndub, Tɔl-ɛje ar-si j-usa-je, ja ɗaje ne rɔləl; 24mba ngon-m gə nee le to dəw gə uy ɓa təl ndol, ꞌne gə n-igi ɓa m-təl m-inga-a. Ɗaa d-uma kudu ɗa rɔləl.
25Ngaa ngon dəər le nay ndɔɔ, logə n-ɗe n-unda dɔ kəy dəb ɗaa, n-o ndu nekɛmje gə ndu njelaje. 26N-ɓar ngon njekula kara horo nje gə kɛm gə n-dəj-e gəl ne gə ɗa ne. 27Ngon njekula le pa ar-ɛ na: Ngon ko̰-i le təl ɗe gə rɔ gə may pɛdə, ye ɓa bɔ-ije tɔl ne ngon mangə gə ər ndub-ndub. 28Mə ngon dəər le o̰-ɛ ya̰ ar mbadə kandə kəy. Bɔ-ɛje ce inga-a dəji-e kar n-andə kəy. 29Ngaa ngon dəər le ila bɔ-ɛje kəne na: O, m-ɗa sə-i kula gə singa-m ɓal bula, m-al tar ta-i gə ang, ndɔ kara ɓa ar-m ngon biya̰ be m-tɔl m-ɗa ne rɔləl gə ngan mar-mje ang. 30Ngaa logə ngon-i gə nee, gə nje tuji nekingaje lə-i dɔ kaya jeneje gə ɗe ɗaa, ꞌi ar d-uwa ngon mangə gə ər ndub-ndub ar-ɛ. 31Bɔ-ɛje təl ila-a kəne na: Ngon-m, ꞌi isi sə-m nee gə ndɔ gə ndɔ, nekingaje lə-m tɔ̰y to kar-i. 32Ngaa ngon ko̰-i gə nee le, nay to gə dəw gə uy ɓa ndol, n-igi ɓa m-inga-a nee le ja, may ɗa ndam ɗa ne rɔləl ɔji dɔ-ɛ ja.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved