Matiye 4
4
Satan ɓu Zezu
(Mak 1.12-13; Luk 4.1-13)
1Ndəna', Simbeɗ mə Kəleŋ pla' Zezu ta du igop kədan Satan um ɓu wə hana#Heb 2.18; 4.15. 2Zezu suk wə du igop kə saŋ kwati bəka gufəɗi' kə dukri gufəɗi', ɓay mê' ti numu. 3Satan mbə hay' rum ɓay la' ne numu: «Ha la' Vay Ifray si, a in ne kə gway' məni kuni faŋ kwati ri'i.» 4Zezu ɗam vun rumu: «Dan rum wây' wə du ɗerwa: Swə cu gak ke kə i zə kwati taw mi, ama zə dan daŋ' məni wə pâ mbə vun Ifraya.»
5Ɓay Satan faŋ tle num ta wə so məni Ifray par cin nə kə rumu. Mum cin num ta wa so Ifray 6ɓay la' ne numu: «Ha la' Vay Ifray si, a sa' dam də nya kə tu ru ri', zə Dan rum wây' wə du ɗerwa:
Ifray də in dan ne kə sum sin um mə wafray wa ru,
ɓay handay də wû tle kə ɓa nday
kədan ha də dle wa sem wa gway' mi#Nye 91.11-12.»
7Zezu ɗam vun rumu: «Ɗerwa Ifray wə in kəreme: A kənji' Bârî, Ifray wû, mi.»
8Satan faŋ tle num ta wa igway' mə mbuɗ jərak kə rum ɓay mum ta' jwə nya ne num kə mbra' nday daŋ' 9ɓay la' ne numu: «Ha la' kuduk nya kor rin kədan ha man bur si, na də wû ne kwa mə ni kuni daŋ'ŋ.»
10Zezu faŋ ɗam vun rumu: «A 'ya hay' rin si, Satan! Zə Dan rum wây' wə du ɗerwa: A bur Bârî, Ifray wû, ɓay a gi zə rum ɗaw sara.»
11Kəki rum, Satan 'ya ar numu. Daw sin Ifray mə wafray mbə hay' Zezu ɓay təŋ kə gi zə rumu.
Zezu təŋ sin um wə nya Galile
(Mak 1.14-15; Luk 4.14-15)
12Kəri məni Zezu mun i soje kaw Zaŋ ge ta so daŋgay', mum 'ya ta nya Galile#Mat 14.3; Mak 6.17; Luk 3.19-20. 13Mum cu suk wə so Nazaret mi, ama mum 'ya ta suk so Kapernawum, so məni suk wə vun ya mbi, wə nya Zabuloŋ kə Neftali, 14mum gi ndəna' kədan nyen mbi dan məni bə ka' dan mə ɗe kə Esaya ini:
15«Nya Zabuloŋ kə nya Neftali,
məni wə ga' vari ya mbi dapa ga' məsin ze Zurdeŋ,
nya Galile mə sôwâ məni cu zə saŋ sôwâ Zuwif mi!
16Sôwâ məni gay' wə ri mə ura'
də weri mə ɓu mə mbri!
Ri mə ɓu də car mbə ɗeri
zə sôwâ məni gay' wə nya njəɓo mara!»
17Daka ri rum, Zezu təŋ kə ka' dana. Mum ini: «I faŋ vunduk ri, zə jwə mə wafray nə mbə həre'e!»
Zezu ɗe sum lam mbi fəɗi'i
(Mak 1.16-20; Luk 5.1-11)
18Kəri məni Zezu wə ta vun ya mbi Galile, mum we daw ya mə ɗaw hoɓ wə lam mbi, Simoŋ (mə ɗe kə Piyer) kə njər rum Andre. Handay wə ɗâ ziw də mbi. 19Zezu la' ne ndaya: «I mbə ta zə rin, ɓay na də mi gi faŋ sum keɓ sumra'a.» 20Kəkor sar, handay ar ziw nday njay ɓay ta zə rumu.
21Mum ta ta kofo kî, ɓay mum we daw ya mə ɗaw hoɓ məsini, Zakə kə Zaŋ, daw Zebede. Handay gay' wə rawti da nday kə ba nday Zebede. Handay wə gila' ziw ndaya. Zezu ɗe ndaya. 22Kəkor sar, handay ar da nday kə ba nday ɓay ta zə Zezu.
Zezu ta' dan ne kə sôwâ ɓay car sum gaɓa
(Mak 1.39; Luk 4.44; 6.17-19)
23Zezu gaŋ wə nya Galile daŋ'ŋ, mum ta' kwa wə rawti so mun dan Ifray sôwâ Zuwif wə nya rum daŋ'ŋ. Mum ka' Dan mə Kəɗam məni wə in dan wa dan vari məni Ifray wə də suk jwə wa sôwâ um, ɓay mum həraŋ sôwâ məni kə gaɓ kə sôwâ məni kə rəɓo daŋ'ŋ. 24Semɗe Zezu ci' ndap nya Siri daŋ', ɓay sôwâ ra' sôwâ məni wə ta' ca kə gaɓ cem cem, kə sôwâ məni wə ce boni, ɓay sôwâ məni kə gam wa nday, kə sôwâ məni kə gaɓ kwa mə tlətle, ɓay hurbu daŋ' mbə hay' Zezu kə ndaya, ɓay Zezu həraŋ ndaya. 25Raw sôwâ car mbə nya Galile, kə kawvun so mə mbri guɓ mə nya Grek, ɓay so Jeruzalem, kə nya Zude, ɓay nya məni wə dapa ze Zurdeŋ mbə ta zə rumu.
Právě zvoleno:
Matiye 4: KMN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Le Nouveau Testament et Psaumes en Peve © Alliance Biblique du Tchad, 2014.
Matiye 4
4
Satan ɓu Zezu
(Mak 1.12-13; Luk 4.1-13)
1Ndəna', Simbeɗ mə Kəleŋ pla' Zezu ta du igop kədan Satan um ɓu wə hana#Heb 2.18; 4.15. 2Zezu suk wə du igop kə saŋ kwati bəka gufəɗi' kə dukri gufəɗi', ɓay mê' ti numu. 3Satan mbə hay' rum ɓay la' ne numu: «Ha la' Vay Ifray si, a in ne kə gway' məni kuni faŋ kwati ri'i.» 4Zezu ɗam vun rumu: «Dan rum wây' wə du ɗerwa: Swə cu gak ke kə i zə kwati taw mi, ama zə dan daŋ' məni wə pâ mbə vun Ifraya.»
5Ɓay Satan faŋ tle num ta wə so məni Ifray par cin nə kə rumu. Mum cin num ta wa so Ifray 6ɓay la' ne numu: «Ha la' Vay Ifray si, a sa' dam də nya kə tu ru ri', zə Dan rum wây' wə du ɗerwa:
Ifray də in dan ne kə sum sin um mə wafray wa ru,
ɓay handay də wû tle kə ɓa nday
kədan ha də dle wa sem wa gway' mi#Nye 91.11-12.»
7Zezu ɗam vun rumu: «Ɗerwa Ifray wə in kəreme: A kənji' Bârî, Ifray wû, mi.»
8Satan faŋ tle num ta wa igway' mə mbuɗ jərak kə rum ɓay mum ta' jwə nya ne num kə mbra' nday daŋ' 9ɓay la' ne numu: «Ha la' kuduk nya kor rin kədan ha man bur si, na də wû ne kwa mə ni kuni daŋ'ŋ.»
10Zezu faŋ ɗam vun rumu: «A 'ya hay' rin si, Satan! Zə Dan rum wây' wə du ɗerwa: A bur Bârî, Ifray wû, ɓay a gi zə rum ɗaw sara.»
11Kəki rum, Satan 'ya ar numu. Daw sin Ifray mə wafray mbə hay' Zezu ɓay təŋ kə gi zə rumu.
Zezu təŋ sin um wə nya Galile
(Mak 1.14-15; Luk 4.14-15)
12Kəri məni Zezu mun i soje kaw Zaŋ ge ta so daŋgay', mum 'ya ta nya Galile#Mat 14.3; Mak 6.17; Luk 3.19-20. 13Mum cu suk wə so Nazaret mi, ama mum 'ya ta suk so Kapernawum, so məni suk wə vun ya mbi, wə nya Zabuloŋ kə Neftali, 14mum gi ndəna' kədan nyen mbi dan məni bə ka' dan mə ɗe kə Esaya ini:
15«Nya Zabuloŋ kə nya Neftali,
məni wə ga' vari ya mbi dapa ga' məsin ze Zurdeŋ,
nya Galile mə sôwâ məni cu zə saŋ sôwâ Zuwif mi!
16Sôwâ məni gay' wə ri mə ura'
də weri mə ɓu mə mbri!
Ri mə ɓu də car mbə ɗeri
zə sôwâ məni gay' wə nya njəɓo mara!»
17Daka ri rum, Zezu təŋ kə ka' dana. Mum ini: «I faŋ vunduk ri, zə jwə mə wafray nə mbə həre'e!»
Zezu ɗe sum lam mbi fəɗi'i
(Mak 1.16-20; Luk 5.1-11)
18Kəri məni Zezu wə ta vun ya mbi Galile, mum we daw ya mə ɗaw hoɓ wə lam mbi, Simoŋ (mə ɗe kə Piyer) kə njər rum Andre. Handay wə ɗâ ziw də mbi. 19Zezu la' ne ndaya: «I mbə ta zə rin, ɓay na də mi gi faŋ sum keɓ sumra'a.» 20Kəkor sar, handay ar ziw nday njay ɓay ta zə rumu.
21Mum ta ta kofo kî, ɓay mum we daw ya mə ɗaw hoɓ məsini, Zakə kə Zaŋ, daw Zebede. Handay gay' wə rawti da nday kə ba nday Zebede. Handay wə gila' ziw ndaya. Zezu ɗe ndaya. 22Kəkor sar, handay ar da nday kə ba nday ɓay ta zə Zezu.
Zezu ta' dan ne kə sôwâ ɓay car sum gaɓa
(Mak 1.39; Luk 4.44; 6.17-19)
23Zezu gaŋ wə nya Galile daŋ'ŋ, mum ta' kwa wə rawti so mun dan Ifray sôwâ Zuwif wə nya rum daŋ'ŋ. Mum ka' Dan mə Kəɗam məni wə in dan wa dan vari məni Ifray wə də suk jwə wa sôwâ um, ɓay mum həraŋ sôwâ məni kə gaɓ kə sôwâ məni kə rəɓo daŋ'ŋ. 24Semɗe Zezu ci' ndap nya Siri daŋ', ɓay sôwâ ra' sôwâ məni wə ta' ca kə gaɓ cem cem, kə sôwâ məni wə ce boni, ɓay sôwâ məni kə gam wa nday, kə sôwâ məni kə gaɓ kwa mə tlətle, ɓay hurbu daŋ' mbə hay' Zezu kə ndaya, ɓay Zezu həraŋ ndaya. 25Raw sôwâ car mbə nya Galile, kə kawvun so mə mbri guɓ mə nya Grek, ɓay so Jeruzalem, kə nya Zude, ɓay nya məni wə dapa ze Zurdeŋ mbə ta zə rumu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Le Nouveau Testament et Psaumes en Peve © Alliance Biblique du Tchad, 2014.