Jã 5
5
Gbãgbarʋʋkɛ Jeju kpɛɛnɩ
1A gele pɩ Juifisɔ kɔɔ hananɛ fɛtɩ Jerujalɛm, dɩ Jeju jal. 2Dɩɩraale yɔ hulẽ paar hale a wɔrɔna Bana lookɛ wɩ‐n wenɩ na ebirə thɩmɩɩr Bɛtɛsɩda, dɩ paar yemɔɩɩkɛ hɔnɩ jɛ̃bɛrɛ̃ kɔɔ harɔrɛ. 3Dɩ paarɩkɛ hɔnɩ jɛ̃bɛrɛ̃ɛle khodara jɔɔ n kɔɔ phɩnɛ le, yarasɔ, nɛ kʋɛdarasɔ, gbãgbarasɔ, [kɛ n tɔɔnɩ le dɩ wa‐n pɩɛr yɔ tutugore, 4gɩdonɩ Kɔ̃tɩnɩ thɔ̃thɔ̃daar thu n gbune dɩkhãa bɔɔ yɔ hulẽ paarɩle da‐n tutugo nyʋɔn. Dɩ khodaarɩkɛ n kɔɔ gbunoni caca ɔbɔɔkɛ nyʋɔn n tutugoni, ado ɔɔ kho ha mɔnakɛ sɩ gɩ‐n kpɛɛrɛ.]
5Dɩ kũu bɩɛl kɔɔ hale dɩ khoo fʋʋ dɩ cʋʋna yɛna kpelẽ yʋɔr makõther. 6Dɩ ɔbɔɔkɛ Jeju yɩɩnɩ dɩ phɩ̃, a jɩrɛ dɩ khoo kɔɔ fʋʋrɛ a maan kɛkɛkɛ, sɩ a buleele ayɩ: Fɩ‐n ƴaalɛ fɩ kpɛɛ khoora ya? 7Dɩ khodaarra birsee: Kɔ̃tɩn, ma hana tibilikɛ na gbaan mɩnɩ na thɩɩn ka nyʋɔn n tutugonəˈ, gɩdonɩ ɔbɔɔkɛ ma‐n jalnɩ tɩɩ kpɩɩ n kɔɔ kʋʋl mɛr ƴɩɛ dɩ gbũ. 8Dɩ Jeju sʋʋraa: Ɩrɛ gba afɩ jɔ̃ a kɔna. 9Dɩ dapaara kuunile kpɛɛ a ɩɩr gba ɔɔ jɔ̃ a jal da‐n kɔ̃.
Sɩ hɩɩr wire wireele kɔɔ do. 10Dɩ Juifisɔ kɔɔ bulele kuunile kpɛɛnɛnɩ: Fɩ jɩrɛ dɩɩ do hɩɩr wire gɩ, dɩ fa hana hʋɛ na heen afɩ jɔ̃aˈ.#Neh 13:19; Jer 17:21 11Dɩ birse wi: Ʋrɛɛkɛ kpɛɛnɛ mɩnɩ ɔr sɔ mar ayɩ, ɩ̃ gba ɩ̃ jɔ̃ a kɔna. 12Dɩ wɩ bulee: Amɛ wer dɔ kuunilera sɔ farnɩ fɩ gba afɩ jɔna a jala? 13Sɩ kuunile khoo kpɛɛnɩ na kɔɔ jɩ ntɛ kpɛɛnɛɛnaˈ, gɩdonɩ Jeju lʋʋn tibil jɔraale kɔɔ hanɩ paarɩle. 14Dɩ a gele pɩ, Jeju yɩɩ Thãgba fʋɔr cɔ kɔ̃tɩɩna a sʋʋraa: Fɩ jɩrɛ fɩ kpɛɛrɛ gɩrɛ. Fa‐n bir cʋʋ sopugo dɩ dɩkhaa puukɛ jɔnɩ gɩrɛ n bir gɩ dã fɩ bã. 15Dɩ kuunile jaal a so Juifisɔra: Jeju gɩɩkɛ kɔɔ kpɛɛnɛ mɩnɩ. 16Gɛr hɩna waa dɩ Juifisɔ ma dɩ wa‐n kpoo Jejura, gɩdonɩ hɩɩr wire a kɔɔ cʋʋ thɩ̃ɛsɔɔle. 17Sɩ Jeju so warɛ: Ɩ̃ Thɩ n dor thɔma a dana nɛnɛ̃kɛ, dɩ mɛrɛ dakha na‐n do oti. 18Sɩ mɔ̃ a sonɩ thale waa, gɛr Juifisɔ bir dɩ wa‐n jɩɩ ƴaal wɩ kʋʋ, gɩdonɩ ga do hɩɩr wireele a cʋʋnɩ thɔma dɔ kɩrʋ dɩbara ga, sɩ gɩdonɩ a sor ayɩ, Thãgba dɔ ɩnɩ Thɩ bɩnɔ aa, ɩnɩ ha pa na Thãgba bɩɛlla gɩ.
Thãgbaa Bikuuni hʋ hana
19Sɩ Jeju birse wer: Sobɔr mɩ so nar gel, ga do mɛr Bikuun hana punone dɩ ma‐n cʋʋna thɩ̃ bɩɛllakɛ ɩ̃bara ga. Gɩrɛ mɩ‐n yɩnɩ Thɩrɛ dɩ cʋʋna, gɛr mɩ‐n cʋʋ dɩbara. Gɩdonɩ gɩrɛ fɛʋʋkɛ Thɩrɛ n cʋʋnɩ, gɛr mɛr Bikuun n cʋʋ oti. 20Gɩdonɩ Thɩrɛ n nar mɛr Bikuun dɩ nɩ mar gɩrɛ fɛʋʋkɛ ɔr thɛthɛ n cʋʋnɩ. Sɩ a na nɩ marɛ thɔ̃ kɔ̃tɩna dɩ ma cʋʋ dɩ ga jɔ gɩrɛ wo, dɩ mɛ̃ nʋɔ na kpaa nɩ dɩphã waa. 21Gɩdonɩ mɔ̃ Thɩrɛ n ɩɩrnɩ khe khirera dɩ ha wɩ yire, mɛ̃ mɛr Bikuun na ˈlaa yire na ha ʋrɛɛkɛ mɩ‐n pɛrnɩ haar ɩ̃ ha. 22Thɩrɛ na do tɩbɩlaa Kɩɩldaaraˈ, sɩ mɛr Bikuun a ha punone fɛʋ ɩ̃ dɔ tɩbɩlaa Kɩɩldaar, 23dɩ mɛ̃ tɩbɩla fɛʋ na cʋ mɛr Bikuun, mɔ̃kɛ wɩ‐n cʋnɩ Thɩrɛ. Ʋrɛɛkɛ na‐n cʋɔnnɩ mɛr Bikuunaˈ, aa‐n cʋ dakha Thɩrɛɛkɛ thɔna mɩnaˈ. 24Sobɔr mɩ so nar gel, ʋrɛɛkɛ n pɛnɩ ɩ̃ thɩmɩɩ nũu dɩ pɛrna haar ʋrɛraakɛ thɔna mɩnɩ, a hananɛ yire khorr. A na ˈlɛ so heenaˈ, sɩ a ther khirrə a lõ yirera. 25Sobɔr mɩ so nar gel, bɔɔ n daan dɩ gɩ ˈlire daannakɛ pɩ, kɛ khe na nɩnɩ mɛr Thãgbaa Bikuuni nɔ, dɩ wɩrɛɛkɛ na nɩɛnɛnɩ na bire na hana yire. 26Gɩdonɩ mɔ̃kɛ Thɩrɛɛ thɛthɛ donɩ Yi hɩ̃daar, mɛ̃ dakha a ha mɛr Bikuun punone dɩ ɩ̃ do Yi hɩ̃daar. 27A har mɛr Bikuun hʋɛ dɩ ma do tɩbɩlaa Kɩɩldaar dakha, gɩdonɩ tibili Bikuun mɩ do. 28Na‐n do nʋɔ n kpaa nɩ gelela ga, gɩdonɩ bɔɔ n daan dɩ khe fɛʋʋkɛ hanɩ kaʋ na nɩrɛ ɩ̃ nɔ a na ɩɩr na the. 29Wɩrɛɛkɛ kɔɔ cʋɛnɩ bɔɔ na ɩɩrɛ na the khirera na ˈlɛ yire khorr, sɩ wɩrɛɛkɛ kɔɔ cʋɛnɩ puure na ɩɩrɛ na the khirera a na ˈlɛ so heene.#Dan 12:2
Gɩrɛ n nɛnanɩ Jejuu puno hana
30Mɛrɛɛ thɛthɛ na hana punone a na cʋʋna thɩ̃ bɩɛllakɛ ɩ̃bara ga. Mɔ̃ mɩ nɩɛnɩ Thɩrɛɛ nɔra, mɛ̃ mɩ‐n kɩɩlna tɩbɩla, dɩ ɩ̃ kɩɩl sarrɛ gɩdonɩ ga do ɩ̃ thɛthɛɛ tuur mɩ‐n cʋaˈ, sɩ ʋrɛɛkɛ thɔna mɩnɩɩ tuur mɩ‐n cʋʋ. 31Ado mɛr mɩa sobɔ so jɩɩrɩkɛ dɩ ma‐n pɛ ɩ̃barara, ɩ̃ sobɔ so jɩ na do sobɔraˈ. 32Sɩ ʋkha hale kɛ mɩanɩ sobɔ so jɩɩr a pɛ mɛrɛra, dɩ mɩ jɩrɛ dɩ ɔɔ sobɔ so jɩ thɩmɩɩkɛ a mɩɩnɩ a pɛ mɛrɛra dor sobɔr. 33Nɛrɛ, nɩ kɔɔ thʋɔn tɩbɩla Jãa pa dɩ mɩɩ sobɔ so jɩɩr da‐n pɛ sobɔrra.#Jã 1:19–27; 3:27–30 34Sɩ mɛrɛ, ga do tibili sobɔ so jɩ thɩmɩɩ mɩ‐n ƴaalaˈ, sɩ mɩ sor gelela nɩ ˈlɛ taarɛ. 35Jã kɔɔ hʋrɛ lãphãakɛ n hɩrɛnɛnɩ, dɩ nɩ kɔɔ ture dɩ na‐n kãka bɔɔ gbe ɔɔ hɩrɛra.
36Sɩ mɛrɛ mɩ hananɛ sobɔ so jɩɩrɩkɛ kɔ̃tɩnanɩ a jɔ Jãada, gɩdonɩ thɔmaakɛ Thɩrɛ ha mɩnɩ ɩ̃ cʋɛ dɩ ma‐n cʋʋ, gɛr n nɛna sobɔ so jɩɩr mɛrɛra dɩ Thɩrɛ thɔna mɩ. 37Dɩ Thɩrɛɛkɛ kɔɔ thɔna mɩnɩ, ɔɔ thɛthɛ n mɩa sobɔ so jɩɩr mɛrɛra. Na kɔɔ nɩ ɔɔ nɔ kpɩɩrakaˈ, dɩ na kɔɔ yɩ dakha ɔɔ ƴɛbi kpɩɩaˈ.#Mat 3:17; Mar 1:11; Lu 3:22 38Dɩ ɔɔ so na too nɛrɛra ga, gɩdonɩ na‐n pɛ ʋrɛɛkɛ a thɔnɩ haaraˈ. 39Nɩ‐n hɩɩnɛ Thãgbaa sɛbɛ dɩ na‐n kpãkpaanɔ, gɩdonɩ nɩ‐n kpɩɛrɛ le na ˈlɛ yire khorr, dɩ gɛr thɛthɛra n mɩa sobɔ so jɩ thɩmɩɩr mɛrɛra. 40Sɩrakɛ na‐n ƴaal nɩ ɩ̃ mar nɩ jɩɩ ˈlɛ yirəˈ.
41Ga do tɩbɩlala mɩ‐n ƴaal ɩ̃ i dʋbaˈ. 42Sɩ mɩ jɩ nɛr: Na‐n na Thãgba na haaraˈ. 43Ɩ̃ Thɩɩ i mɩ ɩna sɩ na‐n tee maˈ, sɩ a tɩɩ kpɩɩ ka gba ɔɔ thɛthɛɛ dɩbara i a ɩna, ɔr nɩ‐n ka tee. 44Mɔ̃ na puno na pɛr haar nɛrɛɛkɛ n ƴaalɛnɩ i dʋbɩrɛɛkɛ n thɛnɩ nɛrɛ fɛʋ bɩɛlbɩɛlɩ pa, sɩ dɩ nɩ ka bo na‐n ƴaal i dʋbɩrɛɛkɛ thɛnɩ Thãgbaa pa dɩbara ga. 45Na‐n kpɩɛr dɩ mɛr na pɛ nar sor Thɩrɛɛ ƴɛra ga. Sɩ Mʋɩjɩɩ thɛthɛɛkɛra nɩ hananɔnɩ nũ pɛrɛ, ɔr na pɛ nar sor. 46Ado nɩ kɔɔ pɛr Mʋɩjɩ haar gel, na kɔɔ pɛ mɛr haar dakha gɩdonɩ ɩ̃da a kɔɔ khere. 47Sɩ ado na‐n pɛr haar gɩrɛ a kherenaˈ, mɔ̃ na fʋ sɩ na pɛr ɩ̃ thɩmɩɩ haar?
Právě zvoleno:
Jã 5: LOBIRI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society of Burkino Faso 1985.
Jã 5
5
Gbãgbarʋʋkɛ Jeju kpɛɛnɩ
1A gele pɩ Juifisɔ kɔɔ hananɛ fɛtɩ Jerujalɛm, dɩ Jeju jal. 2Dɩɩraale yɔ hulẽ paar hale a wɔrɔna Bana lookɛ wɩ‐n wenɩ na ebirə thɩmɩɩr Bɛtɛsɩda, dɩ paar yemɔɩɩkɛ hɔnɩ jɛ̃bɛrɛ̃ kɔɔ harɔrɛ. 3Dɩ paarɩkɛ hɔnɩ jɛ̃bɛrɛ̃ɛle khodara jɔɔ n kɔɔ phɩnɛ le, yarasɔ, nɛ kʋɛdarasɔ, gbãgbarasɔ, [kɛ n tɔɔnɩ le dɩ wa‐n pɩɛr yɔ tutugore, 4gɩdonɩ Kɔ̃tɩnɩ thɔ̃thɔ̃daar thu n gbune dɩkhãa bɔɔ yɔ hulẽ paarɩle da‐n tutugo nyʋɔn. Dɩ khodaarɩkɛ n kɔɔ gbunoni caca ɔbɔɔkɛ nyʋɔn n tutugoni, ado ɔɔ kho ha mɔnakɛ sɩ gɩ‐n kpɛɛrɛ.]
5Dɩ kũu bɩɛl kɔɔ hale dɩ khoo fʋʋ dɩ cʋʋna yɛna kpelẽ yʋɔr makõther. 6Dɩ ɔbɔɔkɛ Jeju yɩɩnɩ dɩ phɩ̃, a jɩrɛ dɩ khoo kɔɔ fʋʋrɛ a maan kɛkɛkɛ, sɩ a buleele ayɩ: Fɩ‐n ƴaalɛ fɩ kpɛɛ khoora ya? 7Dɩ khodaarra birsee: Kɔ̃tɩn, ma hana tibilikɛ na gbaan mɩnɩ na thɩɩn ka nyʋɔn n tutugonəˈ, gɩdonɩ ɔbɔɔkɛ ma‐n jalnɩ tɩɩ kpɩɩ n kɔɔ kʋʋl mɛr ƴɩɛ dɩ gbũ. 8Dɩ Jeju sʋʋraa: Ɩrɛ gba afɩ jɔ̃ a kɔna. 9Dɩ dapaara kuunile kpɛɛ a ɩɩr gba ɔɔ jɔ̃ a jal da‐n kɔ̃.
Sɩ hɩɩr wire wireele kɔɔ do. 10Dɩ Juifisɔ kɔɔ bulele kuunile kpɛɛnɛnɩ: Fɩ jɩrɛ dɩɩ do hɩɩr wire gɩ, dɩ fa hana hʋɛ na heen afɩ jɔ̃aˈ.#Neh 13:19; Jer 17:21 11Dɩ birse wi: Ʋrɛɛkɛ kpɛɛnɛ mɩnɩ ɔr sɔ mar ayɩ, ɩ̃ gba ɩ̃ jɔ̃ a kɔna. 12Dɩ wɩ bulee: Amɛ wer dɔ kuunilera sɔ farnɩ fɩ gba afɩ jɔna a jala? 13Sɩ kuunile khoo kpɛɛnɩ na kɔɔ jɩ ntɛ kpɛɛnɛɛnaˈ, gɩdonɩ Jeju lʋʋn tibil jɔraale kɔɔ hanɩ paarɩle. 14Dɩ a gele pɩ, Jeju yɩɩ Thãgba fʋɔr cɔ kɔ̃tɩɩna a sʋʋraa: Fɩ jɩrɛ fɩ kpɛɛrɛ gɩrɛ. Fa‐n bir cʋʋ sopugo dɩ dɩkhaa puukɛ jɔnɩ gɩrɛ n bir gɩ dã fɩ bã. 15Dɩ kuunile jaal a so Juifisɔra: Jeju gɩɩkɛ kɔɔ kpɛɛnɛ mɩnɩ. 16Gɛr hɩna waa dɩ Juifisɔ ma dɩ wa‐n kpoo Jejura, gɩdonɩ hɩɩr wire a kɔɔ cʋʋ thɩ̃ɛsɔɔle. 17Sɩ Jeju so warɛ: Ɩ̃ Thɩ n dor thɔma a dana nɛnɛ̃kɛ, dɩ mɛrɛ dakha na‐n do oti. 18Sɩ mɔ̃ a sonɩ thale waa, gɛr Juifisɔ bir dɩ wa‐n jɩɩ ƴaal wɩ kʋʋ, gɩdonɩ ga do hɩɩr wireele a cʋʋnɩ thɔma dɔ kɩrʋ dɩbara ga, sɩ gɩdonɩ a sor ayɩ, Thãgba dɔ ɩnɩ Thɩ bɩnɔ aa, ɩnɩ ha pa na Thãgba bɩɛlla gɩ.
Thãgbaa Bikuuni hʋ hana
19Sɩ Jeju birse wer: Sobɔr mɩ so nar gel, ga do mɛr Bikuun hana punone dɩ ma‐n cʋʋna thɩ̃ bɩɛllakɛ ɩ̃bara ga. Gɩrɛ mɩ‐n yɩnɩ Thɩrɛ dɩ cʋʋna, gɛr mɩ‐n cʋʋ dɩbara. Gɩdonɩ gɩrɛ fɛʋʋkɛ Thɩrɛ n cʋʋnɩ, gɛr mɛr Bikuun n cʋʋ oti. 20Gɩdonɩ Thɩrɛ n nar mɛr Bikuun dɩ nɩ mar gɩrɛ fɛʋʋkɛ ɔr thɛthɛ n cʋʋnɩ. Sɩ a na nɩ marɛ thɔ̃ kɔ̃tɩna dɩ ma cʋʋ dɩ ga jɔ gɩrɛ wo, dɩ mɛ̃ nʋɔ na kpaa nɩ dɩphã waa. 21Gɩdonɩ mɔ̃ Thɩrɛ n ɩɩrnɩ khe khirera dɩ ha wɩ yire, mɛ̃ mɛr Bikuun na ˈlaa yire na ha ʋrɛɛkɛ mɩ‐n pɛrnɩ haar ɩ̃ ha. 22Thɩrɛ na do tɩbɩlaa Kɩɩldaaraˈ, sɩ mɛr Bikuun a ha punone fɛʋ ɩ̃ dɔ tɩbɩlaa Kɩɩldaar, 23dɩ mɛ̃ tɩbɩla fɛʋ na cʋ mɛr Bikuun, mɔ̃kɛ wɩ‐n cʋnɩ Thɩrɛ. Ʋrɛɛkɛ na‐n cʋɔnnɩ mɛr Bikuunaˈ, aa‐n cʋ dakha Thɩrɛɛkɛ thɔna mɩnaˈ. 24Sobɔr mɩ so nar gel, ʋrɛɛkɛ n pɛnɩ ɩ̃ thɩmɩɩ nũu dɩ pɛrna haar ʋrɛraakɛ thɔna mɩnɩ, a hananɛ yire khorr. A na ˈlɛ so heenaˈ, sɩ a ther khirrə a lõ yirera. 25Sobɔr mɩ so nar gel, bɔɔ n daan dɩ gɩ ˈlire daannakɛ pɩ, kɛ khe na nɩnɩ mɛr Thãgbaa Bikuuni nɔ, dɩ wɩrɛɛkɛ na nɩɛnɛnɩ na bire na hana yire. 26Gɩdonɩ mɔ̃kɛ Thɩrɛɛ thɛthɛ donɩ Yi hɩ̃daar, mɛ̃ dakha a ha mɛr Bikuun punone dɩ ɩ̃ do Yi hɩ̃daar. 27A har mɛr Bikuun hʋɛ dɩ ma do tɩbɩlaa Kɩɩldaar dakha, gɩdonɩ tibili Bikuun mɩ do. 28Na‐n do nʋɔ n kpaa nɩ gelela ga, gɩdonɩ bɔɔ n daan dɩ khe fɛʋʋkɛ hanɩ kaʋ na nɩrɛ ɩ̃ nɔ a na ɩɩr na the. 29Wɩrɛɛkɛ kɔɔ cʋɛnɩ bɔɔ na ɩɩrɛ na the khirera na ˈlɛ yire khorr, sɩ wɩrɛɛkɛ kɔɔ cʋɛnɩ puure na ɩɩrɛ na the khirera a na ˈlɛ so heene.#Dan 12:2
Gɩrɛ n nɛnanɩ Jejuu puno hana
30Mɛrɛɛ thɛthɛ na hana punone a na cʋʋna thɩ̃ bɩɛllakɛ ɩ̃bara ga. Mɔ̃ mɩ nɩɛnɩ Thɩrɛɛ nɔra, mɛ̃ mɩ‐n kɩɩlna tɩbɩla, dɩ ɩ̃ kɩɩl sarrɛ gɩdonɩ ga do ɩ̃ thɛthɛɛ tuur mɩ‐n cʋaˈ, sɩ ʋrɛɛkɛ thɔna mɩnɩɩ tuur mɩ‐n cʋʋ. 31Ado mɛr mɩa sobɔ so jɩɩrɩkɛ dɩ ma‐n pɛ ɩ̃barara, ɩ̃ sobɔ so jɩ na do sobɔraˈ. 32Sɩ ʋkha hale kɛ mɩanɩ sobɔ so jɩɩr a pɛ mɛrɛra, dɩ mɩ jɩrɛ dɩ ɔɔ sobɔ so jɩ thɩmɩɩkɛ a mɩɩnɩ a pɛ mɛrɛra dor sobɔr. 33Nɛrɛ, nɩ kɔɔ thʋɔn tɩbɩla Jãa pa dɩ mɩɩ sobɔ so jɩɩr da‐n pɛ sobɔrra.#Jã 1:19–27; 3:27–30 34Sɩ mɛrɛ, ga do tibili sobɔ so jɩ thɩmɩɩ mɩ‐n ƴaalaˈ, sɩ mɩ sor gelela nɩ ˈlɛ taarɛ. 35Jã kɔɔ hʋrɛ lãphãakɛ n hɩrɛnɛnɩ, dɩ nɩ kɔɔ ture dɩ na‐n kãka bɔɔ gbe ɔɔ hɩrɛra.
36Sɩ mɛrɛ mɩ hananɛ sobɔ so jɩɩrɩkɛ kɔ̃tɩnanɩ a jɔ Jãada, gɩdonɩ thɔmaakɛ Thɩrɛ ha mɩnɩ ɩ̃ cʋɛ dɩ ma‐n cʋʋ, gɛr n nɛna sobɔ so jɩɩr mɛrɛra dɩ Thɩrɛ thɔna mɩ. 37Dɩ Thɩrɛɛkɛ kɔɔ thɔna mɩnɩ, ɔɔ thɛthɛ n mɩa sobɔ so jɩɩr mɛrɛra. Na kɔɔ nɩ ɔɔ nɔ kpɩɩrakaˈ, dɩ na kɔɔ yɩ dakha ɔɔ ƴɛbi kpɩɩaˈ.#Mat 3:17; Mar 1:11; Lu 3:22 38Dɩ ɔɔ so na too nɛrɛra ga, gɩdonɩ na‐n pɛ ʋrɛɛkɛ a thɔnɩ haaraˈ. 39Nɩ‐n hɩɩnɛ Thãgbaa sɛbɛ dɩ na‐n kpãkpaanɔ, gɩdonɩ nɩ‐n kpɩɛrɛ le na ˈlɛ yire khorr, dɩ gɛr thɛthɛra n mɩa sobɔ so jɩ thɩmɩɩr mɛrɛra. 40Sɩrakɛ na‐n ƴaal nɩ ɩ̃ mar nɩ jɩɩ ˈlɛ yirəˈ.
41Ga do tɩbɩlala mɩ‐n ƴaal ɩ̃ i dʋbaˈ. 42Sɩ mɩ jɩ nɛr: Na‐n na Thãgba na haaraˈ. 43Ɩ̃ Thɩɩ i mɩ ɩna sɩ na‐n tee maˈ, sɩ a tɩɩ kpɩɩ ka gba ɔɔ thɛthɛɛ dɩbara i a ɩna, ɔr nɩ‐n ka tee. 44Mɔ̃ na puno na pɛr haar nɛrɛɛkɛ n ƴaalɛnɩ i dʋbɩrɛɛkɛ n thɛnɩ nɛrɛ fɛʋ bɩɛlbɩɛlɩ pa, sɩ dɩ nɩ ka bo na‐n ƴaal i dʋbɩrɛɛkɛ thɛnɩ Thãgbaa pa dɩbara ga. 45Na‐n kpɩɛr dɩ mɛr na pɛ nar sor Thɩrɛɛ ƴɛra ga. Sɩ Mʋɩjɩɩ thɛthɛɛkɛra nɩ hananɔnɩ nũ pɛrɛ, ɔr na pɛ nar sor. 46Ado nɩ kɔɔ pɛr Mʋɩjɩ haar gel, na kɔɔ pɛ mɛr haar dakha gɩdonɩ ɩ̃da a kɔɔ khere. 47Sɩ ado na‐n pɛr haar gɩrɛ a kherenaˈ, mɔ̃ na fʋ sɩ na pɛr ɩ̃ thɩmɩɩ haar?
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society of Burkino Faso 1985.