Luki 15
15
Sokpaa banaanaakɛ bonɩ
(Mat 18:12–14)
1Dɩ war gbadara na sopugodara fɛʋ kɔɔ tɔr wɔrɔ̃ Jeju, dɩ wa‐n pɩɛ nũu.#Lu 5:29–30 2Dɩ jɔfʋ bʋ dʋdarasɔ na jɔfʋ dɩɩrdarasɔ na‐n hũhuun kha dɩ wa‐n sona aa: Kuunikɛ a‐n teere sopugodara kpakpaalɛ dɩ wa‐n kho kha dɩkor. 3Dɩ Jeju so war sokpaakɛ: 4Ʋmɔ̃ɔ tibil nɛrɛɛ thɩ̃thɩɩn na hana banaa tamaa dɩ bɩɛl na bu, sɩɩ do aa faa tamaa phe bireele sɛnɩ khʋʋl paar, sa jal a ƴaal bɩɛlɩle bonɩ phaphapha a yɩaˈ. 5Mee a a yɩɩ pɩ, a na gbaarɛ na daʋ a na pɛ ɔɔ nyɔ̃ gbɛgbɛlla. 6A a dã cʋɔr, a na wer ɔɔ kuunsɔ na ɔɔ cɔ khudarasɔ na so war nayɩ: Nɩ dɔ sa‐n kãka kha, gɩdonɩ mɩ bire yɩ ɩ̃ banaakɛra kɔɔ bonɩ. 7Mɩ so narɛ, thale daʋ na ha Thãgbaa dʋɔ sopugodaar bɩɛlɩ ha debira, a na jɔ tɩɩ sara tamaa phe bireekɛ na‐n ƴaalɛnɩ ha debiraˈ.
Sokpaa sẽkãsɩraakɛ kɔɔ bonɩ
8Dɩ agɩbo, ʋmɔ̃ɔ khɛr na hana sẽkãsɩ yʋɔr dɩ bɩɛl na bu, sɩɩ do aa pɛ lãphã sa kpabɩ cʋɔr a jɩɩ ƴaal phaphapha a yɩ ga? 9Mee a a yɩ gɩ, a na wer ɔɔ kuunsɔ na ɔɔ cɔ khudarasɔ wɩ pɔ a so war ayɩ: Nɩ dɔ sa‐n kãka kha, gɩdonɩ mɩ bire yɩ sẽkãsɩɩkɛ kɔɔ bo mɩnɩ. 10Mɩ so narɛ, thale daʋ na ha Thãgbaa thɔ̃thɔ̃daar thusɔɔ thɩ̃thɩɩn sopugodaar bɩɛllaakɛ n debanɩ haar.
Sokpaa bikuunnaakɛ kɔɔ bonɩ
11Dɩ Jeju so war wo ayɩ: Kũu bɩɛl gɩ, a hana bikona yenyɔ. 12Dɩ bikũu diine so ɔɔ thɩra: Ɩ̃ thɩ, ha mɩ gɩrɛ na dɔnɩ ɩ̃da. Dɩ ɔɔ thɩ tɩnɛ wɩ ɔɔ thɩ̃sɔ wɛr yenyɔra fɛʋ. 13Ga pʋɔraˈ sɩ bikũu diine ɩɩr a khɩɩ ɔɔ thɩ̃sɔ fɛʋ, a jalna dɩ kpɩɩra ƴɔɔ fii. Le a jãjalã ɔɔ thɩ̃sɔra khaarkhaar cʋʋrɛra. 14Dɩ ɔbɔɔkɛ a kʋɛnɩ thɩ̃ɛ fɛʋ pɩ, kɔmɛ kɔ̃tɩ̃ɩ lʋʋn dɩɩraalera, dɩ le bʋɔ ma dɩ a‐n fʋʋ. 15Dɩ ɩɩr jal tibil bɩɛlla dɩɩraale a gba nɩ thɔma, dɩ gbaa pɛ ɔɔ lɔɔ a na‐n khɛ nɩ dabulo sɩthɔsɔ. 16Dɩ a kɔɔ pɛrɛ haar, ɩna‐n khɔra dɩkɔɔkɛ dabulo sɩthɔsɔ n khonɩ, sɩ tibil na‐n haa ga. 17Le fɩlɛ n ɩnaa dɩphã, dɩ so ɔɔbara: Ɩ̃ thɩɩ cɔ thɔ̃dara yemɔ̃ haanle gɩrɛ, kɛ n khɔnɩ dɩkɔ dɩ wɩ hi sa sɩ, sɩ me wer, kɔmɛr na‐n lɩɛr mɩ kɛkɛ. 18Ma ɩɩrɛ a na bir ɩ̃ thɩɩ pa na sʋʋraa nayɩ: Ɩ̃ thɩ, mɩ cʋʋrɛ sopugo Thãgbara na fɛrɛra. 19Ma teena dɩ wa we mɩ afɩ bikũu bɩnɔ ˈlo bã, sɩ gba mɩ ɩ̃ ho afɩ thɔ̃daar bɩɛl. 20Dɩ le a ɩɩr da‐n bir ɔɔ thɩra. Sɩ dabɔɔkɛ a kɔɔ hanɩ ƴɔɔ fĩi, ɔɔ thɩ yɩɩrɛ dɩ bʋɔ fʋʋ, dɩ ca caan a fʋʋ a pal. 21Dɩ bikuun sʋʋraa: Ɩ̃ thɩ, mɩ cʋʋrɛ sopugo Thãgbara na fɛrɛra, ma teena dɩ wa we mɩ afɩ bikũu bɩnɔ ˈlo bã. 22Dɩ thɩrɛ sor ɔɔ thɔ̃darara: Nɩ gba kẽkẽ gbãakɛ ɓɔnanɩ a jɔ kẽkena fɛʋ, a ɛna kɔrɔ a tʋɔnɛɛ, a tɔnaa nyɛ̃bi tʋʋ a tʋɔnɛɛ nɛfaa. 23Nɩ fɔ naɓol khʋ̃ɔ a ɛna kɔ, 24sɩ kho sa‐n kãkana, gɩdonɩ ɩ̃ bikuunikɛ a kɔɔ khire sɩ a bire a hana yire. A kɔɔ bure sɩ sɩ yɩɩrɛ. Dɩ wɩ mar dɩ wa‐n kãka. 25Sɩ bikũu kɔ̃tɩn kɔɔ har lɔɔ. Dɩ ɔbɔɔkɛ a kɔɔ thenɩ lɔɔ da‐n ɩ̃ a thɔɔ cɔ nʋɔ, a nɩɛrɛ bɩna dɩ wa‐n sa. 26Dɩ a wer thɔ̃daar bɩɛl a bulee thɩ̃ doo n cʋɛnɩ thale. 27Dɩ thɔ̃daarɩle sʋʋraa: Afɩ õkuun birə ɩ̃, dɩ gɩdonɩ afɩ thɩ bire yɩɩ na tomɩ kheu, gɛr gɩ dɩ kʋʋ naɓol khʋ̃ɔ. 28Dɩ nĩkhii fʋrɛ bikũu kɔ̃tɩn dɩ bo cɔ lʋʋn. Dɩ ɔɔ thɩ the a phʋʋrʋʋ a lona. 29Dɩ le a so ɔɔ thɩra: Hɩnɛ, yɛna jɔrɛ ka mɩ do fɩnɩ thɔma, dɩ ma kɔɔ nʋʋr nũu afɩ jɔfʋ bɩɛlla yuurakaˈ, sɩ fa kɔɔ ha mɩnakɛ bʋ̃bir ɩ̃ ɓolana ɩ̃ kuunsɔ babɩɛlaˈ. 30Sɩ afɩ bikuunikɛ ɩnanɩ gɩrɛ, ʋrɛɛkɛ kanɩ kɔɔ jãjalã afɩ thɩ̃sɔ bɔdɛlasɔra, ɔr fɩ ka kʋ naɓol khʋ̃ɔ. 31Dɩ ɔɔ thɩ sʋʋraa: Fɛr ɩ̃ bɩsã, fɩ har kha na mɛrɛ wire fɛʋ, dɩ thɩ̃ɛ fɛʋʋkɛ mɩ hananɩ afɩda gɩ do. 32Sɩ gɩ teenanɛ sɩ ɓola a na kãkanɛna, gɩdonɩ afɩ õkuunikɛ a kɔɔ khire, sɩ a bire a hana yire, dɩ dakha a kɔɔ bure, sɩ sɩ bire yɩɩ.
Právě zvoleno:
Luki 15: LOBIRI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society of Burkino Faso 1985.
Luki 15
15
Sokpaa banaanaakɛ bonɩ
(Mat 18:12–14)
1Dɩ war gbadara na sopugodara fɛʋ kɔɔ tɔr wɔrɔ̃ Jeju, dɩ wa‐n pɩɛ nũu.#Lu 5:29–30 2Dɩ jɔfʋ bʋ dʋdarasɔ na jɔfʋ dɩɩrdarasɔ na‐n hũhuun kha dɩ wa‐n sona aa: Kuunikɛ a‐n teere sopugodara kpakpaalɛ dɩ wa‐n kho kha dɩkor. 3Dɩ Jeju so war sokpaakɛ: 4Ʋmɔ̃ɔ tibil nɛrɛɛ thɩ̃thɩɩn na hana banaa tamaa dɩ bɩɛl na bu, sɩɩ do aa faa tamaa phe bireele sɛnɩ khʋʋl paar, sa jal a ƴaal bɩɛlɩle bonɩ phaphapha a yɩaˈ. 5Mee a a yɩɩ pɩ, a na gbaarɛ na daʋ a na pɛ ɔɔ nyɔ̃ gbɛgbɛlla. 6A a dã cʋɔr, a na wer ɔɔ kuunsɔ na ɔɔ cɔ khudarasɔ na so war nayɩ: Nɩ dɔ sa‐n kãka kha, gɩdonɩ mɩ bire yɩ ɩ̃ banaakɛra kɔɔ bonɩ. 7Mɩ so narɛ, thale daʋ na ha Thãgbaa dʋɔ sopugodaar bɩɛlɩ ha debira, a na jɔ tɩɩ sara tamaa phe bireekɛ na‐n ƴaalɛnɩ ha debiraˈ.
Sokpaa sẽkãsɩraakɛ kɔɔ bonɩ
8Dɩ agɩbo, ʋmɔ̃ɔ khɛr na hana sẽkãsɩ yʋɔr dɩ bɩɛl na bu, sɩɩ do aa pɛ lãphã sa kpabɩ cʋɔr a jɩɩ ƴaal phaphapha a yɩ ga? 9Mee a a yɩ gɩ, a na wer ɔɔ kuunsɔ na ɔɔ cɔ khudarasɔ wɩ pɔ a so war ayɩ: Nɩ dɔ sa‐n kãka kha, gɩdonɩ mɩ bire yɩ sẽkãsɩɩkɛ kɔɔ bo mɩnɩ. 10Mɩ so narɛ, thale daʋ na ha Thãgbaa thɔ̃thɔ̃daar thusɔɔ thɩ̃thɩɩn sopugodaar bɩɛllaakɛ n debanɩ haar.
Sokpaa bikuunnaakɛ kɔɔ bonɩ
11Dɩ Jeju so war wo ayɩ: Kũu bɩɛl gɩ, a hana bikona yenyɔ. 12Dɩ bikũu diine so ɔɔ thɩra: Ɩ̃ thɩ, ha mɩ gɩrɛ na dɔnɩ ɩ̃da. Dɩ ɔɔ thɩ tɩnɛ wɩ ɔɔ thɩ̃sɔ wɛr yenyɔra fɛʋ. 13Ga pʋɔraˈ sɩ bikũu diine ɩɩr a khɩɩ ɔɔ thɩ̃sɔ fɛʋ, a jalna dɩ kpɩɩra ƴɔɔ fii. Le a jãjalã ɔɔ thɩ̃sɔra khaarkhaar cʋʋrɛra. 14Dɩ ɔbɔɔkɛ a kʋɛnɩ thɩ̃ɛ fɛʋ pɩ, kɔmɛ kɔ̃tɩ̃ɩ lʋʋn dɩɩraalera, dɩ le bʋɔ ma dɩ a‐n fʋʋ. 15Dɩ ɩɩr jal tibil bɩɛlla dɩɩraale a gba nɩ thɔma, dɩ gbaa pɛ ɔɔ lɔɔ a na‐n khɛ nɩ dabulo sɩthɔsɔ. 16Dɩ a kɔɔ pɛrɛ haar, ɩna‐n khɔra dɩkɔɔkɛ dabulo sɩthɔsɔ n khonɩ, sɩ tibil na‐n haa ga. 17Le fɩlɛ n ɩnaa dɩphã, dɩ so ɔɔbara: Ɩ̃ thɩɩ cɔ thɔ̃dara yemɔ̃ haanle gɩrɛ, kɛ n khɔnɩ dɩkɔ dɩ wɩ hi sa sɩ, sɩ me wer, kɔmɛr na‐n lɩɛr mɩ kɛkɛ. 18Ma ɩɩrɛ a na bir ɩ̃ thɩɩ pa na sʋʋraa nayɩ: Ɩ̃ thɩ, mɩ cʋʋrɛ sopugo Thãgbara na fɛrɛra. 19Ma teena dɩ wa we mɩ afɩ bikũu bɩnɔ ˈlo bã, sɩ gba mɩ ɩ̃ ho afɩ thɔ̃daar bɩɛl. 20Dɩ le a ɩɩr da‐n bir ɔɔ thɩra. Sɩ dabɔɔkɛ a kɔɔ hanɩ ƴɔɔ fĩi, ɔɔ thɩ yɩɩrɛ dɩ bʋɔ fʋʋ, dɩ ca caan a fʋʋ a pal. 21Dɩ bikuun sʋʋraa: Ɩ̃ thɩ, mɩ cʋʋrɛ sopugo Thãgbara na fɛrɛra, ma teena dɩ wa we mɩ afɩ bikũu bɩnɔ ˈlo bã. 22Dɩ thɩrɛ sor ɔɔ thɔ̃darara: Nɩ gba kẽkẽ gbãakɛ ɓɔnanɩ a jɔ kẽkena fɛʋ, a ɛna kɔrɔ a tʋɔnɛɛ, a tɔnaa nyɛ̃bi tʋʋ a tʋɔnɛɛ nɛfaa. 23Nɩ fɔ naɓol khʋ̃ɔ a ɛna kɔ, 24sɩ kho sa‐n kãkana, gɩdonɩ ɩ̃ bikuunikɛ a kɔɔ khire sɩ a bire a hana yire. A kɔɔ bure sɩ sɩ yɩɩrɛ. Dɩ wɩ mar dɩ wa‐n kãka. 25Sɩ bikũu kɔ̃tɩn kɔɔ har lɔɔ. Dɩ ɔbɔɔkɛ a kɔɔ thenɩ lɔɔ da‐n ɩ̃ a thɔɔ cɔ nʋɔ, a nɩɛrɛ bɩna dɩ wa‐n sa. 26Dɩ a wer thɔ̃daar bɩɛl a bulee thɩ̃ doo n cʋɛnɩ thale. 27Dɩ thɔ̃daarɩle sʋʋraa: Afɩ õkuun birə ɩ̃, dɩ gɩdonɩ afɩ thɩ bire yɩɩ na tomɩ kheu, gɛr gɩ dɩ kʋʋ naɓol khʋ̃ɔ. 28Dɩ nĩkhii fʋrɛ bikũu kɔ̃tɩn dɩ bo cɔ lʋʋn. Dɩ ɔɔ thɩ the a phʋʋrʋʋ a lona. 29Dɩ le a so ɔɔ thɩra: Hɩnɛ, yɛna jɔrɛ ka mɩ do fɩnɩ thɔma, dɩ ma kɔɔ nʋʋr nũu afɩ jɔfʋ bɩɛlla yuurakaˈ, sɩ fa kɔɔ ha mɩnakɛ bʋ̃bir ɩ̃ ɓolana ɩ̃ kuunsɔ babɩɛlaˈ. 30Sɩ afɩ bikuunikɛ ɩnanɩ gɩrɛ, ʋrɛɛkɛ kanɩ kɔɔ jãjalã afɩ thɩ̃sɔ bɔdɛlasɔra, ɔr fɩ ka kʋ naɓol khʋ̃ɔ. 31Dɩ ɔɔ thɩ sʋʋraa: Fɛr ɩ̃ bɩsã, fɩ har kha na mɛrɛ wire fɛʋ, dɩ thɩ̃ɛ fɛʋʋkɛ mɩ hananɩ afɩda gɩ do. 32Sɩ gɩ teenanɛ sɩ ɓola a na kãkanɛna, gɩdonɩ afɩ õkuunikɛ a kɔɔ khire, sɩ a bire a hana yire, dɩ dakha a kɔɔ bure, sɩ sɩ bire yɩɩ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society of Burkino Faso 1985.