Isaià 12
12
Fiderana an’Andriamanitra mpamonjy
1Amin’izany andro izany,
ry olona voaavotra,
dia hiteny ianao ka hanao hoe:
«Midera Anao aho, TOMPO ô;
fa na tezitra tamiko aza Ianao,
dia afaka ny fahatezeranao
ka nampionona ahy Ianao.
2Indro Andriamanitra namonjy ahy,
matoky Azy aho ka tsy mangovitra intsony.
Ny TOMPO no heriko sy fidèrako,
fa Izy no mpamonjy ahy#12.2 Andriamanitra mpamonjy ahy, ny Tompo namonjy ahy: toa misy fampahatsiahivana ny anarana Isaià na Jesahià midika hoe Ny Tompo no mamonjy izany. –heriko: jereo Eks 15.2; Sal 118.14..»
3Amim-pifaliana no hantsakanareo
eo amin’ny loharanom-pamonjena.
4Amin’izany andro izany
dia hiteny ianareo ka hanao hoe:
«Miderà ny TOMPO, antsoy ny anarany,
ambarao amin’ny vahoaka rehetra ny asany,
ampahatsiarovy azy
fa tsy hay takarina ny anarany.
5Ankalazao an-kira ny TOMPO
fa asa lehibe no nataony;
ary aoka hampahafantarina eran-tany izany!»
6Mifalia sy miravoravoa,
ry mponina ao Tsiôna,
fa lehibe Ilay eo anivonareo,
dia Ilay Masin’i Israely.
Právě zvoleno:
Isaià 12: DIEM
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
Dikanteny Iombonana Eto Madagasikara © Malagasy Bible Society, 2004.