Ng’olwa 15
15
Vatumi na vavina vawo vangitang'ana ku Yelusalemu
1Ihyo vanu vatunga vakikaje kuhuma ku Yudeya vakabitaje ku Andiyochiya, nawo vakantsaje kuvadahitsa vanu wosi Vayawudi wo vamutumbye Chilisito kuta, manyi muleche kwinjila likumbi kota fyotsili ntsovelo tsa Musa simufuluche mwanuchile wukuluso. 2Lulongwa ulo lukaditaje Pawulo na Balinaba vasumane na vayawo. Ihyo vakavahagulaje Pawulo na Balinaba hamwe na vanu vanji va kuhuma ku Andiyochiya wo vamutumbye Yesu, vabite ku Yelusalemu kwa vatumi na vavina kwasawuli ya kuvawutsa lulongwa ulo. 3Ihyo lujendo ulo vakatangwaje na chikundi cha vanya litumbilo lya Chilisito cha ku Andiyochiya nawo vakavalagaje, na hovavaga vanlutila ku Foyiniche na ku Samaliya vakavalonjelaje vanu hila vanu wosi Vayawudi fyo vamupituchilye Mulungu. Ndongwa tsino tsikaletaje wusangalo wukomi kwa chikundi cha Chilisito. 4Hovavaga kufika ku Yelusalemu vakalibulitswaje na chikundi cha vanya litumbilo lya Chilisito na vatumi na vavina. Iho Pawulo na Balinaba vakavalonjelaje chila chinu cho avaga adisile Mulungu kukolela kwa vene. 5Lechelelo Vafwalisayo vamwe wo vanya litumbilo lya Chilisito, vakimaje na kulonga, “Iwo vanu wosi Vayawudi van'ganika kwingitswa likumbi na kudahitswa ili vagadite malajitso ga Musa.”
6Duve Vatumi na vavina vawo vakakong'anaje kulongana lulongwa ulo. 7Hovavaga kulongana kwa luvala lutali, Simoni yo achemwaga Petulo akimaje na kulonga, “Nye vang'olotsangu, henye mun'tsela kuta iho hamutalo Mulungu anyagwe ili mbikule Ndongwa Nofu kwa vanu wosi Vayawudi vavetse kuhulika na vamutumbe Mulungu. 8Mulungu yo atsitselaga numbula tsa vanu, alaje kuta anguvadichila kwa kuvapela Muhe vake kota fyo atupelye hetwe. 9Mulungu siadisile wubagulo wowuve hagati hetu na vene, ila avahulumye ndongwa tsawo ntsibi kwasawuli vamutumbye Chilisito. 10Ino lelo kwasawuli yachi mun'gana kusumana na Mulungu kwa kuvavichila ndongwa nalamu tso vakukwetu na hetwe tulemilwe kutsidita? 11Muleche kudita ihyo, mun'ganika kutsela kuta tunkuluswa kwa wuwuya wa Mutwa Yesu kota hila vene nawo fyo vakulusiswe.” 12Vanu veka vakakatukaje myee, vakavahulikitsaje Balinaba na Pawulo hovalongaga kuta kukolela kwawo Mulungu avaditye miwujitsa na mitinuso vanu wosi Vayawudi. 13Pawulo na Balinaba hovavaga kusinda kulonga ihyo, Yakobo akalongaje, “Vang'olotsangu munyulikitse! 14Simoni avaga alontsile hila iho hamutalo Mulungu fyo ilaje kwa vanu wosi Vayawudi na kuvahagula vanu vatunga ili vave vanu vake. 15Lulongwa luno lo vanlonga lunakota tsila ndongwa tsa valoli va Mulungu na kota hila Mandiko ga Mulungu fyo ganlonga,
16Hotsikuva tsilutye ndongwa itso nguwuya,
na heni ngutsenga kanji nyumba ya Dawudi yoyigweye,
ngutsenga kaha malungulu gake.
17Iho vanu vanji veka,
vanu wosi Vayawudi na veka wo ntsivahagwe vave vanu vangu,
vamusache Mutwa.
18Ihyo fyo ntsinlonga heni Mutwa,
yo adisile lulongwa ulu lutselaniche kuhuma katali.
19“Yakobo akendelelaje kulonga kuta lelo heni ntsinlamula kuta, tuleche kuvagatsa vanu wosi Vayawudi wo vamupituchilye Mulungu. 20Ihyo tuvandichile baluva ya kuvalonjele kuta, valeche kulya finu fyo fitawulwe nambiko kwa mihoka, na valeche waafu na kulya nyama na kung'wa danda ya nyama tso tsifweye tsene bila kusintswa. 21Kwasawuli luhuma katali malajitso ga Musa gaveye ganvikulwa ha chila muji, na kusomwa mu nyumba tseka tsa kitang'anila Vayawudi ha chila Siku ya Kwesela.”
Baluva kwa vanu wo vamutumbye Chilisito wosi Vayawudi
22Vatumi na filongotsi hamwe na chikundi cha vanu wo vamutumbye Chilisito vakalamulaje kuvahagula vanu vatunga hagati hawo na kuvatuma hamwe na Pawulo na Balinaba vabite ku Andiyochiya. Vakamuhagulaje Yuda yoachemwaga Balisaba hamwe na Sila wo vavaga vavina hagati hawo. 23Vakavapelaje baluva yo yandikwe kuta,
“Hetwe vatumi hamwe na filongotsi, tunguvasamusa henye vang'olotsetu wo mumutumbye Chilisito yo muli ku Andiyochiya, na ku Siliya na ku Chilichiya. 24Tuhuliche kuta kuna vanu vatunga wovahumye kwetu wo vavaga vatsitse kuko na kuvatindilivasa mahotso genyu bila hetwe kuvalagitsa. 25Ihyo tulamwe tweka kuvahagula vanu vatunga na kuvatuma kwenyu ili vatse hamwe na vayetu Balinaba na Pawulo, 26wo vidiche nambe kufwa kwasawuli ya Litawa lya Mutwa vetu Yesu Chilisito. 27Hoihyo tunguvatuma kwenyu Yuda na Sila ili vavalonjele finofu ndongwa tsino tso tuvandichilye. 28Ihyo Muhe va Mulungu na hetwe tulagine kuta tuleche kuvalagitsa ndongwa nalamu kulutila tsino tso tsin'ganika. 29Kuta muleche kulya filyo fyo fitawulwe sadaka kwa misanamu, na kung'wa danda, awu kulya nyama ya linyama lyo sililasintswa, na kahi mulekaje kudita waafu. Manyi mwiviche kutali na ndongwa tsino, mukuva mudisile finofu. Yo hetwe tuvayenyu yo tunguvasamusa.”
30Ihyo vakavalagaje vala wo vavahagwe na kuvapela baluva, nawo vakawukaje kuhuma ku Yelusalemu na kubita ku Andiyochiya. 31Vanu vala hovavaga kwanuchila baluva iyo na kuyisoma, vakasangalalaje ndalahela kwa ndongwa tsila tso tsavakangitse numbula. 32Yuda na Sila wo vavaga valoli, vakavalonjelaje vayawo wo vamutumbye Chilisito ndongwa ntsolofu tsa kuvakangatsa na kuvapela wusangalo. 33Hovavaga kikala kwa luvala lutunga, wo vamutumbye Chilisito va ku Andiyochiya vakavalagaje kwa kuvaganila wusichimafu ili vapiluche kwa wo vatumile. 34Lechelelo Sila akendelelaje kwikala kuko#15:34 Bibiliya tsinji tsilihela musitali guno. 35Pawulo na Balinaba vakasigalaje kuko ku Andiyochiya kwa luvala lutunga hamwe na vanu vanji wolofu, vakadahitsaje hamwe na kuvikula Ndongwa Nofu tsa Mutwa.
Pawulo na Balinaba vantelana
36Hotsavaga kulutila siku nunga, Pawulo akamulonjelaje Balinaba, “Tupiluche tukavalole vanu wo vamutumbye Chilisito wovali ha chila muji go twavavikulye ndongwa tsa Mutwa, tutsele hila fyo vankwendelela,” 37Ihyo Balinaba aganaga vamutegule na Yohana yo achemwaga litawa linji Maliko vabitase hamwe nayo. 38Lechelelo Pawulo akamulonjelaje kuta si finofu ndaya tumutegule na Maliko, kwasawuli iho hamutalo hovavaga ku Pamufiliya Maliko avalesile na kulema kwendelela kukola katsi nawo. 39Ihyo kukahumilaje wusumwano wukomi hagati hawo, nawo vakalekanaje. Balinaba akamutegulaje Maliko vakantsaje lujendo kukolela mubahali kubita ku Chipulo. 40Lechelelo Pawulo akamuhagulaje Sila na kuwuka, kuno vanu wo vamutumbye Chilisito vanguvasuchila wuwuya wa Mutwa. 41Mulujendo ulo Pawulo akakolelaje ku Siliya na ku Chilichiya, akachikangatsaje chikundi cha vanya litumbilo lya Chilisito kuta valeche kumuleka Mutwa Yesu.
Právě zvoleno:
Ng’olwa 15: SBV
Zvýraznění
Sdílet
Porovnat
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament in Sagala Language @The Word for The World International and Sagala Language translation. All rights reserved.
Ng’olwa 15
15
Vatumi na vavina vawo vangitang'ana ku Yelusalemu
1Ihyo vanu vatunga vakikaje kuhuma ku Yudeya vakabitaje ku Andiyochiya, nawo vakantsaje kuvadahitsa vanu wosi Vayawudi wo vamutumbye Chilisito kuta, manyi muleche kwinjila likumbi kota fyotsili ntsovelo tsa Musa simufuluche mwanuchile wukuluso. 2Lulongwa ulo lukaditaje Pawulo na Balinaba vasumane na vayawo. Ihyo vakavahagulaje Pawulo na Balinaba hamwe na vanu vanji va kuhuma ku Andiyochiya wo vamutumbye Yesu, vabite ku Yelusalemu kwa vatumi na vavina kwasawuli ya kuvawutsa lulongwa ulo. 3Ihyo lujendo ulo vakatangwaje na chikundi cha vanya litumbilo lya Chilisito cha ku Andiyochiya nawo vakavalagaje, na hovavaga vanlutila ku Foyiniche na ku Samaliya vakavalonjelaje vanu hila vanu wosi Vayawudi fyo vamupituchilye Mulungu. Ndongwa tsino tsikaletaje wusangalo wukomi kwa chikundi cha Chilisito. 4Hovavaga kufika ku Yelusalemu vakalibulitswaje na chikundi cha vanya litumbilo lya Chilisito na vatumi na vavina. Iho Pawulo na Balinaba vakavalonjelaje chila chinu cho avaga adisile Mulungu kukolela kwa vene. 5Lechelelo Vafwalisayo vamwe wo vanya litumbilo lya Chilisito, vakimaje na kulonga, “Iwo vanu wosi Vayawudi van'ganika kwingitswa likumbi na kudahitswa ili vagadite malajitso ga Musa.”
6Duve Vatumi na vavina vawo vakakong'anaje kulongana lulongwa ulo. 7Hovavaga kulongana kwa luvala lutali, Simoni yo achemwaga Petulo akimaje na kulonga, “Nye vang'olotsangu, henye mun'tsela kuta iho hamutalo Mulungu anyagwe ili mbikule Ndongwa Nofu kwa vanu wosi Vayawudi vavetse kuhulika na vamutumbe Mulungu. 8Mulungu yo atsitselaga numbula tsa vanu, alaje kuta anguvadichila kwa kuvapela Muhe vake kota fyo atupelye hetwe. 9Mulungu siadisile wubagulo wowuve hagati hetu na vene, ila avahulumye ndongwa tsawo ntsibi kwasawuli vamutumbye Chilisito. 10Ino lelo kwasawuli yachi mun'gana kusumana na Mulungu kwa kuvavichila ndongwa nalamu tso vakukwetu na hetwe tulemilwe kutsidita? 11Muleche kudita ihyo, mun'ganika kutsela kuta tunkuluswa kwa wuwuya wa Mutwa Yesu kota hila vene nawo fyo vakulusiswe.” 12Vanu veka vakakatukaje myee, vakavahulikitsaje Balinaba na Pawulo hovalongaga kuta kukolela kwawo Mulungu avaditye miwujitsa na mitinuso vanu wosi Vayawudi. 13Pawulo na Balinaba hovavaga kusinda kulonga ihyo, Yakobo akalongaje, “Vang'olotsangu munyulikitse! 14Simoni avaga alontsile hila iho hamutalo Mulungu fyo ilaje kwa vanu wosi Vayawudi na kuvahagula vanu vatunga ili vave vanu vake. 15Lulongwa luno lo vanlonga lunakota tsila ndongwa tsa valoli va Mulungu na kota hila Mandiko ga Mulungu fyo ganlonga,
16Hotsikuva tsilutye ndongwa itso nguwuya,
na heni ngutsenga kanji nyumba ya Dawudi yoyigweye,
ngutsenga kaha malungulu gake.
17Iho vanu vanji veka,
vanu wosi Vayawudi na veka wo ntsivahagwe vave vanu vangu,
vamusache Mutwa.
18Ihyo fyo ntsinlonga heni Mutwa,
yo adisile lulongwa ulu lutselaniche kuhuma katali.
19“Yakobo akendelelaje kulonga kuta lelo heni ntsinlamula kuta, tuleche kuvagatsa vanu wosi Vayawudi wo vamupituchilye Mulungu. 20Ihyo tuvandichile baluva ya kuvalonjele kuta, valeche kulya finu fyo fitawulwe nambiko kwa mihoka, na valeche waafu na kulya nyama na kung'wa danda ya nyama tso tsifweye tsene bila kusintswa. 21Kwasawuli luhuma katali malajitso ga Musa gaveye ganvikulwa ha chila muji, na kusomwa mu nyumba tseka tsa kitang'anila Vayawudi ha chila Siku ya Kwesela.”
Baluva kwa vanu wo vamutumbye Chilisito wosi Vayawudi
22Vatumi na filongotsi hamwe na chikundi cha vanu wo vamutumbye Chilisito vakalamulaje kuvahagula vanu vatunga hagati hawo na kuvatuma hamwe na Pawulo na Balinaba vabite ku Andiyochiya. Vakamuhagulaje Yuda yoachemwaga Balisaba hamwe na Sila wo vavaga vavina hagati hawo. 23Vakavapelaje baluva yo yandikwe kuta,
“Hetwe vatumi hamwe na filongotsi, tunguvasamusa henye vang'olotsetu wo mumutumbye Chilisito yo muli ku Andiyochiya, na ku Siliya na ku Chilichiya. 24Tuhuliche kuta kuna vanu vatunga wovahumye kwetu wo vavaga vatsitse kuko na kuvatindilivasa mahotso genyu bila hetwe kuvalagitsa. 25Ihyo tulamwe tweka kuvahagula vanu vatunga na kuvatuma kwenyu ili vatse hamwe na vayetu Balinaba na Pawulo, 26wo vidiche nambe kufwa kwasawuli ya Litawa lya Mutwa vetu Yesu Chilisito. 27Hoihyo tunguvatuma kwenyu Yuda na Sila ili vavalonjele finofu ndongwa tsino tso tuvandichilye. 28Ihyo Muhe va Mulungu na hetwe tulagine kuta tuleche kuvalagitsa ndongwa nalamu kulutila tsino tso tsin'ganika. 29Kuta muleche kulya filyo fyo fitawulwe sadaka kwa misanamu, na kung'wa danda, awu kulya nyama ya linyama lyo sililasintswa, na kahi mulekaje kudita waafu. Manyi mwiviche kutali na ndongwa tsino, mukuva mudisile finofu. Yo hetwe tuvayenyu yo tunguvasamusa.”
30Ihyo vakavalagaje vala wo vavahagwe na kuvapela baluva, nawo vakawukaje kuhuma ku Yelusalemu na kubita ku Andiyochiya. 31Vanu vala hovavaga kwanuchila baluva iyo na kuyisoma, vakasangalalaje ndalahela kwa ndongwa tsila tso tsavakangitse numbula. 32Yuda na Sila wo vavaga valoli, vakavalonjelaje vayawo wo vamutumbye Chilisito ndongwa ntsolofu tsa kuvakangatsa na kuvapela wusangalo. 33Hovavaga kikala kwa luvala lutunga, wo vamutumbye Chilisito va ku Andiyochiya vakavalagaje kwa kuvaganila wusichimafu ili vapiluche kwa wo vatumile. 34Lechelelo Sila akendelelaje kwikala kuko#15:34 Bibiliya tsinji tsilihela musitali guno. 35Pawulo na Balinaba vakasigalaje kuko ku Andiyochiya kwa luvala lutunga hamwe na vanu vanji wolofu, vakadahitsaje hamwe na kuvikula Ndongwa Nofu tsa Mutwa.
Pawulo na Balinaba vantelana
36Hotsavaga kulutila siku nunga, Pawulo akamulonjelaje Balinaba, “Tupiluche tukavalole vanu wo vamutumbye Chilisito wovali ha chila muji go twavavikulye ndongwa tsa Mutwa, tutsele hila fyo vankwendelela,” 37Ihyo Balinaba aganaga vamutegule na Yohana yo achemwaga litawa linji Maliko vabitase hamwe nayo. 38Lechelelo Pawulo akamulonjelaje kuta si finofu ndaya tumutegule na Maliko, kwasawuli iho hamutalo hovavaga ku Pamufiliya Maliko avalesile na kulema kwendelela kukola katsi nawo. 39Ihyo kukahumilaje wusumwano wukomi hagati hawo, nawo vakalekanaje. Balinaba akamutegulaje Maliko vakantsaje lujendo kukolela mubahali kubita ku Chipulo. 40Lechelelo Pawulo akamuhagulaje Sila na kuwuka, kuno vanu wo vamutumbye Chilisito vanguvasuchila wuwuya wa Mutwa. 41Mulujendo ulo Pawulo akakolelaje ku Siliya na ku Chilichiya, akachikangatsaje chikundi cha vanya litumbilo lya Chilisito kuta valeche kumuleka Mutwa Yesu.
Právě zvoleno:
:
Zvýraznění
Sdílet
Porovnat
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
The New Testament in Sagala Language @The Word for The World International and Sagala Language translation. All rights reserved.