Pe eya 9
9
Dok ke wak tuli ne Nuhu
1Dok é wak busu Nuhu ma ne na vya ma pal, jan nama go: «Tó me ta se, zuli me ta se la̰y, wi me suwar me. 2Kavaar ge daage pet ge ne suwar pal ma, ne njoole ma, ne kaŋ ge daage pet ge ne kḛ ne suwar zi, ne sii ma pet, a mbo ka sya aŋ vo ne ndatɗa, mbi ho̰ nama aŋ. 3Kaŋ ge ne an, ge ne o̰y ma pet, a mbo gá aŋ kaŋzam. Mbi ho̰ aŋ nama dimma ne mbi dḛ ne ho̰ aŋ kaŋ kogor ma go. 4Amma aŋ mbo zam duur ge ne ndwara ne na zi, ndwara go, duur ge ne na swama to bat#Lev 7:26-27, 17:10-14, Dwa 12:16,23, 15:23.. 5Uwale, swama ge aŋ ne, a ndwara ge aŋ ne ne. Ago, ko kavaar, ko ndu dasana ge daage pet ge ne hun ndu dasana ya, mbi mbo ele na swama ge na tok go.
6Ndu ge ne mbo kan ndu dasana swama ya se,
ndu dasana mbo kan na swama se me.
Ago, Dok ke ndu dasana kḭḭm ge na ne zi.
7Aŋ ɗe, tó me ta se,
zuli me ta se la̰y,
ha me ɓase suwar pal,
zuli me se la̰y na pal.»
8Uwale, Dok gwan jan Nuhu ma ne na vya ma go: 9«Mbi ke wak tuli ne aŋ, ne aŋ vya ma, ne aŋ vya kon ma, 10poseya ne kaŋ ge daage pet ge ne o̰y ge ne go dagre ne aŋ ma: njoole ma, ne kavaar ge daage pet ge ne suwar pal, ge ne wa ne fak ga̰l zi ya zum ge ne mbo katɗa suwar pal ma. 11Mbi ke wak tuli ne aŋ, ne gá ne zḛ no, mbi mbo gwan burmi kaŋ ge daage pet ge ne o̰y uzi ne mam yḛreya to bat, mam yḛreya ge burmi suwar uzi mbo gwan ke to bat.» 12Uwale, Dok gwan jan go: «Ndi kaŋ ŋgayya ge ne ŋgay wak tuli ge mbi ne ke ne aŋ, poseya ne kaŋ ge daage pet ge ne o̰y ge ne go dagre ne aŋ, ɗiŋ doŋ pe ma ne doŋ pe ma no. 13Mbi é mbi bakḭ ya pḭr digi, mbo kat kaŋ ŋgayya ge mbi wak tuli ne, i ne suwar buwal zi. 14Swaga ge pḭr ma pala ne mbo kote ja swaga ge ɗu go, bakḭ kaŋgre tene pḭr digi ɗe, 15mbi mbo dwat ne wak tuli ge mbi ne ke ne aŋ, poseya ne kavaar ge daage pet me, mam yḛreya mbo gwan mbo ya burmi kaŋ ge daage ge ne o̰y uzi to bat. 16Swaga ge mbi ne mbo kwar bakḭ ya kaŋgreya pḭr digi ɗe, mbi mbo dwat ne wak tuli ge ɗiŋnedin ge mbi ne ke ne kaŋ ge daage pet ge ne o̰y ne suwar pal.» 17Dok jan Nuhu go: «No a kaŋ ŋgayya ge ne ŋgay wak tuli ge mbi ne ke ne kaŋ ge daage pet ge o̰y ne suwar pal ne.»
Nuhu ma ne na vya ma fare
18Nuhu vya ge a ne nama ne ka̰ bama koo ne fak ga̰l zi ya ma: Sem, Cham ne Jafet. Cham Kanan bá ne. 19Da ne Nuhu vya ge ataa mbe ma no ta, naa dasare se suwar pal no pet.
20Nuhu e pe gar kaŋ, ɗḭ oyo̰r. 21Na sḛ njot oyo̰r jiya̰l, fere, ya̰ tene suli na gur zi. 22Cham ge Kanan bá, kwa suli ge na bá ne, mbo wan na ná vya ge azi ma na pe zum ya. 23Swaga mbe go no, Sem ma ne Jafet a abe ba̰r, a kan na bama ganwak pal, a ka tit ya ne bama go̰r ɗiŋ a mbo ya lar suli ge bama bá ne. Ne jo̰ nama ndwara saŋge uzi ya, a be kwa suli ge bama bá ne to. 24Swaga ge oyo̰r-jiya̰l ne á ne Nuhu ndwara zi go ɗe, za̰ fare ge na vya ge jyale ne ke ne na, 25jan go:
«Wak vḛneya ka Kanan pal!
Na gá na ná vya ma mo̰r ma pe!»
26Jan go uwale:
«Uwareya hon Bage ɗiŋnedin,
Dok ge Sem ne!
Kanan ka na mo̰r!
27Ya̰ Dok na ke Jafet kwaɗa!
Na ka gur ge Sem ne zi,
Kanan ka nama mo̰r!»
28Go̰r ge mam yḛreya ne go, Nuhu gwan ke ta del kikis ataa para wara anuwa̰y. 29Nuhu ke del kikis lamaɗo para wara anuwa̰y ɗage suya no.
Právě zvoleno:
Pe eya 9: FGN2013
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
La Bible en langue Kim © Alliance Biblique du Tchad, 2013.
Pe eya 9
9
Dok ke wak tuli ne Nuhu
1Dok é wak busu Nuhu ma ne na vya ma pal, jan nama go: «Tó me ta se, zuli me ta se la̰y, wi me suwar me. 2Kavaar ge daage pet ge ne suwar pal ma, ne njoole ma, ne kaŋ ge daage pet ge ne kḛ ne suwar zi, ne sii ma pet, a mbo ka sya aŋ vo ne ndatɗa, mbi ho̰ nama aŋ. 3Kaŋ ge ne an, ge ne o̰y ma pet, a mbo gá aŋ kaŋzam. Mbi ho̰ aŋ nama dimma ne mbi dḛ ne ho̰ aŋ kaŋ kogor ma go. 4Amma aŋ mbo zam duur ge ne ndwara ne na zi, ndwara go, duur ge ne na swama to bat#Lev 7:26-27, 17:10-14, Dwa 12:16,23, 15:23.. 5Uwale, swama ge aŋ ne, a ndwara ge aŋ ne ne. Ago, ko kavaar, ko ndu dasana ge daage pet ge ne hun ndu dasana ya, mbi mbo ele na swama ge na tok go.
6Ndu ge ne mbo kan ndu dasana swama ya se,
ndu dasana mbo kan na swama se me.
Ago, Dok ke ndu dasana kḭḭm ge na ne zi.
7Aŋ ɗe, tó me ta se,
zuli me ta se la̰y,
ha me ɓase suwar pal,
zuli me se la̰y na pal.»
8Uwale, Dok gwan jan Nuhu ma ne na vya ma go: 9«Mbi ke wak tuli ne aŋ, ne aŋ vya ma, ne aŋ vya kon ma, 10poseya ne kaŋ ge daage pet ge ne o̰y ge ne go dagre ne aŋ ma: njoole ma, ne kavaar ge daage pet ge ne suwar pal, ge ne wa ne fak ga̰l zi ya zum ge ne mbo katɗa suwar pal ma. 11Mbi ke wak tuli ne aŋ, ne gá ne zḛ no, mbi mbo gwan burmi kaŋ ge daage pet ge ne o̰y uzi ne mam yḛreya to bat, mam yḛreya ge burmi suwar uzi mbo gwan ke to bat.» 12Uwale, Dok gwan jan go: «Ndi kaŋ ŋgayya ge ne ŋgay wak tuli ge mbi ne ke ne aŋ, poseya ne kaŋ ge daage pet ge ne o̰y ge ne go dagre ne aŋ, ɗiŋ doŋ pe ma ne doŋ pe ma no. 13Mbi é mbi bakḭ ya pḭr digi, mbo kat kaŋ ŋgayya ge mbi wak tuli ne, i ne suwar buwal zi. 14Swaga ge pḭr ma pala ne mbo kote ja swaga ge ɗu go, bakḭ kaŋgre tene pḭr digi ɗe, 15mbi mbo dwat ne wak tuli ge mbi ne ke ne aŋ, poseya ne kavaar ge daage pet me, mam yḛreya mbo gwan mbo ya burmi kaŋ ge daage ge ne o̰y uzi to bat. 16Swaga ge mbi ne mbo kwar bakḭ ya kaŋgreya pḭr digi ɗe, mbi mbo dwat ne wak tuli ge ɗiŋnedin ge mbi ne ke ne kaŋ ge daage pet ge ne o̰y ne suwar pal.» 17Dok jan Nuhu go: «No a kaŋ ŋgayya ge ne ŋgay wak tuli ge mbi ne ke ne kaŋ ge daage pet ge o̰y ne suwar pal ne.»
Nuhu ma ne na vya ma fare
18Nuhu vya ge a ne nama ne ka̰ bama koo ne fak ga̰l zi ya ma: Sem, Cham ne Jafet. Cham Kanan bá ne. 19Da ne Nuhu vya ge ataa mbe ma no ta, naa dasare se suwar pal no pet.
20Nuhu e pe gar kaŋ, ɗḭ oyo̰r. 21Na sḛ njot oyo̰r jiya̰l, fere, ya̰ tene suli na gur zi. 22Cham ge Kanan bá, kwa suli ge na bá ne, mbo wan na ná vya ge azi ma na pe zum ya. 23Swaga mbe go no, Sem ma ne Jafet a abe ba̰r, a kan na bama ganwak pal, a ka tit ya ne bama go̰r ɗiŋ a mbo ya lar suli ge bama bá ne. Ne jo̰ nama ndwara saŋge uzi ya, a be kwa suli ge bama bá ne to. 24Swaga ge oyo̰r-jiya̰l ne á ne Nuhu ndwara zi go ɗe, za̰ fare ge na vya ge jyale ne ke ne na, 25jan go:
«Wak vḛneya ka Kanan pal!
Na gá na ná vya ma mo̰r ma pe!»
26Jan go uwale:
«Uwareya hon Bage ɗiŋnedin,
Dok ge Sem ne!
Kanan ka na mo̰r!
27Ya̰ Dok na ke Jafet kwaɗa!
Na ka gur ge Sem ne zi,
Kanan ka nama mo̰r!»
28Go̰r ge mam yḛreya ne go, Nuhu gwan ke ta del kikis ataa para wara anuwa̰y. 29Nuhu ke del kikis lamaɗo para wara anuwa̰y ɗage suya no.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
La Bible en langue Kim © Alliance Biblique du Tchad, 2013.