TƏŊMORFANNE 15
15
Masǝŋ gbǝ zah ne Abram
1Fahfal ɓǝ mai mo joŋ, Dǝɓlii ge faa ɓǝ wo Abram ne fakwan faa: Abram, mo ɗuu gal ka, me ga byak mo wo fan ma gaɓ mo daŋ, mo ga lwaa soo ɓo pǝ'manne. 2Abram zyii faa: Dǝɓlii Masǝŋ, mo ga nyi fẽe nyi me ne? Mor me yah kal soɓ sǝr bai welle. Eliezar ma yaŋ Damaskus ye ga re yaŋ ɓe. 3Abram so faa: Mo ẽe ɗǝ, mo nyi we nyi me ya, byak vaŋno kǝsyil za ma piicel ɓe ye yah ga ren yaŋ ɓe. 4So Dǝɓlii faa nyi ko: Dǝɓ ah ye ka ga re yaŋ ɓo ya, amma we mai mo ga byaŋ ne suu ɓo ye ga re yaŋ ɓo. 5So pǝ̃ǝ ge lal ne ki faa: Mo ɓaŋ nahnǝn ẽe cok ge sǝŋ ka mo kee ŋwǝǝmǝŋgai, moo gak kee no ɓe ko. Morsǝ̃ǝ ɓo ga yea nai ta.#Ro 4:18; Yahu 11:12 6Abram gbǝ ɓǝ Dǝɓlii, so Dǝɓlii kwo ko na dǝɓ matǝ njaŋ mor ɓǝ ahe.#Ro 4:3; Gal 3:6; Yak 2:23
7So faa nyi ko: Ame ye Dǝɓlii mai me pǝ̃ǝ ne mo gin Ur sǝr Babilon mor ka me nyi sǝr mai nyi mo ka renne. 8Abram zyii faa: Dǝɓlii Masǝŋ, me gak tǝ ɗii me ga re sǝr ah ne? 9Zyii faa nyi ko: Mo kyeɓ we dǝǝ matam mo joŋ syii ɓo sai, ne sǝgwii matam mo joŋ syii ɓo sai tǝkine we kǝbǝr ma joŋ syii tǝ sai ne matǝvaa vaŋno ne we matǝvaawandala vaŋno ta. 10Abram kyeɓ fan mai ge ne daŋ, ge ɓǝl ra kǝsyil gwa gwa, woo ra jin nyi ki, amma ɓǝl juu ah ra ya. 11Juu ma ren nǝǝ a cwǝǝra gin tǝ wul ahe, amma Abram a nĩi ra gin gŋ.
12Ne cok ka com yah dan o, nǝm ge tǝ nǝn Abram pǝyǝkki, gal cokfuu tǝ ren ko ta.#Joɓ 4:13,14 13Dǝɓlii faa nyi ko: Mo tǝ njaŋ, wee ɓǝr ɓo ga yeara na mowoo pǝ sǝr mai mo sǝr ɓǝǝ ye ka. A ga yeara gŋ na byakke, a ga cuura syak nyi ra syii temere nai.#Pǝ̃ǝ 1:1-14; Yeɓ 7:6 14Amma me ga ŋgoŋ kiita tǝ za mai moo ga cuura syak nyi ra. Fahfal ah a ga pǝ̃ǝra gin gŋ ne joŋ pǝlli.#Pǝ̃ǝ 12:40-41; Yeɓ 7:7 15Amma ma ɓo mo ga nǝn wo sǝr pǝlli ko mo ga wǝ ba, so a ga ciira mo jam. 16Amma ne zahŋhǝǝtǝ̃ǝ patǝ nai ah wee ɓǝr ɓo ga pii soora ge nyeeno, mor ne cok ɓǝɓe' Amorien mo joŋ pǝ'man ɓe, me ga nĩi ra ga lalle.
17Ne cok com mo danne, ka cok foo pǝlli ɓe, suŋwii ma tǝǝ pǝ tahsah ne paŋwii ge pǝ̃ǝra kǝsyil nǝǝ mai mo ɓǝl ɓo. 18Com moo Dǝɓlii gbǝ zah ne Abram faa: Me nyi sǝr mai ɓo nyi morsǝ̃ǝ ɓo, tǝŋ gin el Egiɓ ŋhaa dai el malii ma ɗii ne Efrat:#Yeɓ 7:5 19sǝr Kenien, Kenisien, Kadmonien, 20Hetien, Perisien, Refaimien, 21Amorien, Kanaanien, Girgasien tǝkine Jebusien daŋ.
Právě zvoleno:
TƏŊMORFANNE 15: MUAR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Moundang © Alliance Biblique du Tchad, 1996.
TƏŊMORFANNE 15
15
Masǝŋ gbǝ zah ne Abram
1Fahfal ɓǝ mai mo joŋ, Dǝɓlii ge faa ɓǝ wo Abram ne fakwan faa: Abram, mo ɗuu gal ka, me ga byak mo wo fan ma gaɓ mo daŋ, mo ga lwaa soo ɓo pǝ'manne. 2Abram zyii faa: Dǝɓlii Masǝŋ, mo ga nyi fẽe nyi me ne? Mor me yah kal soɓ sǝr bai welle. Eliezar ma yaŋ Damaskus ye ga re yaŋ ɓe. 3Abram so faa: Mo ẽe ɗǝ, mo nyi we nyi me ya, byak vaŋno kǝsyil za ma piicel ɓe ye yah ga ren yaŋ ɓe. 4So Dǝɓlii faa nyi ko: Dǝɓ ah ye ka ga re yaŋ ɓo ya, amma we mai mo ga byaŋ ne suu ɓo ye ga re yaŋ ɓo. 5So pǝ̃ǝ ge lal ne ki faa: Mo ɓaŋ nahnǝn ẽe cok ge sǝŋ ka mo kee ŋwǝǝmǝŋgai, moo gak kee no ɓe ko. Morsǝ̃ǝ ɓo ga yea nai ta.#Ro 4:18; Yahu 11:12 6Abram gbǝ ɓǝ Dǝɓlii, so Dǝɓlii kwo ko na dǝɓ matǝ njaŋ mor ɓǝ ahe.#Ro 4:3; Gal 3:6; Yak 2:23
7So faa nyi ko: Ame ye Dǝɓlii mai me pǝ̃ǝ ne mo gin Ur sǝr Babilon mor ka me nyi sǝr mai nyi mo ka renne. 8Abram zyii faa: Dǝɓlii Masǝŋ, me gak tǝ ɗii me ga re sǝr ah ne? 9Zyii faa nyi ko: Mo kyeɓ we dǝǝ matam mo joŋ syii ɓo sai, ne sǝgwii matam mo joŋ syii ɓo sai tǝkine we kǝbǝr ma joŋ syii tǝ sai ne matǝvaa vaŋno ne we matǝvaawandala vaŋno ta. 10Abram kyeɓ fan mai ge ne daŋ, ge ɓǝl ra kǝsyil gwa gwa, woo ra jin nyi ki, amma ɓǝl juu ah ra ya. 11Juu ma ren nǝǝ a cwǝǝra gin tǝ wul ahe, amma Abram a nĩi ra gin gŋ.
12Ne cok ka com yah dan o, nǝm ge tǝ nǝn Abram pǝyǝkki, gal cokfuu tǝ ren ko ta.#Joɓ 4:13,14 13Dǝɓlii faa nyi ko: Mo tǝ njaŋ, wee ɓǝr ɓo ga yeara na mowoo pǝ sǝr mai mo sǝr ɓǝǝ ye ka. A ga yeara gŋ na byakke, a ga cuura syak nyi ra syii temere nai.#Pǝ̃ǝ 1:1-14; Yeɓ 7:6 14Amma me ga ŋgoŋ kiita tǝ za mai moo ga cuura syak nyi ra. Fahfal ah a ga pǝ̃ǝra gin gŋ ne joŋ pǝlli.#Pǝ̃ǝ 12:40-41; Yeɓ 7:7 15Amma ma ɓo mo ga nǝn wo sǝr pǝlli ko mo ga wǝ ba, so a ga ciira mo jam. 16Amma ne zahŋhǝǝtǝ̃ǝ patǝ nai ah wee ɓǝr ɓo ga pii soora ge nyeeno, mor ne cok ɓǝɓe' Amorien mo joŋ pǝ'man ɓe, me ga nĩi ra ga lalle.
17Ne cok com mo danne, ka cok foo pǝlli ɓe, suŋwii ma tǝǝ pǝ tahsah ne paŋwii ge pǝ̃ǝra kǝsyil nǝǝ mai mo ɓǝl ɓo. 18Com moo Dǝɓlii gbǝ zah ne Abram faa: Me nyi sǝr mai ɓo nyi morsǝ̃ǝ ɓo, tǝŋ gin el Egiɓ ŋhaa dai el malii ma ɗii ne Efrat:#Yeɓ 7:5 19sǝr Kenien, Kenisien, Kadmonien, 20Hetien, Perisien, Refaimien, 21Amorien, Kanaanien, Girgasien tǝkine Jebusien daŋ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Moundang © Alliance Biblique du Tchad, 1996.