Adnodau Beiblaidd Poblogaidd o Luc 14

Rhanna

“Os ydy rhywun am fy nilyn i, rhaid i mi ddod o flaen popeth arall yn ei fywyd. Rhaid i’w gariad ata i wneud i bob perthynas arall edrych fel casineb! – ei dad a’i fam, ei wraig a’i blant, ei frodyr a’i chwiorydd – ie, hyd yn oed bywyd ei hun! Neu all e ddim bod yn ddisgybl i mi.

A does neb yn gallu bod yn ddisgybl i mi chwaith heb gario ei groes a cherdded yr un llwybr o hunanaberth.

Bydd Duw yn torri crib pobl falch, ac yn anrhydeddu’r rhai gostyngedig.”

Dych chi yn yr un sefyllfa. All neb fod yn ddisgybl i mi heb roi heibio popeth arall er mwyn fy nilyn i.

“Does neb yn mynd ati i adeiladu adeilad mawr heb eistedd i lawr yn gyntaf i amcangyfri’r gost a gwneud yn siŵr fod ganddo ddigon o arian i orffen y gwaith. Does dim pwynt iddo fynd ati i osod y sylfeini ac wedyn darganfod ei fod yn methu ei orffen. Byddai pawb yn gwneud hwyl ar ei ben, ac yn dweud ‘Edrychwch, dyna’r dyn ddechreuodd y gwaith ar yr adeilad acw a methu ei orffen!’

Dyma beth ddylet ti ei wneud: Pan fyddi di’n trefnu gwledd, rho wahoddiad i bobl dlawd, methedig, cloff a dall, a byddi di’n cael dy fendithio. Dydyn nhw ddim yn gallu talu’n ôl i ti, ond byddi’n cael dy dâl pan fydd y rhai sydd â pherthynas iawn gyda Duw yn codi yn ôl yn fyw.”

“Mae halen yn ddefnyddiol, ond pan mae’n colli ei flas pa obaith sydd i’w wneud yn hallt eto? Dydy e’n gwneud dim lles i’r pridd nac i’r domen dail; rhaid ei daflu i ffwrdd. “Gwrandwch yn ofalus os dych chi’n awyddus i ddysgu!”