Adnodau Beiblaidd Poblogaidd o Yohana 14

Rhanna

M gwa nye anga a tswa adgye. A adgye mam a m ti no nye anga, m no m nye nó anga abu zǝnchaje no nye anga ra. Nye e tsen nye tsuruku ra ngge nye e tsen nye etsentsen ra.

Yeso è janfwe ye, “A me ma efǝ hon ngge ebi hon ngge nya hon. Nobǝ akan bwa a ti ye a zǝn Àtà hon ra, kpwà tén adi efka mam.

Yeso è jan be etsonchi mbwe jan, “Nye e tsen nye tsuruku ra. Nye e no e kpwà adi shwa enyim a chu Ehwya, nye e nyishwa a chu m gaten.

Tea Ejanjwa, Engǝ́ Echanwenwen hon, nwene a Àtà hon tson a bwa adi ti mam ángá, a tú nye n ka a ben a gu nye be mò a m̀ jan nye ángá.

Egwa egwa e cha be edon etwam mam n tse be anga, a nwene e dgyan m anga. Ende nwene e dgyan m anga, Àtà m a dgyan ye gaten, a me gaten ma dgyan ye, ma fi a tú ye ende a m no ángá.”

Efwe ma bgó Àtà hon, ga no nye Ejanjwa efki nwene a no anga ngge nye. Ejanjwa hon ena, a ende e tú bwi mò e no ebi anga. Zǝnchaje chà a yi ye ye ra, adia ge diyi ye ye ra, n yi ye ye ra. Tea nye yi ye adia ge no anga ngge nye asuswana. Beti bishi ge bwa a no a tsuruku mo nye.

Bgó mò e no engǝ ra adi ti mam, ma bwe nye nó, evǝa be nobǝ be e di egǝ̀n mo Ehwya a chu be mò a Nwen hon bwe anga. Bgó mò e no engǝ ra adi ti mam, ma bwe nye nó.

“Ano nye dgyan m, nya tse be edon mam.

A mbwe Àtà m be àtá no embo, ge è ma no ye enò ra, mà a jan ara nye jan m nyaken evǝa me e bwe e se zǝn e nyi nye.

Ngge ano m ken bwese zǝn nyi ara nye, m twabǝ a bwa a kpu nye ken a no ngge me, abu nye e no adi zǝn a m no anga gaten.

Toma è ká ye eka jan, “É yé, Etsodwe, je yi je zǝn a o nyaken ángá ra, enona, bwe engǝ ja yi efǝ hon?”