Adnodau Beiblaidd Poblogaidd o San Mateo 24

Rhanna

Cˀia⁴ nca³ coan⁴ncjin²ya³ cjoa⁴tsˀen⁴, je² cjoa⁴tjao²cha³-le⁴ ncjin² cho⁴ta⁴ sa⁴te¹nchˀan¹jin³. Je² xi³ jcho¹cjoa⁴-le⁴ sa³ˀnta³ nca³ cjoe⁴tˀa³-ni³, je²-vi⁴ coi⁴tjo³ntjai².

Cˀoa⁴ je² en¹nta³ xi³ tˀa³tsˀe⁴ je² cjoa⁴te¹xo³ma³-le⁴ ncˀa³jmi³ coi⁴no²cjoa⁴ya³-ni³ nca³qui³jnta² son³ˀnte³, nca³ si⁴²qui²xi⁴ya³nta³-le⁴ nca³tsˀi³ na⁴xi⁴na³nta¹. Cˀia⁴ cjoa⁴ˀai¹ xi³ cjoe⁴tˀa³.

Coi⁴no¹ˀya²-lao⁴³ tˀa³tsˀe⁴ cjoa⁴jchan¹, cˀoa⁴ en¹ xi³ cˀoa¹mjen³ tˀa³tsˀe⁴ cjoa⁴jchan¹. Ti⁴coi²ntao⁴³ yao³-no³, a³li² vi³yo³xcon¹-jion²³. Ma³chjen¹ nca³ cˀoa⁴coan⁴ nca³yi³je³ je² cjoa⁴-vi⁴, to⁴nca³ cje³ fe³tˀa³-jin².

Coi⁴so¹tjen⁴ne² na⁴xi⁴na³nta¹ co²ntran⁴-le⁴ xi³ cja⁴ˀai¹ na⁴xi⁴na³nta¹, cˀoa⁴ cjoa⁴te¹xo³ma³ coi⁴so¹tjen⁴ne² xi³ cja⁴ˀai¹ cjoa⁴te¹xo³ma³. Sˀe⁴ chˀin³, cˀoa⁴ sˀe⁴ cji³nčha¹, cˀoa⁴ chaon¹ cjoa⁴ˀa³ ncjin² ˀnte³. Nca³yi³je³ je² cjoa⁴-vi⁴ to⁴vˀe¹tsˀia⁴ cjoa⁴ñˀain³.

Ncˀa³jmi³ cao⁴ son³ˀnte³ cjoe⁴tˀa³-ni³, to⁴nca³ je² en¹-na⁴ li²coi³ cjoe⁴tˀa³.

Ncjin² xi³ cjoa⁴ˀai¹ xi³ jan³ˀain¹-na⁴ yˀa³, xi³ cˀoa⁴coi⁴tso⁴: An³ nia¹³ Cristo, cˀoa⁴ ncjin² xi³ cˀoa⁴na⁴cha⁴-le⁴.

Cˀia⁴ sca⁴ni²tˀa³-no³ nca³ cˀoa⁴-sˀin² si⁴²cja³ˀa¹-no³ cjoa⁴ñˀain³, si⁴²cˀen³-no³, chˀao³ scoe⁴con³-no³ nca³tsˀi³ na⁴xi⁴-na³nta¹ xi³ tˀa³tsˀan⁴. Cˀia⁴ ncjin² xi³ coa⁴tio⁴ tˀa³xin², cˀoa⁴ tsjoa¹tˀa³ xi¹-ncjin¹, cˀoa⁴ chˀao³ scoe⁴con³ xi¹ncjin¹. Ncjin² cho⁴ta⁴nti³so³ xi³ coi⁴nchja⁴ya³ xi³ coi⁴so¹tjen⁴, cˀoa⁴ ncjin² xi³ cˀoa⁴na⁴cha⁴-le⁴.

Jesús qui³tso²-le⁴: Ti⁴coi²ntao⁴³ yao³-no³ nca³ tsi² tsa² ˀya³ xi³ cˀoa⁴na⁴cha⁴-no³.

To⁴coi³ cˀoa⁴-ti⁴ nca³ jon² cjia³-ta³con²³ ti⁴yo³, nca⁴ je² ˀnti¹-le⁴ cho⁴ta⁴ cjoa⁴ˀai¹ coi³ hora cˀia⁴ nca³ tsi² tjin¹jin³-no³.

Tjen⁴ya³-ta³con²³ ti⁴yo³, nca⁴ tsi² tsa² ˀyao³ jme³ hora nca³ cjoa⁴ˀai¹ Nai³-no³.

To⁴nca³ xi³ cjoi⁴cho²ca³ je² ni⁴čhjin³-ve⁴, cˀoa⁴ je² hora-ve⁴ nca³ cˀoa⁴coan⁴, li²ˀya³ xi³ ve³, ni⁴je²-jin² a²ncje⁴ xi³ tsˀe⁴ ncˀa³jmi³, to⁴jnco³ je² Nˀai³-na¹ xi³ ve³.

nca⁴ cˀoa⁴-sˀin² coi⁴so¹tjen⁴ cho⁴ta⁴nti³so³ xi³ Cristo coi⁴tso⁴-le⁴ yao³-le⁴, cˀoa⁴ cho⁴ta⁴nti³so³ xi³ coi⁴nchja⁴ya³, tse³ choa⁴ cao⁴ cjoa⁴xcon¹ xi³ tsjoa¹. Cˀoa⁴-sˀin² cˀoa⁴na⁴cha⁴-le⁴ nta³ tsa² je² xi³ Ni³na¹ tsa³cja³ˀa¹jin³, tsa² coan⁴-le⁴.

To⁴nca³ jo³ coan³chon³ ni⁴čhjin³-le⁴ Noé, cˀoa⁴-ti⁴sˀin² coan⁴ cˀia⁴ nca³ cjoa⁴ˀai¹ je² ˀnti¹-le⁴ cho⁴ta⁴. Jo³ coan³chon³ je² ni⁴čhjin³-ve⁴ to⁴nqui³-ni³ je² jtsi¹nˀion¹, nca³ tjio¹cjen², tjio¹ˀvi³, tjio¹vi³xan³, cˀoa⁴ tjio¹si¹qui³xan³, sa³ˀnta³ nca³ je² ni⁴čhjin³ nca³ Noé ja³ˀa³sˀen³ je² chi³tso³yˀai³. Cho⁴ta⁴ li²coi³ tsa³ve³ sa³ˀnta³ nca³ ja³ˀai³ je² jtsi¹nˀion¹-ve⁴ xi³ qui³cao⁴ nca³tsˀi³. Cˀoa⁴-ti⁴sˀin² coan⁴chon³ cˀia⁴ nca³ cjoa⁴ˀai¹ je² ˀnti¹-le⁴ cho⁴ta⁴.