Matìù 12
12
Èngà̧ ane ànəa àliapfəèa Bèjuê
(Mk 2:23-28; Lk 6:1-5)
1Àfɨ̀Ꞌ a me wu Yesò lɔ̀Ꞌ àliapfəèa Bèjuê me tsě a èbem mbȩte bɔ liꞋi èwuu ntsəètè ko la, ndzìtsə te baãaã bɔkatè tò, bɔ bùꞋ me fààte ntsəè tu, mùꞋtà nkwèla. 2Bèfalèsiì e ye ale shu abua Yesò nê, “Ye àghɨa bɔkatè bê e ghɨ̀à, è wu àghɨa bɔ̀ɔ ka ghɨ àliapfəèa Bèjuê la.”
3Yesò bɨ̀ɨ̀lè nê “Bɨ te bakà tɔ ezə àghɨa fɔ̧̀ Dàbid bɔ̂ bòt bi e li ngɨ̀ àfɨꞋa ndzitsə te li ngua nkùa awɔb la? 4Ka tà li nyi a èbem lob Mbɔ̧ɔ̧mà bɔ̂ bòt bi nkwèle a bled wu bɔ tɔ èlen Mbɔ̧ɔ̧mà adù̧ la à? Bɔɔ̀ nkwèla ale, è kà wu àghɨa mbɨ̧ ta te bɨ̧ɨ̧nè nê wòt tsa kà wu ntsìà mèpɨ̧̀ Mbɔ̧ɔ̧mà ghɨa la. 5Kò bɨ bakà tɔ ezə ndɨ bèntsìà mèpɨ̧̀ Mbɔ̧ɔ̧mà àa ngɨ̀ bɔ pààtè mbɨ̧tsə àliapfəèa Bèjuê a lob nɨ̧ Mbɔ̧ɔ̧mà ka mbɨ̧ tu tè ka baãaã awɔb la à? 6TsiꞋ è shu awɨ̧ nê àghɨa ko aa àdzìꞋ yaa a tsě lob Mbɔ̧ɔ̧mà la. 7Èngǎ̧ Mbɔ̧ɔ̧mà e laꞋnê, ‘Maà kà kɨ bòt bɔ̀ɔ nkɨ̧̀ɨ̧̀ma banyà̧ ŋǎ abua am la, maà nkɨa wuê bòt bɔ̀ɔ nkua tèsȩte beko la’. Bɨ ghɨ̀ ale, nko lə èngà̧ waa ko bɨa kà tsì mpəəte bòt kà ye àghɨa bɔ ghɨ̀ la. 8Bɨ̀ ko nê, Waã Wòt wu wòt tà bɔ àtɔŋ a ègwet àliapfəèa Bèjuê la.”
Wòt kǒ àbu atò a li mpfə la
(Mk 3:1-6; Lk 6:6-11)
9Yesò ghɨ̀ ale, ndɔ̀Ꞌ abot ngà nyi a èbem lob Mbɔ̧ɔ̧mà yɔb kǒ. 10Wòt ko wu a èbèm və àbu atò a pfə la. Bòt ko e mè ngu abot me kɨ nyɨꞋte nê Yesò è ghɨa kàbɔ̀ŋ. Ale, bɔ biite atò nê, “Màmbəa wòt àliapfəèa Bèjuê aya wu màmpaata mbɨ̧?”
11Yesò bɨ̀ɨ̀lè nê, “Wòt wu ane yɨ̧ njɨ̀ tò kwene a èbem èbɨ àliapfəèa Bèjuê ko taa tseke ka tsì la wu wà à? 12Tè wɔ̀bȩ̂ bakà tse njɨ̀? Ale, bɨ̀ ko nê mbɨ̧ ta te bɨ̧ɨ̧nè nê wòt ghɨa ntsɔ̧̀ àliapfəèa Bèjuê aya.”
13Tà ghɨ̀ ale, shu abua wòt wu nê, “Nyààbè àbu ayê.” Tà nyààbè àbu azi yu, a kweelè tè ntsìꞋi mbɨ̀Ꞌɨ̀ àyea ntsɔ̧̀ yu. 14Bèfalèsiì edzəè ngà àbȩ me taŋke ndɨ bɔ̀ɔ bùŋe a tò la.
Wɔ̀fàꞋ Mbɔ̧ɔ̧mà tà lȩ̀ la
15Mbɨ̀Ꞌɨ̀ Yesò zə ànəa mbɔŋ la, tà lɔ̀Ꞌ abot me ghǎ. Bòt nyaŋ e me kùŋe atò tà bə bòt àghɔ̧ bàgème. 16Mbɔ̂ səèŋkè ètû̧ bɔb nê bɔ̀ ka shu wòt yè wu wùà la abua wòt. 17A li ngu anè mbɨ̀Ꞌɨ̀ ànəa ndàꞋàtɔŋ Mbɔ̧ɔ̧mà Àsayà li shu la aa wu nkûŋ:
18“Eyaa wu wafàꞋ am mâ lȩ̀ la,
Ngule wòt èkɔŋ am èntɨ̧ɨ̧ am àa mbɔ̀ ane tò la.
Maa zǐ Fo yaã ane tò,
Taa tsɔ̀te bòt kà wu bòt Izəèlȩê
aa zə ndɨ màa sàꞋa mènəè la.
19Bɔ̂ wòt è ka yɔ̌a, tà kà wu ŋȩ,
Wòt kà wu ezə àtɔŋ tò a èbuꞋ èlu̧,
20Tàa ngɨ̀ tà ye keshùŋ ke bəꞋa la,
tà kà paa loo.
Tà ye èkaꞋà àa ndèmta la,
tà kà paa eliime.
Taa me ghɨ̀ wu ale,
tè bòt e ghɨ̀ bɨ̧ɨ̧ne àghɨa
Mbɔ̧ɔ̧mà saꞋ nê aa wu la.
21ÈlaꞋ ègème aa li ezi ntɨ̀ yɔb ane èlen tò.”
Yesò bɔ̂ Belzebùl
(Mk 3:20-30; Lk 11:14-23)
22ÀfɨꞋa mbɔŋ bɔ nɨ wòt kǒ fo kàbɔ̀ŋ ghɨ àghɨ atò a lem, tà kwene mbûꞋ la, nkɨ̀Ꞌɨ̂ abua Yesò tà bəa tò, tà bùꞋ me laꞋa mè ndzea èdziꞋ. 23Ale, a taꞋa tsě bòt bu bàgème, tè bɔ tsiꞋa shua nê, “Tê mbê waa chɨɨme ntsě Waã Dàbid?”
24Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”
25Bɔ me làꞋ ale Yesò yaŋe ko àghɨa bɔ mɨ̀ɨ̀tà la, shu abua yɔb nê “ÀlaꞋ àgème a tseke ane àyɔ̀ŋ mè me nùà àwɔb bɔ̀ɔmbɔŋ la wu àlaꞋ à bele yàŋe kwene la. Àpfəèa kà wu ane ètsəê wemɔꞋ wu àpfəèà leme, ləlob kà wu ane ètsəê wemɔꞋ mè ngu ləlob lème. 26È wu ale, Satàn zìambɔŋ me kɨ̀ŋè bɔntu̧ bi, a wu nê tà wua nùà vi zìambɔŋ, ale kèfɔ̧̀ tò wu ghɨ̀ na ka tseke ka kwen à? 27Tè e ngua nɨa mètàŋ Belzebùl ka fəèà fote kàbɔ̀ŋ, ko bòt bu bɔ̀ɔ nkùŋè àwɨ̧ la àa nɨa mɔb ne mètàŋ nè ŋǎ ka fəèà fote mbɔŋ mɨ̧̂ à? Ale, àghɨa bòt bɨ̧ àa ngɨ̀à la a nyɨꞋtè nê bɨ fâ̧. 28Ka è wu nkûŋ nê màa nɨa mètàŋ Fo Mbɔ̧ɔ̧mà ka nɨa fəèà fote kàbɔ̀ŋ, ko a nyɨꞋtè nê kèfɔ̧̀ Mbɔ̧ɔ̧mà kɨꞋɨ tê ntsìꞋi nè nɨ̧̀ àfɨ̀Ꞌ yaa tè ndɔ̀Ꞌ.
29“Wòt me kɨ ebəꞋə lob wòt kèkweelè enyi nɨ èghɨ tò, tà bɔ ndɨ tàa bɨ̌ kuule atò ka bɔ eŋeꞋe èghɨ tò ane ètɨ̧̂ la.
30“Wòt bakà wu akwen yaã tà ko nê ye wu wɔ̀mbù̧ am, wòt bakà mè ngua tɨŋe am efeta bòt bɔ̧, tà ko nê ye wua ntaa awɔb taa. 31È wu ale, tsiꞋ è shu awɨ̧ nê wòt ghɨa kàbɔ̀ŋ kò ntsòkè èlen wòt kǒ leꞋ, ko betsiꞋa Mbɔ̧ɔ̧mà wàꞋa a kàbɔ̀ŋ tò, ka wòt tà tsòkè èlen Fo Mbɔ̧ɔ̧mà la Mbɔ̧ɔ̧mà ka waꞋa kàbɔ̀ŋ ŋut a. 32Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.
Àyɨt nè tètaã ti
(Lk 6:43-45)
33“À me kɨ tètaãaãte àyɨt a ntsɔ̧̀, à kɨ àyɨt àa mbèꞋnà la. À bɔ àyɨt kàbɔ̀ŋ ko tètaãaãte tò tea me bɨɨ. Bɔɔ̀ nkoà àyɨt àgème ane tètaãaãte tò. 34Bɨ̀a àndǎ̧ nyaãtekàbɔ̀ŋ! BetsiꞋa bɨ ko ndàꞋà ntsɔ̧̀ na nè ndɨ bɨ̀ wu bòt kàbɔ̀ŋ la à? Ètsəê wòt aà ndàꞋà wuê àghɨa àa èbem èntɨ̧ɨ̧ tò la. 35Wòt ntsɔ̧̀ nàà nyɨ̀Ꞌta ntsɔ̧̀ vi ane èghɨ ntsɔ̧̀ bu a èntɨ̧ɨ̧ tò la, wòt kàbɔ̀ŋ me nyɨꞋta kàbɔ̀ŋ vi ane èghɨ kàbɔ̀ŋ bu a èntɨ̧ɨ̧ tò la. 36Ka tsiꞋ è shu awɨ̧ nê naa li ngu àlia èsaꞋa, wòt ègème làꞋ ànəa èngǎ̧ kà kùꞋ ègème e li mè dzəâ a ètsəê tò la abua Mbɔ̧ɔ̧mà. 37Bɔɔ li nɨ èngǎ̧ wòt ka ye nê tà jɨ kò tà kwene esaꞋa leꞋ.”
Bèfalèsiì è mè kɨ àlȩê
(Mk 8:11-12; Lk 11:29-32)
38ÀfɨꞋa mbɔŋ bènyɨꞋtà mbɨ̧te Musì nè Bèfalèsiì ko e shu abua Yesò nê “NyɨꞋtà, baa nkɨà nê nyɨ̀Ꞌte awa àlȩê.”
39Yesò bɨ̀ɨ̀lè nê “Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨa nkɨà nê è nyɨꞋte awɨ̧ àlȩê ka bɨ̀ ka wu ye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la. 40Ndɨ Jɔnà li ntsèke a èbem taꞋa asəâ ènɨ̧ ane èlibȩ betat la, wu ndɨ Waã Wòt nàa li tseke azi a èbem èntɨ̧ɨ̧ sitsǎꞋ ane èlibȩ betat la. 41Naa li ngu ane àlia saꞋa Mbɔ̧ɔ̧mà, bòt àlaꞋ a Ninevè e lɔꞋɔ a si mbà̧ wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê bɔ li ngwàꞋ mènəè kàbɔ̀ŋ mɔb àfɨꞋa Jɔnà li ntsɔ̀tè ntu̧ Mbɔ̧ɔ̧mà abua yɔb la. TsiꞋ è shu awɨ̧ nê wòt kǒ naa àdzìꞋ yaa mènəè tò è tsě me Jɔnà la. 42Ane àlia mbɔŋ fɔ̧̀ àlaꞋ a Sèbà naa li lɔ̀Ꞌɔ a si ebaãaã wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê tà li ndzəè tea tɔꞋɔ ngɔ̀ŋ kǒ, nkɨ̀Ꞌɨ̂ ezə mèngǎ̧ fɔ̧̀ Sàlemun li ngua nɨa èyì vi ndàꞋà la. TsiꞋ è shu awɨ̧ nê wòt kǒ naa àdzìꞋ yaa àfɨ̀Ꞌ yaa, èyǐ tò e tsè è we fɔ̧̀ Sàlemun la.
Fo kàbɔ̀ŋ è kua kwèn
(Lk 11:24-26)
43“Fo kàbɔ̀ŋ nàa ngɨ̀ e dzə ane wòt è me gheebe a èdziꞋ yuube nkɨà àdziꞋa yea tseke la. È bakà ye àdziꞋ, 44è shu abua zi zìambɔŋ nê ‘Maà wène a lob yaã yu e ndi dzəè la.’ Ale, è kua akwèn è nkɨ̀Ꞌɨ̂ è baka ye àghɨ a èbèm, è ye ndɨ bɔ tuꞋu lob mbɔŋ nèètè è me bɔ̀ la, 45è mè ngà nɨ fote kàbɔ̀ŋ ko tesà̧à̧mbe te bɨɨtè ntsè yùà la nɨŋ kɨꞋɨ bɔ tseke a èbèm. À ghǎ a me lìa ŋut bê bɨɨ tê ntsè ndɨ tà ghɨ̂ ndzaã ngu la. Eyaa wu ndɨ àa li wu ane àndǎ̧ kàbɔ̀ŋ yaa laane la.”
Nyɨ̌ Yesò bɔ̂ bɔnyɨ tò
(Mk 3:33-35; Lk 8:19-21)
46MbɨꞋɨ Yesò bèla ndàꞋà bɔ̂ bòt bu la, nyɨ̌ tò bɔ̂ bɔnyɨ tò e kɨꞋɨ ntɨ̧ɨ̧ àbȩ me kɨa e mù bɔ̂ tò ba. 47[Wòt kǒ ane bòt bu abot la shu abua tò nê “Nyɨ̌ wè bɔ̂ bɔnyɨ bè e wu àbȩ nkɨà wê.”]
48Yesò bììte atò nê, “Nyɨ̌ am wu wa, bɔnyɨ bɔ̧ mè ngu wa ba à?” 49ÀfɨꞋa ngaa tà lɔ̀kè àbu àzi nyɨ̀Ꞌte bɔkatè bi nê “Eyaa wu nyɨ̌ am bɔ̂ bɔnyɨ bɔ̧. 50Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”
Dewis Presennol:
Matìù 12: mnf
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2006, Cameroon Association for Bible Translation and Literacy
Matìù 12
12
Èngà̧ ane ànəa àliapfəèa Bèjuê
(Mk 2:23-28; Lk 6:1-5)
1Àfɨ̀Ꞌ a me wu Yesò lɔ̀Ꞌ àliapfəèa Bèjuê me tsě a èbem mbȩte bɔ liꞋi èwuu ntsəètè ko la, ndzìtsə te baãaã bɔkatè tò, bɔ bùꞋ me fààte ntsəè tu, mùꞋtà nkwèla. 2Bèfalèsiì e ye ale shu abua Yesò nê, “Ye àghɨa bɔkatè bê e ghɨ̀à, è wu àghɨa bɔ̀ɔ ka ghɨ àliapfəèa Bèjuê la.”
3Yesò bɨ̀ɨ̀lè nê “Bɨ te bakà tɔ ezə àghɨa fɔ̧̀ Dàbid bɔ̂ bòt bi e li ngɨ̀ àfɨꞋa ndzitsə te li ngua nkùa awɔb la? 4Ka tà li nyi a èbem lob Mbɔ̧ɔ̧mà bɔ̂ bòt bi nkwèle a bled wu bɔ tɔ èlen Mbɔ̧ɔ̧mà adù̧ la à? Bɔɔ̀ nkwèla ale, è kà wu àghɨa mbɨ̧ ta te bɨ̧ɨ̧nè nê wòt tsa kà wu ntsìà mèpɨ̧̀ Mbɔ̧ɔ̧mà ghɨa la. 5Kò bɨ bakà tɔ ezə ndɨ bèntsìà mèpɨ̧̀ Mbɔ̧ɔ̧mà àa ngɨ̀ bɔ pààtè mbɨ̧tsə àliapfəèa Bèjuê a lob nɨ̧ Mbɔ̧ɔ̧mà ka mbɨ̧ tu tè ka baãaã awɔb la à? 6TsiꞋ è shu awɨ̧ nê àghɨa ko aa àdzìꞋ yaa a tsě lob Mbɔ̧ɔ̧mà la. 7Èngǎ̧ Mbɔ̧ɔ̧mà e laꞋnê, ‘Maà kà kɨ bòt bɔ̀ɔ nkɨ̧̀ɨ̧̀ma banyà̧ ŋǎ abua am la, maà nkɨa wuê bòt bɔ̀ɔ nkua tèsȩte beko la’. Bɨ ghɨ̀ ale, nko lə èngà̧ waa ko bɨa kà tsì mpəəte bòt kà ye àghɨa bɔ ghɨ̀ la. 8Bɨ̀ ko nê, Waã Wòt wu wòt tà bɔ àtɔŋ a ègwet àliapfəèa Bèjuê la.”
Wòt kǒ àbu atò a li mpfə la
(Mk 3:1-6; Lk 6:6-11)
9Yesò ghɨ̀ ale, ndɔ̀Ꞌ abot ngà nyi a èbem lob Mbɔ̧ɔ̧mà yɔb kǒ. 10Wòt ko wu a èbèm və àbu atò a pfə la. Bòt ko e mè ngu abot me kɨ nyɨꞋte nê Yesò è ghɨa kàbɔ̀ŋ. Ale, bɔ biite atò nê, “Màmbəa wòt àliapfəèa Bèjuê aya wu màmpaata mbɨ̧?”
11Yesò bɨ̀ɨ̀lè nê, “Wòt wu ane yɨ̧ njɨ̀ tò kwene a èbem èbɨ àliapfəèa Bèjuê ko taa tseke ka tsì la wu wà à? 12Tè wɔ̀bȩ̂ bakà tse njɨ̀? Ale, bɨ̀ ko nê mbɨ̧ ta te bɨ̧ɨ̧nè nê wòt ghɨa ntsɔ̧̀ àliapfəèa Bèjuê aya.”
13Tà ghɨ̀ ale, shu abua wòt wu nê, “Nyààbè àbu ayê.” Tà nyààbè àbu azi yu, a kweelè tè ntsìꞋi mbɨ̀Ꞌɨ̀ àyea ntsɔ̧̀ yu. 14Bèfalèsiì edzəè ngà àbȩ me taŋke ndɨ bɔ̀ɔ bùŋe a tò la.
Wɔ̀fàꞋ Mbɔ̧ɔ̧mà tà lȩ̀ la
15Mbɨ̀Ꞌɨ̀ Yesò zə ànəa mbɔŋ la, tà lɔ̀Ꞌ abot me ghǎ. Bòt nyaŋ e me kùŋe atò tà bə bòt àghɔ̧ bàgème. 16Mbɔ̂ səèŋkè ètû̧ bɔb nê bɔ̀ ka shu wòt yè wu wùà la abua wòt. 17A li ngu anè mbɨ̀Ꞌɨ̀ ànəa ndàꞋàtɔŋ Mbɔ̧ɔ̧mà Àsayà li shu la aa wu nkûŋ:
18“Eyaa wu wafàꞋ am mâ lȩ̀ la,
Ngule wòt èkɔŋ am èntɨ̧ɨ̧ am àa mbɔ̀ ane tò la.
Maa zǐ Fo yaã ane tò,
Taa tsɔ̀te bòt kà wu bòt Izəèlȩê
aa zə ndɨ màa sàꞋa mènəè la.
19Bɔ̂ wòt è ka yɔ̌a, tà kà wu ŋȩ,
Wòt kà wu ezə àtɔŋ tò a èbuꞋ èlu̧,
20Tàa ngɨ̀ tà ye keshùŋ ke bəꞋa la,
tà kà paa loo.
Tà ye èkaꞋà àa ndèmta la,
tà kà paa eliime.
Taa me ghɨ̀ wu ale,
tè bòt e ghɨ̀ bɨ̧ɨ̧ne àghɨa
Mbɔ̧ɔ̧mà saꞋ nê aa wu la.
21ÈlaꞋ ègème aa li ezi ntɨ̀ yɔb ane èlen tò.”
Yesò bɔ̂ Belzebùl
(Mk 3:20-30; Lk 11:14-23)
22ÀfɨꞋa mbɔŋ bɔ nɨ wòt kǒ fo kàbɔ̀ŋ ghɨ àghɨ atò a lem, tà kwene mbûꞋ la, nkɨ̀Ꞌɨ̂ abua Yesò tà bəa tò, tà bùꞋ me laꞋa mè ndzea èdziꞋ. 23Ale, a taꞋa tsě bòt bu bàgème, tè bɔ tsiꞋa shua nê, “Tê mbê waa chɨɨme ntsě Waã Dàbid?”
24Ka Bèfalèsiì e zə ale, nê “Wu Belzebùl, fɔ̧̀ fote kàbɔ̀ŋ ka tàa ŋǎ tò mètàŋ tà nɨa fəèà fote kàbɔ̀ŋ ko la.”
25Bɔ me làꞋ ale Yesò yaŋe ko àghɨa bɔ mɨ̀ɨ̀tà la, shu abua yɔb nê “ÀlaꞋ àgème a tseke ane àyɔ̀ŋ mè me nùà àwɔb bɔ̀ɔmbɔŋ la wu àlaꞋ à bele yàŋe kwene la. Àpfəèa kà wu ane ètsəê wemɔꞋ wu àpfəèà leme, ləlob kà wu ane ètsəê wemɔꞋ mè ngu ləlob lème. 26È wu ale, Satàn zìambɔŋ me kɨ̀ŋè bɔntu̧ bi, a wu nê tà wua nùà vi zìambɔŋ, ale kèfɔ̧̀ tò wu ghɨ̀ na ka tseke ka kwen à? 27Tè e ngua nɨa mètàŋ Belzebùl ka fəèà fote kàbɔ̀ŋ, ko bòt bu bɔ̀ɔ nkùŋè àwɨ̧ la àa nɨa mɔb ne mètàŋ nè ŋǎ ka fəèà fote mbɔŋ mɨ̧̂ à? Ale, àghɨa bòt bɨ̧ àa ngɨ̀à la a nyɨꞋtè nê bɨ fâ̧. 28Ka è wu nkûŋ nê màa nɨa mètàŋ Fo Mbɔ̧ɔ̧mà ka nɨa fəèà fote kàbɔ̀ŋ, ko a nyɨꞋtè nê kèfɔ̧̀ Mbɔ̧ɔ̧mà kɨꞋɨ tê ntsìꞋi nè nɨ̧̀ àfɨ̀Ꞌ yaa tè ndɔ̀Ꞌ.
29“Wòt me kɨ ebəꞋə lob wòt kèkweelè enyi nɨ èghɨ tò, tà bɔ ndɨ tàa bɨ̌ kuule atò ka bɔ eŋeꞋe èghɨ tò ane ètɨ̧̂ la.
30“Wòt bakà wu akwen yaã tà ko nê ye wu wɔ̀mbù̧ am, wòt bakà mè ngua tɨŋe am efeta bòt bɔ̧, tà ko nê ye wua ntaa awɔb taa. 31È wu ale, tsiꞋ è shu awɨ̧ nê wòt ghɨa kàbɔ̀ŋ kò ntsòkè èlen wòt kǒ leꞋ, ko betsiꞋa Mbɔ̧ɔ̧mà wàꞋa a kàbɔ̀ŋ tò, ka wòt tà tsòkè èlen Fo Mbɔ̧ɔ̧mà la Mbɔ̧ɔ̧mà ka waꞋa kàbɔ̀ŋ ŋut a. 32Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.
Àyɨt nè tètaã ti
(Lk 6:43-45)
33“À me kɨ tètaãaãte àyɨt a ntsɔ̧̀, à kɨ àyɨt àa mbèꞋnà la. À bɔ àyɨt kàbɔ̀ŋ ko tètaãaãte tò tea me bɨɨ. Bɔɔ̀ nkoà àyɨt àgème ane tètaãaãte tò. 34Bɨ̀a àndǎ̧ nyaãtekàbɔ̀ŋ! BetsiꞋa bɨ ko ndàꞋà ntsɔ̧̀ na nè ndɨ bɨ̀ wu bòt kàbɔ̀ŋ la à? Ètsəê wòt aà ndàꞋà wuê àghɨa àa èbem èntɨ̧ɨ̧ tò la. 35Wòt ntsɔ̧̀ nàà nyɨ̀Ꞌta ntsɔ̧̀ vi ane èghɨ ntsɔ̧̀ bu a èntɨ̧ɨ̧ tò la, wòt kàbɔ̀ŋ me nyɨꞋta kàbɔ̀ŋ vi ane èghɨ kàbɔ̀ŋ bu a èntɨ̧ɨ̧ tò la. 36Ka tsiꞋ è shu awɨ̧ nê naa li ngu àlia èsaꞋa, wòt ègème làꞋ ànəa èngǎ̧ kà kùꞋ ègème e li mè dzəâ a ètsəê tò la abua Mbɔ̧ɔ̧mà. 37Bɔɔ li nɨ èngǎ̧ wòt ka ye nê tà jɨ kò tà kwene esaꞋa leꞋ.”
Bèfalèsiì è mè kɨ àlȩê
(Mk 8:11-12; Lk 11:29-32)
38ÀfɨꞋa mbɔŋ bènyɨꞋtà mbɨ̧te Musì nè Bèfalèsiì ko e shu abua Yesò nê “NyɨꞋtà, baa nkɨà nê nyɨ̀Ꞌte awa àlȩê.”
39Yesò bɨ̀ɨ̀lè nê “Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨa nkɨà nê è nyɨꞋte awɨ̧ àlȩê ka bɨ̀ ka wu ye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la. 40Ndɨ Jɔnà li ntsèke a èbem taꞋa asəâ ènɨ̧ ane èlibȩ betat la, wu ndɨ Waã Wòt nàa li tseke azi a èbem èntɨ̧ɨ̧ sitsǎꞋ ane èlibȩ betat la. 41Naa li ngu ane àlia saꞋa Mbɔ̧ɔ̧mà, bòt àlaꞋ a Ninevè e lɔꞋɔ a si mbà̧ wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê bɔ li ngwàꞋ mènəè kàbɔ̀ŋ mɔb àfɨꞋa Jɔnà li ntsɔ̀tè ntu̧ Mbɔ̧ɔ̧mà abua yɔb la. TsiꞋ è shu awɨ̧ nê wòt kǒ naa àdzìꞋ yaa mènəè tò è tsě me Jɔnà la. 42Ane àlia mbɔŋ fɔ̧̀ àlaꞋ a Sèbà naa li lɔ̀Ꞌɔ a si ebaãaã wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê tà li ndzəè tea tɔꞋɔ ngɔ̀ŋ kǒ, nkɨ̀Ꞌɨ̂ ezə mèngǎ̧ fɔ̧̀ Sàlemun li ngua nɨa èyì vi ndàꞋà la. TsiꞋ è shu awɨ̧ nê wòt kǒ naa àdzìꞋ yaa àfɨ̀Ꞌ yaa, èyǐ tò e tsè è we fɔ̧̀ Sàlemun la.
Fo kàbɔ̀ŋ è kua kwèn
(Lk 11:24-26)
43“Fo kàbɔ̀ŋ nàa ngɨ̀ e dzə ane wòt è me gheebe a èdziꞋ yuube nkɨà àdziꞋa yea tseke la. È bakà ye àdziꞋ, 44è shu abua zi zìambɔŋ nê ‘Maà wène a lob yaã yu e ndi dzəè la.’ Ale, è kua akwèn è nkɨ̀Ꞌɨ̂ è baka ye àghɨ a èbèm, è ye ndɨ bɔ tuꞋu lob mbɔŋ nèètè è me bɔ̀ la, 45è mè ngà nɨ fote kàbɔ̀ŋ ko tesà̧à̧mbe te bɨɨtè ntsè yùà la nɨŋ kɨꞋɨ bɔ tseke a èbèm. À ghǎ a me lìa ŋut bê bɨɨ tê ntsè ndɨ tà ghɨ̂ ndzaã ngu la. Eyaa wu ndɨ àa li wu ane àndǎ̧ kàbɔ̀ŋ yaa laane la.”
Nyɨ̌ Yesò bɔ̂ bɔnyɨ tò
(Mk 3:33-35; Lk 8:19-21)
46MbɨꞋɨ Yesò bèla ndàꞋà bɔ̂ bòt bu la, nyɨ̌ tò bɔ̂ bɔnyɨ tò e kɨꞋɨ ntɨ̧ɨ̧ àbȩ me kɨa e mù bɔ̂ tò ba. 47[Wòt kǒ ane bòt bu abot la shu abua tò nê “Nyɨ̌ wè bɔ̂ bɔnyɨ bè e wu àbȩ nkɨà wê.”]
48Yesò bììte atò nê, “Nyɨ̌ am wu wa, bɔnyɨ bɔ̧ mè ngu wa ba à?” 49ÀfɨꞋa ngaa tà lɔ̀kè àbu àzi nyɨ̀Ꞌte bɔkatè bi nê “Eyaa wu nyɨ̌ am bɔ̂ bɔnyɨ bɔ̧. 50Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2006, Cameroon Association for Bible Translation and Literacy