YASFADOCI LOKU 23
23
1Macimi ini yatfwaluwrci mafi pvfaqeki nihki, chena Br-lvdeli yalvhfvmelici utah bialrwrli nili. 2Macimi ut vlami vhtalrwrli, Ni mkvwrpa yrmv ilani bami bemi-lutvgi ni tfwalo-wananv, macimi bami kutasiwaci wvhsi Sesv si meliwagi daxhofo-wa, chena iwv inv yasi welv Klvisde-wici ugimv, iwvki nihki. 3Macimi Brlvde u nvtuhtvwrli nili, Hv geiv inv u Gimrmwrli Jo-svki? u talrli. Macimi inv ud rpvftvwrli, Geiv gi taiu, u talrli. 4Macimi, Mvtv ni mkvmvwv myrlafewa yrmv ilani, u talvhi Brlvde nihi ugimrwi mkvtaukulviahi macimi nihi mahsalalici. 5Pvyaqv nihki ini vlikv si gcihgrwaki, Hu wesrfihvhi inv nihi lanvwahi, pami kvgahgimiwa srpwi mafhega Cudia, macimi Galalegi uci vlami lvwi brluh’ga utvsi, iwvki. 6Pvyaqv Brlvde iah nodrgaci ini, nvtuhsa qahqi tuga Galalewi-lanvwali nili ilaneli. 7Chena iah wrkutvgi yasi Halade u kutaladewi-drmqa ucilici nili, uta laskvmvwrli Haladeli nili, nahfrpi welv inv Culosalamegi vpiwv yoloni grsagiki.
8Huwa Halade iah nawrci Jesiseli, vnhiwawi uwasilapwv : xvga hasvia uci mrtvwi nawrli nili, nodrga xvga nili; chena u biadalatv wvhsi namagi wiahsi mvgeci-lvwewa yasi lvwelici. 9Macimi maci kvlvwewanv u tasi nvtuhtv-wrli nili; pvyaqv mvtv-wiahi ud rpvfdrgoli. 10Chena nihki mkvtaukulvyaki macimi nihki yrivwigacki nepvweki, bami ulrmi vhtalrwrci nili. 11Ma-cimi Halade gilagi u svmrkvnamhi u mvtv wiyafagisi wvhgab-hrli nili, macimi u wrpvlrchrli, chena u betanigahrli nrswvsvhta betanikv patagi Brlvdegi uta laskvwrli nili. 12Macimi Halade chena Brlvde tapilo ina grsagigi u wihgrnadeki : xvga nihki iahgi mvdaladeki welvwv.
13Macimi Brlvde u mrwvtu-mvhi nihi ugimrwi mkvtaukul-viahi chena nihi dabalacigalici chena nihi lanvwahi, 14macimi nihi, Gelvwv ki biatvwipwv yrmv ilani, brsi nakuti ba-bemilutv-wrtv nihi lanvwahi : macimi wrpvtvmuku, nelv, bami si mahci mamagini-samvgi inv yalvhfvme-yaqa gelvwv, mvtv ni mkv weyrgi yrmv ilani myrlafewa nala wiahi yasi pasfagi waci vhtala-qa gelvwv : 15mvtv, mvtv nuhgi Halade : xvga inv patagi gita laskvmrkunv nili; macimi wrpvtvmuku, mvtv-wiahi nabowa lalamaqvtwi mviahci silvweci inv. 16Nelv waciganvhi nah lihfe-wvnwhv inv, chena nah pvgfanv, u talvhi. 18Pvyaqv nihki jrivhki tapatwvhotv-moki, Hrmwasi yrmv ilani, macimi pvgfanv-mvwi-nrga Pvlapvse iwvki : 19nakuti inv wiyafv nr-nakuti sesasewi-nochiwawa u mactu ini udawa-nagi, macimi nsiwawa uci giphudewa-nagi ipvgilofu. 20Chena Brlvde nuhgi u kvlolvhi nihi, bami mrtvwi pvgfanrci Jesiseli; 21pvyaqv nihki jelwaki, Hrsitafwhi, hrsitafwhi inv isiwaki. 22Macimi inv ini mvwi-nfana, Gociwa, nahiwa majrfigi mahci isilvwi yrmv ilani? mvtv ni ma’ mkv weyrgi wv huci napagi : waciganvhi nah lihfewvnwhv macimi nah pvgfanv, u talvhi nihi. 23Pvyaqv nihki wesikuwaki gilagi wivkvhotvmowanv, nvtutvmrgaki wvhsi manvwvhi nili rsitafhofulici. Macimi u tvlvhotvmowanwv kulapgrwaiv. 24Ma-cimi Brlvde meliwa madrmowa wvhsi nihi na-tutvmalici silvwegi. 25Chena u pvgfanv-mvwvhi nili mviahci sesasewi-nochiwawa macimi nsiwawa uci giphudewa-nagi ipvgilofulici, na-tutvmrga-wrci nihki; wakv yasi tahalici nihi u tasi pvgfanrli Jesiseli.
26Chena ina ia hvla rmwalrwrci nili, nihki u masanrwrli nakuti Srilene uci Svimvne, bami ini belasgi drmqa umalici, macimi nili u wewvshr-wrli ini yrsitahfagi, wvhsi nrwvlwi Jesiseli si wadolici ini.
27Macimi ’n’tvsi u nakvlr-wrli maci nihki mahsalagiki la-nvwaki, macimi iqaki ma-mvwahtv-wrcki macimi ma-wimrcki nili. 28Pvyaqv Jesise nihi si kugewv, U drnafhi Culosalame, tagi nelv mvwimiku, wakv mvwitvmuku geyrwv, macimi kit vpal-uhfamwrki iwv. 29Xvga wrpvtvmuku, nili grsagiki wesv biaiv, ina nihki Gisrdalamakufeki cahi nihki sa-sgificki, macimi nili lrmudrkvnv buryr lrqv pvhkvsayrki, macimi nihki ulanyaki buryr lrqv meliwacki nonowa, wa hiwvki. 30Hina uwa nihki wa hv-lami idrnrwv nili maqvhgewvli, Husgici si rgicfrku nelvwa; macimi nili maqvhgefv, Patvwhi-nrga. 31Xvga qahqi nihki yolumv wiahi silvwe-wrta ini sgipvgi mtakugi, nahiwa wah silvwepi ini kvivhgidagi? isiwa.
32Chena ’n’tvsi nahfrpi neswi kutvkvki bemilahfeki, weci walofoki nili wvhsi nfaqi-wrci.
33Chena nihki nvhekv iah birwrci ini tvsi Ini ukvnrtapi yasi-dodagi, ’n’tvsi nihki ud rsitafwhr-wrli nili, macimi nihi bemilahfihi, nakuti ini mvyrwengigi macimi inv kutvkv ini nv-mvjengigi. 34Macimi Jesise, Ufimv, pvgfalatv-mvwi; xvga nih-ki mvtv u wrkudr-nrwv yr-silvwewrci, iwv. Chena bami pvh-fanvmrtilici u betanikvnv alagenv nihi, gisginikvni-tvlwrdeki nih-ki. 35Chena nihki lanvwaki nepvweki bamrpvcigawrci. Chena nihki dabalacigacki nahfrpi u wrpvlrci-mrwrli nili, Kutvkhi u wrpvnashvhi; welrni wrpvnasdota weiv, qahqi inv-wita yrmv nili u Klvisde-mvli Mvnatu, u mvmrwanvli, iwvki. 36Chena nihki sv-mrkvnvki nahfrpi u wrpvlrchr-wrli nili, u wv udfrwrli, u wr-wesv melrwrli psgibrpu, 37macimi, Qahqi geyrwivna inv Ugimr-mwrli nihki Josvki, wrpvnasdolu geiv, yrwvki. 38Macimi ’n’tvsi nahfrpi lspvwigawa vhdawi spamagi inv, YRMV INV UGIMR-MWRLI NIHKI JOSVKI, Ivwigrta.
39Chena nakuti nihi bemilahfihi lvyrpicimofulici u wrpv-lrcimagoli, Hv mvtv inv Klvisde gelv? wrpvnasdolu geiv macimi nelvwa, u tagoli. 40Pvyaqv inv kutvkv rpvfsa, macimi u kutalrli nili, Hv mvtv gi kufv weginrqi Mvnatu, gi nama ini-ivskv si mvtvh-kuwrfowa-nagi git vpi? 41Chena gelvwa svpkvhi tapvsv-wi; xvga k’utfakupa ini nahvlwrkv ki taphufewa-nanv ki tasilv-wewa-nanv uci : wakv yrmv ilani mvtv-wiahi bemi-lvwi, isiwa. 42Chena, Jesise, mkvwa-lamilu ina birivna g’ugimrwi-drmku-magi, isiwa. 43Macimi inv, Taiplo gi tala nelv, Hinugi grsagigi gah weci vbemi Tvh manwi lanvwawigi, u talrli nili.
44Chena ini uwa nvwitu ini mvwi-nakutwvhfwi yrtafvgi, macimi bapagijrgi biaiv ini mafhega vsisgegi, brlu’ hini mvwi-jrkvtfwi yrtafvgi, 45ini u wvhfayrmi inv gesagi-gesfwv rlufeiv : macimi ini lrpici-mutv ini mvmrtumawi-kvmikugi lalgahkv ini alaghi. 46Chena Jesise pam ulrmi kvlvwi, Ufimv, gi laciwvli ni tah wivwanv ni cvjrlvhqv iwv : macimi yasi mahtuwaci, u pvgfanrli nili jepvli. 47Chena inv kvpdenv iah namagi ya-silvwegi, u wvhfrci-makufihrli Mvnadoli, Svpkvhi yrmv tapvsvwi ilani iwv. 48Chena jrivhki nihki mahsalagiki ma-mrwvtwi bialutvgiki yomv wrpv-gawa, iah namuwrci ini wiahi ya-silvwegi, patagi haki u pami pgitahr-nrwv u pvlawv. 49Chena jrivhki u wrku-mademhi macimi nihi iqahi Galalegi waci nakvlakuci, nepvwihi paluwihi, bami lrpvtvmalici yolumv wiahi.
50Chena wrpvmahku, ilani Jose sinofu, dr-tapuwatv inv, u-wasi-ilafi macimi tapvsvwi ’lani. 51(mvtv inv u mahci nkutv-mvwvhi uta lvhkuwawa-nilici macimi uta silwewa-nilici), Rlima-fia uci ’lani, udawa-nwv nihki Josvki, bami inv nvtvwrpvtvgi ini ugimrwi-drmkumi Mvnatu : 52yrmv ilani Brlvdeli hawv, macimi nvtutvmrga nili u weyrnvli Jesise. 53Macimi u lrsiwanrli nili, chena u tatapvh-pilrli nili wrpi-mvfrni-mudrgi, chena utah saxi-mrli nabowr-lvkugi sekunagi ya-lrlvgahodagi, tvh mvtv lrqv gawvgi ilani mah’ saxigi. 54Chena ina ini Nvnvhewa si grsagigi ini, macimi ini vlwrkvhsi-grsagigi vlami mvwrpvnwi. 55Chena nihki iqaki, mviahci biaci wedfamrcki nili Galale uci, nakvsi-waki, macimi u talrpvdr-nrwv ini nabowr-lvqi, chena ya-sisimofulici u weyrnvli. 56Macimi nihki patagi haki, chena u nvnvhi-ludr-nrwv wrgimyrkuki macimi luminowanv.
Chena ini tv hvlwrkvhsi-gesagigi vlwrkvhseki nihki yasfagi
Dewis Presennol:
YASFADOCI LOKU 23: SJW
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published for Thomas Wildcat Alford in 1929
YASFADOCI LOKU 23
23
1Macimi ini yatfwaluwrci mafi pvfaqeki nihki, chena Br-lvdeli yalvhfvmelici utah bialrwrli nili. 2Macimi ut vlami vhtalrwrli, Ni mkvwrpa yrmv ilani bami bemi-lutvgi ni tfwalo-wananv, macimi bami kutasiwaci wvhsi Sesv si meliwagi daxhofo-wa, chena iwv inv yasi welv Klvisde-wici ugimv, iwvki nihki. 3Macimi Brlvde u nvtuhtvwrli nili, Hv geiv inv u Gimrmwrli Jo-svki? u talrli. Macimi inv ud rpvftvwrli, Geiv gi taiu, u talrli. 4Macimi, Mvtv ni mkvmvwv myrlafewa yrmv ilani, u talvhi Brlvde nihi ugimrwi mkvtaukulviahi macimi nihi mahsalalici. 5Pvyaqv nihki ini vlikv si gcihgrwaki, Hu wesrfihvhi inv nihi lanvwahi, pami kvgahgimiwa srpwi mafhega Cudia, macimi Galalegi uci vlami lvwi brluh’ga utvsi, iwvki. 6Pvyaqv Brlvde iah nodrgaci ini, nvtuhsa qahqi tuga Galalewi-lanvwali nili ilaneli. 7Chena iah wrkutvgi yasi Halade u kutaladewi-drmqa ucilici nili, uta laskvmvwrli Haladeli nili, nahfrpi welv inv Culosalamegi vpiwv yoloni grsagiki.
8Huwa Halade iah nawrci Jesiseli, vnhiwawi uwasilapwv : xvga hasvia uci mrtvwi nawrli nili, nodrga xvga nili; chena u biadalatv wvhsi namagi wiahsi mvgeci-lvwewa yasi lvwelici. 9Macimi maci kvlvwewanv u tasi nvtuhtv-wrli nili; pvyaqv mvtv-wiahi ud rpvfdrgoli. 10Chena nihki mkvtaukulvyaki macimi nihki yrivwigacki nepvweki, bami ulrmi vhtalrwrci nili. 11Ma-cimi Halade gilagi u svmrkvnamhi u mvtv wiyafagisi wvhgab-hrli nili, macimi u wrpvlrchrli, chena u betanigahrli nrswvsvhta betanikv patagi Brlvdegi uta laskvwrli nili. 12Macimi Halade chena Brlvde tapilo ina grsagigi u wihgrnadeki : xvga nihki iahgi mvdaladeki welvwv.
13Macimi Brlvde u mrwvtu-mvhi nihi ugimrwi mkvtaukul-viahi chena nihi dabalacigalici chena nihi lanvwahi, 14macimi nihi, Gelvwv ki biatvwipwv yrmv ilani, brsi nakuti ba-bemilutv-wrtv nihi lanvwahi : macimi wrpvtvmuku, nelv, bami si mahci mamagini-samvgi inv yalvhfvme-yaqa gelvwv, mvtv ni mkv weyrgi yrmv ilani myrlafewa nala wiahi yasi pasfagi waci vhtala-qa gelvwv : 15mvtv, mvtv nuhgi Halade : xvga inv patagi gita laskvmrkunv nili; macimi wrpvtvmuku, mvtv-wiahi nabowa lalamaqvtwi mviahci silvweci inv. 16Nelv waciganvhi nah lihfe-wvnwhv inv, chena nah pvgfanv, u talvhi. 18Pvyaqv nihki jrivhki tapatwvhotv-moki, Hrmwasi yrmv ilani, macimi pvgfanv-mvwi-nrga Pvlapvse iwvki : 19nakuti inv wiyafv nr-nakuti sesasewi-nochiwawa u mactu ini udawa-nagi, macimi nsiwawa uci giphudewa-nagi ipvgilofu. 20Chena Brlvde nuhgi u kvlolvhi nihi, bami mrtvwi pvgfanrci Jesiseli; 21pvyaqv nihki jelwaki, Hrsitafwhi, hrsitafwhi inv isiwaki. 22Macimi inv ini mvwi-nfana, Gociwa, nahiwa majrfigi mahci isilvwi yrmv ilani? mvtv ni ma’ mkv weyrgi wv huci napagi : waciganvhi nah lihfewvnwhv macimi nah pvgfanv, u talvhi nihi. 23Pvyaqv nihki wesikuwaki gilagi wivkvhotvmowanv, nvtutvmrgaki wvhsi manvwvhi nili rsitafhofulici. Macimi u tvlvhotvmowanwv kulapgrwaiv. 24Ma-cimi Brlvde meliwa madrmowa wvhsi nihi na-tutvmalici silvwegi. 25Chena u pvgfanv-mvwvhi nili mviahci sesasewi-nochiwawa macimi nsiwawa uci giphudewa-nagi ipvgilofulici, na-tutvmrga-wrci nihki; wakv yasi tahalici nihi u tasi pvgfanrli Jesiseli.
26Chena ina ia hvla rmwalrwrci nili, nihki u masanrwrli nakuti Srilene uci Svimvne, bami ini belasgi drmqa umalici, macimi nili u wewvshr-wrli ini yrsitahfagi, wvhsi nrwvlwi Jesiseli si wadolici ini.
27Macimi ’n’tvsi u nakvlr-wrli maci nihki mahsalagiki la-nvwaki, macimi iqaki ma-mvwahtv-wrcki macimi ma-wimrcki nili. 28Pvyaqv Jesise nihi si kugewv, U drnafhi Culosalame, tagi nelv mvwimiku, wakv mvwitvmuku geyrwv, macimi kit vpal-uhfamwrki iwv. 29Xvga wrpvtvmuku, nili grsagiki wesv biaiv, ina nihki Gisrdalamakufeki cahi nihki sa-sgificki, macimi nili lrmudrkvnv buryr lrqv pvhkvsayrki, macimi nihki ulanyaki buryr lrqv meliwacki nonowa, wa hiwvki. 30Hina uwa nihki wa hv-lami idrnrwv nili maqvhgewvli, Husgici si rgicfrku nelvwa; macimi nili maqvhgefv, Patvwhi-nrga. 31Xvga qahqi nihki yolumv wiahi silvwe-wrta ini sgipvgi mtakugi, nahiwa wah silvwepi ini kvivhgidagi? isiwa.
32Chena ’n’tvsi nahfrpi neswi kutvkvki bemilahfeki, weci walofoki nili wvhsi nfaqi-wrci.
33Chena nihki nvhekv iah birwrci ini tvsi Ini ukvnrtapi yasi-dodagi, ’n’tvsi nihki ud rsitafwhr-wrli nili, macimi nihi bemilahfihi, nakuti ini mvyrwengigi macimi inv kutvkv ini nv-mvjengigi. 34Macimi Jesise, Ufimv, pvgfalatv-mvwi; xvga nih-ki mvtv u wrkudr-nrwv yr-silvwewrci, iwv. Chena bami pvh-fanvmrtilici u betanikvnv alagenv nihi, gisginikvni-tvlwrdeki nih-ki. 35Chena nihki lanvwaki nepvweki bamrpvcigawrci. Chena nihki dabalacigacki nahfrpi u wrpvlrci-mrwrli nili, Kutvkhi u wrpvnashvhi; welrni wrpvnasdota weiv, qahqi inv-wita yrmv nili u Klvisde-mvli Mvnatu, u mvmrwanvli, iwvki. 36Chena nihki sv-mrkvnvki nahfrpi u wrpvlrchr-wrli nili, u wv udfrwrli, u wr-wesv melrwrli psgibrpu, 37macimi, Qahqi geyrwivna inv Ugimr-mwrli nihki Josvki, wrpvnasdolu geiv, yrwvki. 38Macimi ’n’tvsi nahfrpi lspvwigawa vhdawi spamagi inv, YRMV INV UGIMR-MWRLI NIHKI JOSVKI, Ivwigrta.
39Chena nakuti nihi bemilahfihi lvyrpicimofulici u wrpv-lrcimagoli, Hv mvtv inv Klvisde gelv? wrpvnasdolu geiv macimi nelvwa, u tagoli. 40Pvyaqv inv kutvkv rpvfsa, macimi u kutalrli nili, Hv mvtv gi kufv weginrqi Mvnatu, gi nama ini-ivskv si mvtvh-kuwrfowa-nagi git vpi? 41Chena gelvwa svpkvhi tapvsv-wi; xvga k’utfakupa ini nahvlwrkv ki taphufewa-nanv ki tasilv-wewa-nanv uci : wakv yrmv ilani mvtv-wiahi bemi-lvwi, isiwa. 42Chena, Jesise, mkvwa-lamilu ina birivna g’ugimrwi-drmku-magi, isiwa. 43Macimi inv, Taiplo gi tala nelv, Hinugi grsagigi gah weci vbemi Tvh manwi lanvwawigi, u talrli nili.
44Chena ini uwa nvwitu ini mvwi-nakutwvhfwi yrtafvgi, macimi bapagijrgi biaiv ini mafhega vsisgegi, brlu’ hini mvwi-jrkvtfwi yrtafvgi, 45ini u wvhfayrmi inv gesagi-gesfwv rlufeiv : macimi ini lrpici-mutv ini mvmrtumawi-kvmikugi lalgahkv ini alaghi. 46Chena Jesise pam ulrmi kvlvwi, Ufimv, gi laciwvli ni tah wivwanv ni cvjrlvhqv iwv : macimi yasi mahtuwaci, u pvgfanrli nili jepvli. 47Chena inv kvpdenv iah namagi ya-silvwegi, u wvhfrci-makufihrli Mvnadoli, Svpkvhi yrmv tapvsvwi ilani iwv. 48Chena jrivhki nihki mahsalagiki ma-mrwvtwi bialutvgiki yomv wrpv-gawa, iah namuwrci ini wiahi ya-silvwegi, patagi haki u pami pgitahr-nrwv u pvlawv. 49Chena jrivhki u wrku-mademhi macimi nihi iqahi Galalegi waci nakvlakuci, nepvwihi paluwihi, bami lrpvtvmalici yolumv wiahi.
50Chena wrpvmahku, ilani Jose sinofu, dr-tapuwatv inv, u-wasi-ilafi macimi tapvsvwi ’lani. 51(mvtv inv u mahci nkutv-mvwvhi uta lvhkuwawa-nilici macimi uta silwewa-nilici), Rlima-fia uci ’lani, udawa-nwv nihki Josvki, bami inv nvtvwrpvtvgi ini ugimrwi-drmkumi Mvnatu : 52yrmv ilani Brlvdeli hawv, macimi nvtutvmrga nili u weyrnvli Jesise. 53Macimi u lrsiwanrli nili, chena u tatapvh-pilrli nili wrpi-mvfrni-mudrgi, chena utah saxi-mrli nabowr-lvkugi sekunagi ya-lrlvgahodagi, tvh mvtv lrqv gawvgi ilani mah’ saxigi. 54Chena ina ini Nvnvhewa si grsagigi ini, macimi ini vlwrkvhsi-grsagigi vlami mvwrpvnwi. 55Chena nihki iqaki, mviahci biaci wedfamrcki nili Galale uci, nakvsi-waki, macimi u talrpvdr-nrwv ini nabowr-lvqi, chena ya-sisimofulici u weyrnvli. 56Macimi nihki patagi haki, chena u nvnvhi-ludr-nrwv wrgimyrkuki macimi luminowanv.
Chena ini tv hvlwrkvhsi-gesagigi vlwrkvhseki nihki yasfagi
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published for Thomas Wildcat Alford in 1929