Iranian Azeri Bible

بوتون دونیادا بئر دئل و بئر دانیشیق وار ائدی. ائنسانلار شرقدن کؤچدوکلری زامان شئنعار تورپاغیندا بئر اووا تاپدیلار و اورادا ساکئن اولدولار. سونرا بئربئرلرئنه ددئلر: «گلئن کَرپئج دوزَلدک و اونو یاخشی پئشئرک.» اونلار داش عوضئنه کَرپئج و پالچیق عوضئنه قَطران گؤتوردولر. گئنه ددئلر: «گلئن اؤزوموزه بئر شهر و باشی گؤیلره چاتان بئر بورج تئکئب آد چیخارداق، یوخسا بوتون یِر اوزونه داغیلاجاغیق.»
رب آشاغی اِندی کی، بشر اؤولادلارینین تئکدئیی شهر و بورجو گؤرسون. رب ددی: «باخ، اونلارین هامیسی بئر خالقدیر و بئر دئللری وار. و بو اونلارین اتدئکلرئن باشلانیشی‌دیر. و ائندی اتمک ائستدئکلری هچ ائش اونلارا قیری-مومکون اولمایاجاق. گلئن آشاغی اِنئب، اورادا اونلارین دئلئنی قاریشدیراق کی، بئربئرلرئنئن دئلئنی باشا دوشمه‌سئنلر.» رب اونلاری اورادان بوتون یِر اوزونه یایدی؛ و اونلار شهری تئکمکدن اَل چکدئلر. بونا گؤره ده او یرئن آدینا بابئل ددئلر، چونکی اورادا رب بوتون دونیاداکی آداملارین دئلئنی قاریشدیردی و اورادان اونلاری بوتون یِر اوزونه یایدی.

سامین نسئل تارئخچه‌سی بله‌دئر: سلدن ائکی ائل سونرا، سام یوز یاشیندا اولاندا، اوغلو اَرفَکشَد دوغولدو. اَرفَکشَد دوغولاندان سونرا، سام داها بش یوز ائل یاشادی. اونون داها اوغوللار و قیزلاری اولدو.
اَرفَکشَد اوتوز بش یاشیندا اولاندا، اوغلو شِلَخ دوغولدو. شِلَخ دوغولاندان سونرا، اَرفَکشَد داها دؤرد یوز اوچ ائل یاشادی. اونون داها اوغوللار و قیزلاری اولدو.
شِلَخ اوتوز یاشیندا اولاندا، اوغلو عِبِر دوغولدو. عِبِر دوغولاندان سونرا، شِلَخ داها دؤرد یوز اوچ ائل یاشادی. اونون داها اوغوللار و قیزلاری اولدو.
عِبِر اوتوز دؤرد یاشیندا اولاندا، اوغلو پِلِگ دوغولدو. پِلِگ دوغولاندان سونرا، عِبِر داها دؤرد یوز اوتوز ائل یاشادی. اونون داها اوغوللار و قیزلاری اولدو.
پِلِگ اوتوز یاشیندا اولاندا، اوغلو رِعو دوغولدو. رِعو دوغولاندان سونرا، پِلِگ داها ائکی یوز دوقّوز ائل یاشادی. اونون داها اوغوللار و قیزلاری اولدو.
رِعو اوتوز ائکی یاشیندا اولاندا، اوغلو سِروگ دوغولدو. سِروگ دوغولاندان سونرا، رِعو داها ائکی یوز یدّی ائل یاشادی. اونون داها اوغوللار و قیزلاری اولدو.
سِروگ اوتوز یاشیندا اولاندا، اوغلو ناخور دوغولدو. ناخور دوغولاندان سونرا، سِروگ داها ائکی یوز ائل یاشادی. اونون داها اوغوللار و قیزلاری اولدو.
ناخور ائیئرمی دوقّوز یاشیندا اولاندا، اوغلو تِرَخ دوغولدو. تِرَخ دوغولاندان سونرا، ناخور داها یوز اون دوقّوز ائل یاشادی. اونون داها اوغوللار و قیزلاری اولدو. تِرَخ یتمئش یاشیندا اولاندان سونرا، اوغوللاری اَبرام، ناخور و خاران دوغولدو.
تِرَخئن نسئل تارئخچه‌سی بله‌دئر: تِرَخدن اَبرام، ناخور و خاران اولدو. خاراندان لوط اولدو. خاران آتاسی تِرَخئن صاغلیغیندا دوغولدوغو اؤلکه‌ده، کَلدانی‌لرئن اور شهرئنده اؤلدو. اَبرام و ناخور اؤزلرئنه آرواد آلدیلار. اَبرامین آروادینین آدی سارای، ناخورون آروادینین آدی دا مئلکه ائدی. مئلکه هارانین قیزی و هاران مئلکه و ائسکه‌نئن آتاسی ائدی. سارای سونسوز ائدی، اونون اوشاغی اولموردو.
تِرَخ، اوغلو اَبرامی، نوه‌سی لوطو کی، اوغلو خاراندان قالمیشدی، گلئنی سارانی کی، اوغلو اَبرامین آروادی ائدی، گؤتوردو و کَنَعان تورپاغینا گتمک اوچون کَلدانی‌لرئن اور شهرئندن بئرلئکده چیخدیلار. اونلار خارانا گلئب، اورادا ساکئن اولدولار.
تِرَخ ائکی یوز بش ائل عؤمور سوروب خاراندا اؤلدو.

Lyt til یارادیلیش 11