Ilagano lwa sambi kwa wanhu weng’ha

<div class="version vid1221 iso6393vid" data-vid="1221" data-iso6393="vid">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Muhinza mnghondwa</div><div class="p"> 1Yesu nakaluta kuchidunda cha Mizeituni. 2Mitondo kung'hali lufuku, Yesu nakaluta kahi kuli Ng'handa ya Nguluwi. Wanhu weng'ha wammemelela, na heye kekalisa na nayali yowalangusa. 3Walangusa wa malajizo ga Musa na Mafalisayo nawamwigala mng'handa mdala wamwibate wodita ung'hondwa. Hamba wamuwika hagati. 4Nawamlonjela Yesu, &#8220;Mlangusa, mdala ayu kebatigwa kuli ung'hondwa. 5Kuli Malajizo, Musa kalajiza mdala kota ayu kanguganigwa yatowigwe na maganga mbaka yabagame. Lelo hegwe kwangulonga ndaze?&#8221; 6Nawalonga hino kumjeza Yesu, wogana wapalile honhu ha kumtagusa, ila Yesu kenamiza na kukwada na chidole hasi.</div><div class="p"> 7Lowawele womuuza lukami, kenuka na kuwalonjela, &#8220;Yumwe wa hemwe, yawele hela gehile, yamtozele iganga lya mwaluko mdala yuno.&#8221; 8Hamba kenamiza kahi, kaza kwaandika hasi. 9Lowahuliche ago, waaluka kuka yumweyumwe, walongole wakulu kuli mdodo. Yesu nakapona waliyeka na ayula mdala yemile bahala. 10Yesu loyenuche, nakamuuza ayula mdala, &#8220;Wakohi awala wanhu? Ndaze, haduhu ne yumwe yakutaguse kwa wihe?&#8221;</div><div class="p"> 11Nakedichila, &#8220;Kuduhu ne yumwe, mkulu.&#8221;</div><div class="p">Yesu nakamlonjela, &#8220;Goya, na heni sikutagusa kwa wihe hebu, ila ulute uleche kudita kahi gehile.&#8221;</div><div class="s">Yesu ndo lumuli lwa isi</div><div class="p"> 12Yesu nakawalonjela Mafalisayo, &#8220;Heni nda lumuli lwa isi, munhu yoneche yombinza heni, hojenda kutitu, ila kowa na lumuli lwa ukomu.&#8221;</div><div class="p"> 13Mafalisayo nawamlonjela Yesu, &#8220;Hegwe kwangulavya ulolezi uliyeka kota kwa lumuli, awo ulolezi hulingukomya.&#8221;</div><div class="p"> 14Yesu nakedichila, &#8220;Hebu!,&#8221; &#8220;Wone ndilingilavila ulolezi ndiliyeka, agala gondiwalonjele ndangukomya kwa vila ndivizela kondawile na kondiluta. Hemwe hamvizelele kondawile na kondiluta. 15Hemwe mwangutagusa kota wanhu vyowalingutagusa, heni silingumtagusa ne munhu. 16Ila wone nhaguse, ndahataguse kwa kukomya kwa vila siwele ndiliyeng'ha kwa alino. Mhaza yanhumile kahamwe na heni. 17Yandichigwa kuli Malajizo ga hemwe kota, wone wanhu weli walavye ulolezi, wowa wokomya. 18Ndangilavila ulolezi ndiliyeng'ha kuta nda whaani, na heye Mhaza yanhumile kuli isi, kangulonga hihyo.&#8221;</div><div class="p"> 19Hewo nawamuuza Yesu, &#8220;Mhaza wa hegwe kakohi?&#8221;</div><div class="p">Heye nakawedichila, &#8220;Hemwe hamnzelele heni wala hamzelele Mhaza wa heni?&#8221; &#8220;Wone namnzele heni, mwahamzelele na Mhaza wa heni.&#8221;</div><div class="p"> 20Yesu nakalonga ago vyoyaliyolangusa kuli Ng'handa ya Nguluwi, kuluhengo kowawichile vinhu vyowalavile mli isanduku lya ndolendole. Na kuduhu munhu yamibate, kwa vila mhela wa heye kibatika wali ung'hali.</div><div class="s">Kondiluta heni hemwe hamfika.</div><div class="p"> 21Yesu kahiluchila kuwalonjela, &#8220;Ndanguka, ila hemwe mowa mmhala na mobagama na gehile genu. Kondiluta heni hemwe hamfika.&#8221;</div><div class="p"> 22Vilongozi wa Wayahudi nawalonga, &#8220;Kanguluta kikopola yaliyeng'ha. Lekachoni kangulonga, kondiluta hemwe hamfika hebu?&#8221;</div><div class="p"> 23Yesu nakawedichila, &#8220;Hemwe mwa wanhu wa baha hasi, heni ndawa kuchanya. Hemwe mwa wa isi ino, heni silawile isi ino. 24Ndo mana ndiwalonjeleni, kota mobagama kuli gehile gomditile, na mobagama kwa gehile, wone hamlingukunda kota, &#8216;Heni ndo yuye.&#8217; &#8221;</div><div class="p"> 25Hewo wamuuza, &#8220;Hegwe kwa whaani?&#8221;</div><div class="p">Yesu nakedichila, &#8220;Kota agala gondiwalonjeleni kulawa mwaluko! 26Ndanago menji ga kulonga na ga kuwatagusa hemwe, ila heye yanhumile kangukomya. Na heni ndanguwalonjela wanhu muisi, mbuli zila hela zonyhuliche kulawa kwa heye.&#8221;</div><div class="p"> 27Hawavizelele kota Yesu yaliyolonga mbuli ya Mhaza. 28Hamba Yesu nakalonga na hewo, &#8220;Baho hommwinula Mwana wa Munhu, movizela kota, &#8216;Heni Ndo Yuye&#8217; Hamba movizela kota silingudita kwa ludali lwangu, mina ndangulonga Mhaza goyandanguse. 29Na yula yanhumile heni twahamwe handechile ndiliyeng'ha kwa vila mazuwa gose ndangukola agala galingumnojeza.&#8221;</div><div class="p"> 30Wanhu wenji lowahuliche ago yalonjile nawamkunda.</div><div class="s">Yesu ndo kukomya kowawikani milejehe</div><div class="p"> 31Yesu nayali yowalonjela awala Wayahudi waliwomkunda, Ndangukomya wone mkunde gondiwalangusa, mowa walanguswa wa heni ng'hatu. 32Ahyo movizela kukomya, nako kukomya kowalekani hemwe milejehe.</div><div class="p"> 33Na hewo wamwidichila wata, &#8220;Hetwe twa ivyazi lya Abulahamu, na hatuwele vitumagwa wa munhu yoneche. Lekachoni kwangulonga, &#8216;Mowa milejehe?&#8217; &#8221;</div><div class="p"> 34Yesu nakawalonjela, &#8220;Ndangulonga ndikomya, munhu yoneche yalingudita gehile, kowa chitumagwa wa gehile. 35Chitumagwa hawaga yehanzile na lukolo mazuwa gose, ila mwana kawaga wa lukolo lulula mazuwa gose. 36Wone Mwana yawaleche milejehe, mowa milejehe ng'hatu. 37Ndivizela kota mwa ivyazi lya Abulahamu. Ila mwangugana mng'hopole kwa vila hamlingubochela gondilinguwalangusa. 38Ndangulonga agala gondigawene kwa Mhaza wa heni, ila hemwe namwe mwangudita kota vyomlonjelwe na mhaza wa hemwe.&#8221;</div><div class="p"> 39Hewo nawamwidichila, &#8220;Mhaza wa hetwe Abulahamu.&#8221;</div><div class="p">Yesu nakawalonjela, &#8220;Wone namuwe ivyazi lya Abulahamu, mwahaditile kota vyoyaditile heye. 40Geng'ha gonditile ndo kuwalonjela ga kukomya gonyhuliche kwa Nguluwi, ila hemwe mwangujeza kung'hopola. Abulahamu haditile chinhu kota chino! 41Hemwe mwangukola cho yakolile mhaza wa hemwe.&#8221;</div><div class="p">Hewo wamlonjela wata, &#8220;Hetwe hatuwele vilokote, twanaye Mhaza yumwe hela, na heye ndo Nguluwi.&#8221;</div><div class="p"> 42Yesu kawalonjela, &#8220;Wone Nguluwi nayawe Mhaza wa hemwe, mwahanganile heni, kwa vila mbuya kulawa kwa Nguluwi, na sambi nda hano. Suyile kwa ludali lwangu nene, leka heye nakanhuma. 43Lekachoni hamlinguweza gondilinguwalonjela? Kwa vila hambe muhulichize usenga wa heni. 44Hemwe mwa wana wa mhaza wa hemwe, Limazoga, choyalingugana mhaza wa hemwe, ndo mlingugana kudita. Heye koyaluchile nayali yokopola, na hemile kuli kukomya, kwa vila munhu ayu nayali mdesi. Wone yalonje udesi, kangulajila kota vyoyali, hambi nayali mdesi mhaza wa udesi. 45Ila kwa vila heni ndanguwalonga ndikomya, ndo mina hemwe hamlingukunda. 46Yalikohi yumwe mwa hemwe yolavya ulolezi kota heni ndita gehile? Wone ndilingulonga ndikomya, iwa ndaze hamlingukunda ga heni? 47Munhu wa Nguluwi kahulikaga ulonzi wa Nguluwi, ila hemwe hamuwele wanhu wa Nguluwi, ndo mina hamlinguhulika.&#8221;</div><div class="s">Yesu nayali baha Abulahamu hanavumbuka</div><div class="p"> 48Wayahudi nawamliga Yesu wamuuza walonga, &#8220;Hegwe kwa Msamalia na kuna Limazoga?&#8221; 49Yesu nakawedichila, &#8220;Ndahela Limazoga, ndangumtogola Mhaza wa heni, ila hemwe mwangumbeza heni. 50Heni silingupala ukulu ndiliyeka, ila kuna yumwe yalingupala ukulu awo, na heye ndo mtagusa. 51Ndanguwalonjela ndikomya, munhu yoneche yobochela gondilingulangusa hobagama hebu.&#8221; 52Hamba Wayahudi wamlonjela wata, &#8220;Sambi twangukunda kota hegwe kuna Limazoga! Abulahamu kabagama, na waloli nawabagama, kahi hegwe kwangulonga munhu yobochela goulangusa hobagama hebu! 53Hegwe kwangidita kwa mng'hangala kusinda Mhaza wa hetwe Abulahamu yabagame? Na waloli nawo nawabagama. Hegwe kwangidita kwa whaani?&#8221;</div><div class="p"> 54Yesu nakedichila, &#8220;Wone na iwe kitogola heni ndiliyeka kwali hela mbuli. Heye yotogola ga heni ndo Mhaza wa heni, ayu yomlonga kowa Nguluwi wa hemwe. 55Hamumzelele heye, ila heni, ndimzela. Wone ndonje simzelele ndowa ndilonga udesi kota hemwe vyomuwele wadesi. Ndimzela na ndangukunda ulonzi wa heye. 56Mhaza wa hemwe Abulahamu nakasechelela kalyona zuwa lya kuwa kwa heni, kawona na kasangalala.&#8221;</div><div class="p"> 57Wayahudi nawamlonjela Yesu wata, &#8220;Ung'hali fika mihela kumi jihano. Kumonela kohi Abulahamu?&#8221;</div><div class="p"> 58Yesu nakawedichila, &#8220;Ndanguwalonjela ndikomya, Abulahamu naloyang'hali kuvumbuka, nene ndali baha.&#8221; 59Hamba nawalokota maganga kumtozela Yesu, ila Yesu koka Mng'handa ya Nguluwi.</div>
 </div>
 </div>
</div>

Yesu nakaluta kuchidunda cha Mizeituni. Mitondo kung'hali lufuku, Yesu nakaluta kahi kuli Ng'handa ya Nguluwi. Wanhu weng'ha wammemelela, na heye kekalisa na nayali yowalangusa. Walangusa wa malajizo ga Musa na Mafalisayo nawamwigala mng'handa mdala wamwibate wodita ung'hondwa. Hamba wamuwika hagati. Nawamlonjela Yesu, “Mlangusa, mdala ayu kebatigwa kuli ung'hondwa. Kuli Malajizo, Musa kalajiza mdala kota ayu kanguganigwa yatowigwe na maganga mbaka yabagame. Lelo hegwe kwangulonga ndaze?” Nawalonga hino kumjeza Yesu, wogana wapalile honhu ha kumtagusa, ila Yesu kenamiza na kukwada na chidole hasi.
Lowawele womuuza lukami, kenuka na kuwalonjela, “Yumwe wa hemwe, yawele hela gehile, yamtozele iganga lya mwaluko mdala yuno.” Hamba kenamiza kahi, kaza kwaandika hasi. Lowahuliche ago, waaluka kuka yumweyumwe, walongole wakulu kuli mdodo. Yesu nakapona waliyeka na ayula mdala yemile bahala. Yesu loyenuche, nakamuuza ayula mdala, “Wakohi awala wanhu? Ndaze, haduhu ne yumwe yakutaguse kwa wihe?”
Nakedichila, “Kuduhu ne yumwe, mkulu.”
Yesu nakamlonjela, “Goya, na heni sikutagusa kwa wihe hebu, ila ulute uleche kudita kahi gehile.”

Yesu nakawalonjela Mafalisayo, “Heni nda lumuli lwa isi, munhu yoneche yombinza heni, hojenda kutitu, ila kowa na lumuli lwa ukomu.”
Mafalisayo nawamlonjela Yesu, “Hegwe kwangulavya ulolezi uliyeka kota kwa lumuli, awo ulolezi hulingukomya.”
Yesu nakedichila, “Hebu!,” “Wone ndilingilavila ulolezi ndiliyeka, agala gondiwalonjele ndangukomya kwa vila ndivizela kondawile na kondiluta. Hemwe hamvizelele kondawile na kondiluta. Hemwe mwangutagusa kota wanhu vyowalingutagusa, heni silingumtagusa ne munhu. Ila wone nhaguse, ndahataguse kwa kukomya kwa vila siwele ndiliyeng'ha kwa alino. Mhaza yanhumile kahamwe na heni. Yandichigwa kuli Malajizo ga hemwe kota, wone wanhu weli walavye ulolezi, wowa wokomya. Ndangilavila ulolezi ndiliyeng'ha kuta nda whaani, na heye Mhaza yanhumile kuli isi, kangulonga hihyo.”
Hewo nawamuuza Yesu, “Mhaza wa hegwe kakohi?”
Heye nakawedichila, “Hemwe hamnzelele heni wala hamzelele Mhaza wa heni?” “Wone namnzele heni, mwahamzelele na Mhaza wa heni.”
Yesu nakalonga ago vyoyaliyolangusa kuli Ng'handa ya Nguluwi, kuluhengo kowawichile vinhu vyowalavile mli isanduku lya ndolendole. Na kuduhu munhu yamibate, kwa vila mhela wa heye kibatika wali ung'hali.

Yesu kahiluchila kuwalonjela, “Ndanguka, ila hemwe mowa mmhala na mobagama na gehile genu. Kondiluta heni hemwe hamfika.”
Vilongozi wa Wayahudi nawalonga, “Kanguluta kikopola yaliyeng'ha. Lekachoni kangulonga, kondiluta hemwe hamfika hebu?”
Yesu nakawedichila, “Hemwe mwa wanhu wa baha hasi, heni ndawa kuchanya. Hemwe mwa wa isi ino, heni silawile isi ino. Ndo mana ndiwalonjeleni, kota mobagama kuli gehile gomditile, na mobagama kwa gehile, wone hamlingukunda kota, ‘Heni ndo yuye.’ ”
Hewo wamuuza, “Hegwe kwa whaani?”
Yesu nakedichila, “Kota agala gondiwalonjeleni kulawa mwaluko! Ndanago menji ga kulonga na ga kuwatagusa hemwe, ila heye yanhumile kangukomya. Na heni ndanguwalonjela wanhu muisi, mbuli zila hela zonyhuliche kulawa kwa heye.”
Hawavizelele kota Yesu yaliyolonga mbuli ya Mhaza. Hamba Yesu nakalonga na hewo, “Baho hommwinula Mwana wa Munhu, movizela kota, ‘Heni Ndo Yuye’ Hamba movizela kota silingudita kwa ludali lwangu, mina ndangulonga Mhaza goyandanguse. Na yula yanhumile heni twahamwe handechile ndiliyeng'ha kwa vila mazuwa gose ndangukola agala galingumnojeza.”
Wanhu wenji lowahuliche ago yalonjile nawamkunda.

Yesu nayali yowalonjela awala Wayahudi waliwomkunda, Ndangukomya wone mkunde gondiwalangusa, mowa walanguswa wa heni ng'hatu. Ahyo movizela kukomya, nako kukomya kowalekani hemwe milejehe.
Na hewo wamwidichila wata, “Hetwe twa ivyazi lya Abulahamu, na hatuwele vitumagwa wa munhu yoneche. Lekachoni kwangulonga, ‘Mowa milejehe?’ ”
Yesu nakawalonjela, “Ndangulonga ndikomya, munhu yoneche yalingudita gehile, kowa chitumagwa wa gehile. Chitumagwa hawaga yehanzile na lukolo mazuwa gose, ila mwana kawaga wa lukolo lulula mazuwa gose. Wone Mwana yawaleche milejehe, mowa milejehe ng'hatu. Ndivizela kota mwa ivyazi lya Abulahamu. Ila mwangugana mng'hopole kwa vila hamlingubochela gondilinguwalangusa. Ndangulonga agala gondigawene kwa Mhaza wa heni, ila hemwe namwe mwangudita kota vyomlonjelwe na mhaza wa hemwe.”
Hewo nawamwidichila, “Mhaza wa hetwe Abulahamu.”
Yesu nakawalonjela, “Wone namuwe ivyazi lya Abulahamu, mwahaditile kota vyoyaditile heye. Geng'ha gonditile ndo kuwalonjela ga kukomya gonyhuliche kwa Nguluwi, ila hemwe mwangujeza kung'hopola. Abulahamu haditile chinhu kota chino! Hemwe mwangukola cho yakolile mhaza wa hemwe.”
Hewo wamlonjela wata, “Hetwe hatuwele vilokote, twanaye Mhaza yumwe hela, na heye ndo Nguluwi.”
Yesu kawalonjela, “Wone Nguluwi nayawe Mhaza wa hemwe, mwahanganile heni, kwa vila mbuya kulawa kwa Nguluwi, na sambi nda hano. Suyile kwa ludali lwangu nene, leka heye nakanhuma. Lekachoni hamlinguweza gondilinguwalonjela? Kwa vila hambe muhulichize usenga wa heni. Hemwe mwa wana wa mhaza wa hemwe, Limazoga, choyalingugana mhaza wa hemwe, ndo mlingugana kudita. Heye koyaluchile nayali yokopola, na hemile kuli kukomya, kwa vila munhu ayu nayali mdesi. Wone yalonje udesi, kangulajila kota vyoyali, hambi nayali mdesi mhaza wa udesi. Ila kwa vila heni ndanguwalonga ndikomya, ndo mina hemwe hamlingukunda. Yalikohi yumwe mwa hemwe yolavya ulolezi kota heni ndita gehile? Wone ndilingulonga ndikomya, iwa ndaze hamlingukunda ga heni? Munhu wa Nguluwi kahulikaga ulonzi wa Nguluwi, ila hemwe hamuwele wanhu wa Nguluwi, ndo mina hamlinguhulika.”

Wayahudi nawamliga Yesu wamuuza walonga, “Hegwe kwa Msamalia na kuna Limazoga?” Yesu nakawedichila, “Ndahela Limazoga, ndangumtogola Mhaza wa heni, ila hemwe mwangumbeza heni. Heni silingupala ukulu ndiliyeka, ila kuna yumwe yalingupala ukulu awo, na heye ndo mtagusa. Ndanguwalonjela ndikomya, munhu yoneche yobochela gondilingulangusa hobagama hebu.” Hamba Wayahudi wamlonjela wata, “Sambi twangukunda kota hegwe kuna Limazoga! Abulahamu kabagama, na waloli nawabagama, kahi hegwe kwangulonga munhu yobochela goulangusa hobagama hebu! Hegwe kwangidita kwa mng'hangala kusinda Mhaza wa hetwe Abulahamu yabagame? Na waloli nawo nawabagama. Hegwe kwangidita kwa whaani?”
Yesu nakedichila, “Wone na iwe kitogola heni ndiliyeka kwali hela mbuli. Heye yotogola ga heni ndo Mhaza wa heni, ayu yomlonga kowa Nguluwi wa hemwe. Hamumzelele heye, ila heni, ndimzela. Wone ndonje simzelele ndowa ndilonga udesi kota hemwe vyomuwele wadesi. Ndimzela na ndangukunda ulonzi wa heye. Mhaza wa hemwe Abulahamu nakasechelela kalyona zuwa lya kuwa kwa heni, kawona na kasangalala.”
Wayahudi nawamlonjela Yesu wata, “Ung'hali fika mihela kumi jihano. Kumonela kohi Abulahamu?”
Yesu nakawedichila, “Ndanguwalonjela ndikomya, Abulahamu naloyang'hali kuvumbuka, nene ndali baha.” Hamba nawalokota maganga kumtozela Yesu, ila Yesu koka Mng'handa ya Nguluwi.

Lyt til Yohana 8