<div class="version vid1739 iso6393gnw" data-vid="1739" data-iso6393="gnw">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">P&#235;ti ku&#241;a ime umano wae opa umee ikorepoti Tumpa pe</div><div class="r">(Marcos 12.41-44)</div><div class="p"> 1Jare Jes&#250;s tupao wasu joka pe iko yawe, uecha ikokatu wae reta o&#241;ono &#241;ono&#239; ikorepoti korepoti j&#616;ru pe. Kua korepoti j&#616;ru ko o&#239; kiape o&#241;ono reta waer&#228; korepoti Tumpa pewar&#228;. 2Jare Jes&#250;s uecha wi p&#235;ti ku&#241;a iparawete mii wae ime umano wae. Kua ku&#241;a jae&#241;o o&#241;ono mokui korepoti mii#21.2 Jokua korepoti jeta&#8217;&#228; ko mbae yawa p&#616;pe waer&#228;. korepoti j&#616;ru pe. 3Jayawe Jes&#250;s jei jemimboe reta pe: &#8220;Che tae pewe a&#241;etete wae, pea ku&#241;a iparawete mii wae ime umano wae umee jetaete ye &#239;ru wae reta wi Tumpa jowai,&#8221; jei. 4&#8220;Echa&#8217;&#228; &#239;ru wae reta ueru umee jemb&#616;re chupe wae wi. Er&#235;i pea ku&#241;a, yepe t&#235;i iparawete, er&#235;i jembiur&#228; owata t&#235;i iko p&#616;pe wae opaetei umee Tumpa pewar&#228;,&#8221; jei Jes&#250;s chupe reta.</div><div class="s1">Jes&#250;s um&#616;mbeu tupao wasu opata uit&#616; wae rewa</div><div class="r">(Mateo 24.1-2; Marcos 13.1-2)</div><div class="p"> 5Jare amokue Jes&#250;s jemimboe reta uyem&#616;ngeta yureko tupao wasu rewa. Jei reta: &#8220;Ip&#246;raete ko pea &#616;wamb&#616; reta ita pewa. Jare ikawiete ko mbaembae umee reta wae omop&#246;ra waer&#228;,&#8221; jei reta.</div><div class="p">Jayawe Jes&#250;s jei: 6&#8220;Kua mbaembae pecha pe&#239; wae, ip&#246;ra &#241;ono&#239; t&#235;i,&#8221; jei. &#8220;Er&#235;i jesewe outa uw&#228;e o&#239; ara opa uit&#616; reta waer&#228;. Jare jokua ara ndarau p&#235;ti awe ita up&#616;ta &#239;ru ita i&#225;ramo,&#8221; jei chupe reta.</div><div class="s1">Jes&#250;s oporomboe mbaesusere reta uyeyapota o&#239; wae rewa</div><div class="r">(Mateo 24.3-21; Marcos 13.3-19)</div><div class="p"> 7Jayawe Jes&#250;s jemimboe reta up&#616;randu chupe: &#8220;Oporomboe wae, &#191;k&#235;r&#225;i yawe etei ra uasata kua mbaesusere tupao wasu rewa? Jare opaete kua uyeyapota ma o&#239; yawe, &#191;k&#235;raita pa nduikuaa?&#8221; jei reta chupe.</div><div class="p"> 8Jayawe Jes&#250;s jei chupe reta: &#8220;Piyandareko kawi piy&#233; kuri aw&#616;ye waer&#228; kiawe pemb&#616;taw&#616;,&#8221; jei chupe reta. &#8220;Echa&#8217;&#228; outa jeta cheree pe uyemb&#616;jeeraanga wae reta. Jare jeita t&#235;i reta: &#8216;Che ko jae Cristo.&#8217; Jare jeita pewe reta wi: &#8216;Uw&#228;e ma ara kua &#616;w&#616; opa waer&#228;,&#8217; jeita reta. Er&#235;i pe reta aw&#616;ye perowia jese reta,&#8221; jei chupe reta.</div><div class="p"> 9&#8220;Jare imeta o&#239; &#241;er&#228;ro reta jare tekor&#225;i reta. Er&#235;i piyandu yawe kua reta rewa, aw&#616;ye pek&#616;ye. Echa&#8217;&#228; kua mbaesusere reta uyeyapo &#241;ot&#225;i ko tenonde. Er&#235;i ndei w&#616;te&#241;o ko ara reta opa waer&#228;,&#8221; jei. 10Jare jei wi chupe reta: &#8220;Jeta &#616;w&#616; pewa reta u&#241;er&#228;rota amb&#616;e &#616;w&#616; pewa reta ndiwe, jare jeta mburuwicha reta u&#241;er&#228;rota amb&#616;e mburuwicha reta ndiwe,&#8221; jei chupe reta.</div><div class="p"> 11&#8220;Jare imeta &#616;w&#616;k&#228;ta tuicha wae reta kerupi rupi. Jare imeta karu&#225;i reta jare mbaeras&#616; jas&#616; wae reta. Jare ara re uyekuaata mbaembae k&#616;ye pewa,&#8221; jei.</div><div class="p"> 12&#8220;Er&#235;i ndei kua mbaembae uyeyapo mbowe, &#239;ru wae reta pep&#616;s&#616;ta jare uyapota ikawi mbae wae pewe cher&#233; perowia ramo,&#8221; jei. &#8220;Echa&#8217;&#228; jae reta pereraata itupao reta pe pemb&#616;jeko waer&#228; joko pe. Jare pe&#241;onota reta peresor&#616;ru pe. Jare pereraata reta wi mburuwicha reta jare mburuwicha wasu reta jowai pemb&#616;jeko reta waer&#228;,&#8221; jei. 13&#8220;Er&#235;i jokoropi j&#235;wata pewe pem&#616;mbeu kawi waer&#228; chupe reta che rewa,&#8221; jei Jes&#250;s chupe reta.</div><div class="p"> 14&#8220;Er&#235;i aw&#616;ye piyemb&#616;p&#616;a&#8217;&#228; tenonde woi mbae ra pereta piyerep&#616; waer&#228;. 15Echa&#8217;&#228; che etei ameeta pewe &#241;ee jare arakuaa piyem&#616;ngeta waer&#228;. Jare juku&#228;r&#225;i p&#235;ti awe perowaicho reta ipuereta&#8217;&#228; per&#233; jare uikuaata&#8217;&#228; mbae jei waer&#228; pewe,&#8221; jei chupe reta.</div><div class="p"> 16&#8220;Jokua ara reta rupi amokue peru reta jare pes&#616; reta, jare per&#616;ke&#616; reta jare per&#616;w&#616; reta, jare per&#235;tara reta, jare pe&#239;ru reta pe&#241;onota o&#239; perowaicho reta ipo pe. Jare amokue pe reta peyukakata. 17Jare cher&#233; perowia ramo, opaete seri peam&#616;t&#228;ata,&#8221; jei. 18&#8220;Er&#235;i aw&#616;ye piyemb&#616;p&#616;a&#8217;&#228; kua re. Echa&#8217;&#228; pe reta pe&#239; ko Tumpa ipo pe jare jae uyandarekota o&#239; per&#233;,&#8221; jei. 19&#8220;Jare pem&#616;aw&#228;ta yawe opaete kua mbaembae, Tumpa perep&#616;ta o&#239; chuwi kuri,&#8221; jei chupe reta.</div><div class="p"> 20&#8220;Jare pecha yawe s&#616;ndaro reta opa o&#241;owa &#241;ono&#239; kua t&#235;ta wasu Jerusal&#233;n, pikuaata jae ma ko ou uw&#228;e opa uyemb&#225;i waer&#228;,&#8221; jei. 21&#8220;Jayawe kua &#616;w&#616; Judea pe &#241;ono&#239; wae reta tosi &#616;w&#616;tu wasu reta kot&#616;. Jare kua Jerusal&#233;n pe &#241;ono&#239; wae reta to&#235; wi tosi. Jare kua t&#235;ta wasu ikatu rupi &#241;ono&#239; wae reta aw&#616;ye tou ye wi tuike t&#235;ta wasu pe. 22Echa&#8217;&#228; jokua ara reta rupi Tumpa uiporarakata o&#239; kua t&#235;ta wasu pewa reta pe. Juku&#228;r&#225;i uyekuat&#237;a o&#239; Tumpa i&#241;eer&#616;ru pe. Jare juku&#228;r&#225;i Tumpa uyapota o&#239; jokua uyekuat&#237;a o&#239; wae uyeyapo waer&#228;,&#8221; jei chupe reta.</div><div class="p"> 23&#8220;&#161;Ikuas&#616;ta parawete ku&#241;a ipur&#250;a wae reta jare imemb&#616; umb&#616;kambu &#241;ono&#239; wae reta jokua ara reta rupi! Echa&#8217;&#228; imeta mbaesusere tuichaete wae kua &#616;w&#616; pe Tumpa uiporaraka yawe kua &#241;&#235;tara jud&#237;o reta pe,&#8221; jei. 24&#8220;Jare jeta jae reta umanota k&#616;sepuku pe. Jare &#239;ru wae reta uyereraata peresor&#228; amb&#616;e &#616;w&#616; reta pe,&#8221; jei. &#8220;Jare jud&#237;o mbae wae reta uyemb&#616;iyata kua Jerusal&#233;n re jare yurekota p&#616;pe jae reta ime mbaepuere onoi wae opa rewa,&#8221; jei Jes&#250;s jemimboe reta pe.</div><div class="s1">Kuimbaer&#228; uyeyapo wae ou yeta o&#239;</div><div class="r">(Mateo 24.29-35; Marcos 13.24-31)</div><div class="p"> 25Jare Jes&#250;s jei wi chupe reta: &#8220;Jayawe uyekuaata o&#239; mbaembae amb&#616;e ye ye wae waras&#616; re, yas&#616; re, jare yas&#616;tata reta re. Jare jokua uikuaakata o&#239; ara reta jae ma o&#239; opa waer&#228; wae,&#8221; jei. &#8220;Jare kua &#616;w&#616; pe, mar j&#616;apueteta jare &#616;aparoaroa tuichaeteta. J&#225;eramo &#616;w&#616; pewa reta uk&#616;yeta &#241;ono&#239; jare uikuaata&#8217;&#228; mbae uyapo reta waer&#228;,&#8221; jei. 26&#8220;Jae reta uk&#616;ye p&#616;pei opata ip&#616;r&#228;ta uka&#241;&#616;, jare jeita reta: &#8220;&#191;Mbae ye ra ko aipo uasata o&#239; yandewe?&#8217; jeita reta. Echa&#8217;&#228; opaete ara re o&#239; wae reta u&#241;em&#616;t&#616;mota,&#8221; jei. 27&#8220;Jayawe che kuimbaer&#228; ayeyapo wae, &#616;w&#616; pewa reta cherechata ayu ye a&#239; amap&#616;&#776;tu re chembaepuere jembipete rewe,&#8221; jei chupe reta.</div><div class="p"> 28&#8220;Jayawe opaete kua mbaembae umb&#616;p&#616; uyeyapo o&#239; yawe, pi&#241;em&#616;atang&#228;tuta ko kuri. Echa&#8217;&#228; &#616;mambae Tumpa perep&#616;ta o&#239;,&#8221; jei chupe reta.</div><div class="p"> 29Jayawe Jes&#250;s jei chupe reta umb&#616;jaanga rewe: &#8220;Mase. Pemae &#616;wa#21.29 &#407;wa ko jee &#8220;higo&#8221; kar&#225;i &#241;ee pe. re jare opaete &#616;w&#616;ra reta re,&#8221; jei. 30&#8220;Uyemb&#616;p&#616; ma jok&#616; ye yawe, yaikuaa &#241;a&#239; koi&#241;o ma ko o&#239; ama ok&#616; waer&#228;,&#8221; jei. 31&#8220;Jae rami&#241;o wi pe reta pecha yawe uasa o&#239; kua mbaembae am&#616;mbeu a&#239; pewe wae, pikuaata ko pe&#239; koi&#241;o ma o&#239; Tumpa iko waer&#228; opaete wae imburuwicha wasur&#228; jae&#241;o m&#225;i pewa,&#8221; jei chupe reta.</div><div class="p"> 32&#8220;Che tae pewe a&#241;etete wae, kua &#616;w&#616; pe yureko wae reta ndarau opa umano opaete kua mbaembae reta ndei opa uyeyapo mbowe,&#8221; jei. 33&#8220;Pepuere pikuaa kua &#241;ee che jae a&#239; pewe wae a&#241;etete ko. Echa&#8217;&#228; yepe t&#235;i ara jare &#616;w&#616; opata ko, er&#235;i chi&#241;ee ndara&#250;i opa,&#8221; jei chupe reta.</div><div class="p"> 34-35&#8220;J&#225;eramo piyandareko kawi piy&#233; aw&#616;ye waer&#228; jokua ara piyepokouka p&#235;ti w&#616;ra ip&#616;ranoe pewa oa &#241;uai pe wae rami,&#8221; jei. &#8220;Echa&#8217;&#228; juku&#228;raita uyeyapo o&#239; &#616;w&#616; pewa reta pe. J&#225;eramo aw&#616;ye pekau jare aw&#616;ye peror&#616;katu&#241;o piko. Jare aw&#616;ye wi piyemb&#616;p&#616;a&#8217;&#228; mbaembae &#616;w&#616; pewa re,&#8221; jei. 36&#8220;Jare jekuae&#241;o piyandareko piy&#233;. Jare piyerure Tumpa pe pepuere waer&#228; peoyepe opaete kua mbaembae uyeyapota o&#239; wae wi. Jare piyerure chupe wi pepuere waer&#228; piyembo&#616; jokua ara pemara mbae rewe cherowai, che kuimbaer&#228; ayeyapo wae.&#8221; Juku&#228;r&#225;i Jes&#250;s jei jemimboe reta pe.</div><div class="p"> 37Jare opa ara rupi Jes&#250;s oporomboe tupao wasu joka pe. Jare opa p&#616;&#776;tu rupi o&#235; oo up&#616;ta waer&#228; &#241;aipe Olivorenda jee wae re. 38Jare opa ndimboweas&#616; rupi opaete t&#235;ta wasu pewa reta yuraa tupao wasu joka pe uyap&#616;saka waer&#228; Jes&#250;s i&#241;ee re.</div>
 </div>
 </div>
</div>

Jare Jesús tupao wasu joka pe iko yawe, uecha ikokatu wae reta oñono ñonoï ikorepoti korepoti jɨru pe. Kua korepoti jɨru ko oï kiape oñono reta waerä korepoti Tumpa pewarä. Jare Jesús uecha wi pëti kuña iparawete mii wae ime umano wae. Kua kuña jaeño oñono mokui korepoti mii korepoti jɨru pe. Jayawe Jesús jei jemimboe reta pe: “Che tae pewe añetete wae, pea kuña iparawete mii wae ime umano wae umee jetaete ye ïru wae reta wi Tumpa jowai,” jei. “Echa’ä ïru wae reta ueru umee jembɨre chupe wae wi. Erëi pea kuña, yepe tëi iparawete, erëi jembiurä owata tëi iko pɨpe wae opaetei umee Tumpa pewarä,” jei Jesús chupe reta.


Jare amokue Jesús jemimboe reta uyemɨngeta yureko tupao wasu rewa. Jei reta: “Ipöraete ko pea ɨwambɨ reta ita pewa. Jare ikawiete ko mbaembae umee reta wae omopöra waerä,” jei reta.
Jayawe Jesús jei: “Kua mbaembae pecha peï wae, ipöra ñonoï tëi,” jei. “Erëi jesewe outa uwäe oï ara opa uitɨ reta waerä. Jare jokua ara ndarau pëti awe ita upɨta ïru ita iáramo,” jei chupe reta.


Jayawe Jesús jemimboe reta upɨrandu chupe: “Oporomboe wae, ¿kërái yawe etei ra uasata kua mbaesusere tupao wasu rewa? Jare opaete kua uyeyapota ma oï yawe, ¿këraita pa nduikuaa?” jei reta chupe.
Jayawe Jesús jei chupe reta: “Piyandareko kawi piyé kuri awɨye waerä kiawe pembɨtawɨ,” jei chupe reta. “Echa’ä outa jeta cheree pe uyembɨjeeraanga wae reta. Jare jeita tëi reta: ‘Che ko jae Cristo.’ Jare jeita pewe reta wi: ‘Uwäe ma ara kua ɨwɨ opa waerä,’ jeita reta. Erëi pe reta awɨye perowia jese reta,” jei chupe reta.
“Jare imeta oï ñeräro reta jare tekorái reta. Erëi piyandu yawe kua reta rewa, awɨye pekɨye. Echa’ä kua mbaesusere reta uyeyapo ñotái ko tenonde. Erëi ndei wɨteño ko ara reta opa waerä,” jei. Jare jei wi chupe reta: “Jeta ɨwɨ pewa reta uñerärota ambɨe ɨwɨ pewa reta ndiwe, jare jeta mburuwicha reta uñerärota ambɨe mburuwicha reta ndiwe,” jei chupe reta.
“Jare imeta ɨwɨkäta tuicha wae reta kerupi rupi. Jare imeta karuái reta jare mbaerasɨ jasɨ wae reta. Jare ara re uyekuaata mbaembae kɨye pewa,” jei.
“Erëi ndei kua mbaembae uyeyapo mbowe, ïru wae reta pepɨsɨta jare uyapota ikawi mbae wae pewe cheré perowia ramo,” jei. “Echa’ä jae reta pereraata itupao reta pe pembɨjeko waerä joko pe. Jare peñonota reta peresorɨru pe. Jare pereraata reta wi mburuwicha reta jare mburuwicha wasu reta jowai pembɨjeko reta waerä,” jei. “Erëi jokoropi jëwata pewe pemɨmbeu kawi waerä chupe reta che rewa,” jei Jesús chupe reta.
“Erëi awɨye piyembɨpɨa’ä tenonde woi mbae ra pereta piyerepɨ waerä. Echa’ä che etei ameeta pewe ñee jare arakuaa piyemɨngeta waerä. Jare jukuärái pëti awe perowaicho reta ipuereta’ä peré jare uikuaata’ä mbae jei waerä pewe,” jei chupe reta.
“Jokua ara reta rupi amokue peru reta jare pesɨ reta, jare perɨkeɨ reta jare perɨwɨ reta, jare perëtara reta, jare peïru reta peñonota oï perowaicho reta ipo pe. Jare amokue pe reta peyukakata. Jare cheré perowia ramo, opaete seri peamɨtäata,” jei. “Erëi awɨye piyembɨpɨa’ä kua re. Echa’ä pe reta peï ko Tumpa ipo pe jare jae uyandarekota oï peré,” jei. “Jare pemɨawäta yawe opaete kua mbaembae, Tumpa perepɨta oï chuwi kuri,” jei chupe reta.
“Jare pecha yawe sɨndaro reta opa oñowa ñonoï kua tëta wasu Jerusalén, pikuaata jae ma ko ou uwäe opa uyembái waerä,” jei. “Jayawe kua ɨwɨ Judea pe ñonoï wae reta tosi ɨwɨtu wasu reta kotɨ. Jare kua Jerusalén pe ñonoï wae reta toë wi tosi. Jare kua tëta wasu ikatu rupi ñonoï wae reta awɨye tou ye wi tuike tëta wasu pe. Echa’ä jokua ara reta rupi Tumpa uiporarakata oï kua tëta wasu pewa reta pe. Jukuärái uyekuatía oï Tumpa iñeerɨru pe. Jare jukuärái Tumpa uyapota oï jokua uyekuatía oï wae uyeyapo waerä,” jei chupe reta.
“¡Ikuasɨta parawete kuña ipurúa wae reta jare imembɨ umbɨkambu ñonoï wae reta jokua ara reta rupi! Echa’ä imeta mbaesusere tuichaete wae kua ɨwɨ pe Tumpa uiporaraka yawe kua ñëtara judío reta pe,” jei. “Jare jeta jae reta umanota kɨsepuku pe. Jare ïru wae reta uyereraata peresorä ambɨe ɨwɨ reta pe,” jei. “Jare judío mbae wae reta uyembɨiyata kua Jerusalén re jare yurekota pɨpe jae reta ime mbaepuere onoi wae opa rewa,” jei Jesús jemimboe reta pe.


Jare Jesús jei wi chupe reta: “Jayawe uyekuaata oï mbaembae ambɨe ye ye wae warasɨ re, yasɨ re, jare yasɨtata reta re. Jare jokua uikuaakata oï ara reta jae ma oï opa waerä wae,” jei. “Jare kua ɨwɨ pe, mar jɨapueteta jare ɨaparoaroa tuichaeteta. Jáeramo ɨwɨ pewa reta ukɨyeta ñonoï jare uikuaata’ä mbae uyapo reta waerä,” jei. “Jae reta ukɨye pɨpei opata ipɨräta ukañɨ, jare jeita reta: “¿Mbae ye ra ko aipo uasata oï yandewe?’ jeita reta. Echa’ä opaete ara re oï wae reta uñemɨtɨmota,” jei. “Jayawe che kuimbaerä ayeyapo wae, ɨwɨ pewa reta cherechata ayu ye aï amapɨ̈tu re chembaepuere jembipete rewe,” jei chupe reta.
“Jayawe opaete kua mbaembae umbɨpɨ uyeyapo oï yawe, piñemɨatangätuta ko kuri. Echa’ä ɨmambae Tumpa perepɨta oï,” jei chupe reta.
Jayawe Jesús jei chupe reta umbɨjaanga rewe: “Mase. Pemae ɨwa re jare opaete ɨwɨra reta re,” jei. “Uyembɨpɨ ma jokɨ ye yawe, yaikuaa ñaï koiño ma ko oï ama okɨ waerä,” jei. “Jae ramiño wi pe reta pecha yawe uasa oï kua mbaembae amɨmbeu aï pewe wae, pikuaata ko peï koiño ma oï Tumpa iko waerä opaete wae imburuwicha wasurä jaeño mái pewa,” jei chupe reta.
“Che tae pewe añetete wae, kua ɨwɨ pe yureko wae reta ndarau opa umano opaete kua mbaembae reta ndei opa uyeyapo mbowe,” jei. “Pepuere pikuaa kua ñee che jae aï pewe wae añetete ko. Echa’ä yepe tëi ara jare ɨwɨ opata ko, erëi chiñee ndaraúi opa,” jei chupe reta.
“Jáeramo piyandareko kawi piyé awɨye waerä jokua ara piyepokouka pëti wɨra ipɨranoe pewa oa ñuai pe wae rami,” jei. “Echa’ä jukuäraita uyeyapo oï ɨwɨ pewa reta pe. Jáeramo awɨye pekau jare awɨye perorɨkatuño piko. Jare awɨye wi piyembɨpɨa’ä mbaembae ɨwɨ pewa re,” jei. “Jare jekuaeño piyandareko piyé. Jare piyerure Tumpa pe pepuere waerä peoyepe opaete kua mbaembae uyeyapota oï wae wi. Jare piyerure chupe wi pepuere waerä piyemboɨ jokua ara pemara mbae rewe cherowai, che kuimbaerä ayeyapo wae.” Jukuärái Jesús jei jemimboe reta pe.
Jare opa ara rupi Jesús oporomboe tupao wasu joka pe. Jare opa pɨ̈tu rupi oë oo upɨta waerä ñaipe Olivorenda jee wae re. Jare opa ndimboweasɨ rupi opaete tëta wasu pewa reta yuraa tupao wasu joka pe uyapɨsaka waerä Jesús iñee re.

Lyt til Lucas 21