Mampruli - 2001 Edition (Drama NT)

<div class="version vid1784 iso6393maw" data-vid="1784" data-iso6393="maw">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="p"> 1Ka di daa ni&#331;i daba ata ka ba daa ti ya puusi amriya kyuu Galilii tingba&#331;&#331;u tinkpanseaa kan yuuri boonni Kanna la. Yisa ma gba daa b&#603; la amriya maa ni. 2T&#596;; ka ba daa booli Yisa ni u nyaand&#596;liba gba ni ba b&#603; amriya maa ni. 3Ka amriya yiri dima bunnyuuriseelli ban daa nyuuri maa daa ti p&#596;sigi. Ka Yisa ma daa y&#603;li u, ni, ba laa n&#8209;ka daam. 4Ka Yisa daa labsi n&#8209;y&#603;li u, ni, &#8220;M ma, n nuu b&#603; la i y&#603;tt&#596;'a wa ni? Ay! - n saha na bu paai.&#8221; 5U ma mun daa y&#603;li yiri maa biisi, ni, &#8220;U yi ti y&#603;li ya, ni, ya ni&#331;i seem, ya ni&#331;ma lala.&#8221; 6T&#596;, ka Y&#603;hudiya dima zaaligu daa wulisi, ni, ba mari koom n&#8209;zaali ba wungyee&#331;&#331;u kaari ningbimpeaari zugu; ka lala zugu k&#596;sinsi ayoobu daa z&#603; b&#603;ni, bunkara. 7Di saha ka Yisa daa ti y&#603;li yiri maa biisi, ni, ba gbeaama koom na m&#8209;paali sinsi maa. Ka ba daa gbeaai na m&#8209;paali a zaa. 8Ka u y&#603;li ba, ni, &#8220;T&#596;, pampa&#331;&#331;&#596; ya gbeaam m&#8209;mari n&#8209;kya&#331;&#331;i n&#8209;ti &#331;&#596;n su kyuu y&#603;la maa.&#8221; Ka ba daa ni&#331;i lala. 9Ka kyuu maa daana daa deaai n&#8209;nyu beela, ka di daa pun labgi daam; doo maa daa bu ba&#331;&#331;i daam maa &#331;&#596;n yi seelli na, amaa biseeba ban daa gbeaai bu na la daa mi. Di saha ka kyudaana maa daa booli p&#596;'apaalli sira maa na 10nti y&#603;li u, ni, &#8220;I ni&#331;i la wula? Dama niriba yi da&#331;&#331;i n&#8209;yiisiri daseebu bun nya'asa n&#8209;tisiri zama maa p&#596;i, ka naayi yiisi bump&#603;tti n&#8209;ti ba, ban pun nyu n&#8209;tigi sahanseaa la. Nyin mun na bu yiisi bunsu&#331;&#331;u wa na halli ni pampa&#331;&#331;&#596;a.&#8221; 11Din&#331;&#596; n ny&#603; alahazibu tunseelli Yisa &#331;&#596;n daa da&#331;&#331;i n&#8209;tum n&#8209;wulisi u yiiko &#331;&#596;n daa ny&#603; seem la. Galilii tingba&#331;&#331;u tinkpanseelli kan boonni Kanna ka u daa tum alahazibu tumni maa. Ka u nyaand&#596;liba daa ti ni&#331;i u y&#603;dda di zugu.</div><div class="p"> 12Di nyaa&#331;&#331;a ka Yisa daa doaai n&#8209;kya&#331;&#331;i Kapirinyum, &#331;&#596;n ni u ma, ni u sunz&#596;ppa, ni u nyaand&#596;liba. Ka ba daa paai nti ni&#331;i dabsa ayi b&#603;ni.</div><div class="p"> 13Sahanseaa ka di daa ti p&#596;tti Y&#603;hudiyadima maa Yakki-n&#8209;Gaari Kyuu puusigu la saha, ka Yisa daa ky&#603; Gy&#603;rusal&#603;m na 14nti kp&#603; Gyee&#331;&#331;u Yiri maa ni n&#8209;nya ban daa diri daa b&#603;ni. Baseeba daa koosiri nigi ni peesi ni &#331;mana, maaligu zugu, ka seeba mun daa zintiri n&#8209;takkri ligri, lampoo maa zugu. 15Di saha ka u daa za&#331;&#331;i miisi m&#8209;mili a taaba ka mari n&#8209;feebri ba zaa n&#8209;katti n&#8209;yiisiri Gyee&#331;&#331;u Yiri maa ni. Ka laa n&#8209;kari ba bunk&#596;bri, ka daai la'atakkriba teebulidima ka ky&#603; ka ba ligri maa zaa kpaai m&#8209;basi. 16Ka daa y&#603;li &#331;mankoosiriba, ni, ba mari an&#331;&#596; zaa n&#8209;kya&#331;&#331;i, ni, &#8220;Ya di ky&#603; ka m Ba Naawunni Yiri leebi daa!&#8221; 17Ka u nyaand&#596;liba daa teaaya din daa s&#596;bi n&#8209;dooli seem, ni, &#8220;Nimbirimoaa i Yiri maa zugu mari ma n&#8209;daamna.&#8221; 18Di saha maa ka Y&#603;hudiya dima maa daa y&#603;li u, ni, &#8220;Alahazibu tumni b&#596; ka i nin tum n&#8209;wulisiri ti, ni, soori b&#603; ni, ni i ni&#331;ni an&#331;&#596; zaa?&#8221; 19Ka Yisa daa labsi n&#8209;y&#603;li ba, ni, &#8220;T&#596;, ya wurimma Yiri wa m&#8209;basi, ka n nin laa n&#8209;labi m&#8209;m&#603; ka n&#8209;zaali, daba ata saha.&#8221; 20Ka ba daa y&#603;li, ni, &#8220;Yuuma pisinaasi ni ayoobu ka ba daa za&#331;&#331;i m&#8209;m&#603; Gyee&#331;&#331;u Yiri wa, ka nyin ti y&#603;li, ni, i nin m&#603; ka dabsa ata saha, fa?&#8221; 21Amaa u ningbina y&#603;la ka u daa y&#603;tti maa, n&#8209;&#331;mansi hoo Naawunni Gyee&#331;&#331;u Yiri la. 22&#330;&#596;n daa ti neaai kum ni la nyaa&#331;&#331;a sahanseelli la ka u nyaand&#596;liba daa naayi teaai, ni, u daa pun y&#603;li ba y&#603;lli wa n&#8209;zaali. Ka dizugu ba daa ti ni&#331;i y&#603;dda za&#331;&#331;i n&#8209;kya&#331;&#331;i din daa s&#596;bi n&#8209;dooli, ni &#331;&#596;n Yisa &#331;&#596;n daa y&#603;li seem la.</div><div class="p"> 23Yisa &#331;&#596;n daa b&#603; Gy&#603;rusal&#603;m timpuuni, Yakki-n&#8209;Gaari Kyuu puusigu saha la, niriba pam daa ni&#331;i u y&#603;dda, ban daa nya alahazibu tunseesi &#331;&#596;n daa wulisiri la zugu. 24Yisa mun daa bu ni&#331;i ba y&#603;dda, dama u daa ba&#331;&#331;i ba zaa y&#603;la. 25U daa bu sakki m&#8209;basi u ma&#331;&#331;a n&#8209;ti ba, dama u daa pun mi din b&#603; ninsaala kam sufu ni, ka pa ni s&#596; y&#603;li u.</div>
 </div>
 </div>
</div>

Ka di daa niŋi daba ata ka ba daa ti ya puusi amriya kyuu Galilii tingbaŋŋu tinkpanseaa kan yuuri boonni Kanna la. Yisa ma gba daa bɛ la amriya maa ni. Tɔ; ka ba daa booli Yisa ni u nyaandɔliba gba ni ba bɛ amriya maa ni. Ka amriya yiri dima bunnyuuriseelli ban daa nyuuri maa daa ti pɔsigi. Ka Yisa ma daa yɛli u, ni, ba laa n‑ka daam. Ka Yisa daa labsi n‑yɛli u, ni, “M ma, n nuu bɛ la i yɛttɔ'a wa ni? Ay! - n saha na bu paai.” U ma mun daa yɛli yiri maa biisi, ni, “U yi ti yɛli ya, ni, ya niŋi seem, ya niŋma lala.” Tɔ, ka Yɛhudiya dima zaaligu daa wulisi, ni, ba mari koom n‑zaali ba wungyeeŋŋu kaari ningbimpeaari zugu; ka lala zugu kɔsinsi ayoobu daa zɛ bɛni, bunkara. Di saha ka Yisa daa ti yɛli yiri maa biisi, ni, ba gbeaama koom na m‑paali sinsi maa. Ka ba daa gbeaai na m‑paali a zaa. Ka u yɛli ba, ni, “Tɔ, pampaŋŋɔ ya gbeaam m‑mari n‑kyaŋŋi n‑ti ŋɔn su kyuu yɛla maa.” Ka ba daa niŋi lala. Ka kyuu maa daana daa deaai n‑nyu beela, ka di daa pun labgi daam; doo maa daa bu baŋŋi daam maa ŋɔn yi seelli na, amaa biseeba ban daa gbeaai bu na la daa mi. Di saha ka kyudaana maa daa booli pɔ'apaalli sira maa na nti yɛli u, ni, “I niŋi la wula? Dama niriba yi daŋŋi n‑yiisiri daseebu bun nya'asa n‑tisiri zama maa pɔi, ka naayi yiisi bumpɛtti n‑ti ba, ban pun nyu n‑tigi sahanseaa la. Nyin mun na bu yiisi bunsuŋŋu wa na halli ni pampaŋŋɔa.” Dinŋɔ n nyɛ alahazibu tunseelli Yisa ŋɔn daa daŋŋi n‑tum n‑wulisi u yiiko ŋɔn daa nyɛ seem la. Galilii tingbaŋŋu tinkpanseelli kan boonni Kanna ka u daa tum alahazibu tumni maa. Ka u nyaandɔliba daa ti niŋi u yɛdda di zugu.
Di nyaaŋŋa ka Yisa daa doaai n‑kyaŋŋi Kapirinyum, ŋɔn ni u ma, ni u sunzɔppa, ni u nyaandɔliba. Ka ba daa paai nti niŋi dabsa ayi bɛni.
Sahanseaa ka di daa ti pɔtti Yɛhudiyadima maa Yakki-n‑Gaari Kyuu puusigu la saha, ka Yisa daa kyɛ Gyɛrusalɛm na nti kpɛ Gyeeŋŋu Yiri maa ni n‑nya ban daa diri daa bɛni. Baseeba daa koosiri nigi ni peesi ni ŋmana, maaligu zugu, ka seeba mun daa zintiri n‑takkri ligri, lampoo maa zugu. Di saha ka u daa zaŋŋi miisi m‑mili a taaba ka mari n‑feebri ba zaa n‑katti n‑yiisiri Gyeeŋŋu Yiri maa ni. Ka laa n‑kari ba bunkɔbri, ka daai la'atakkriba teebulidima ka kyɛ ka ba ligri maa zaa kpaai m‑basi. Ka daa yɛli ŋmankoosiriba, ni, ba mari anŋɔ zaa n‑kyaŋŋi, ni, “Ya di kyɛ ka m Ba Naawunni Yiri leebi daa!” Ka u nyaandɔliba daa teaaya din daa sɔbi n‑dooli seem, ni, “Nimbirimoaa i Yiri maa zugu mari ma n‑daamna.” Di saha maa ka Yɛhudiya dima maa daa yɛli u, ni, “Alahazibu tumni bɔ ka i nin tum n‑wulisiri ti, ni, soori bɛ ni, ni i niŋni anŋɔ zaa?” Ka Yisa daa labsi n‑yɛli ba, ni, “Tɔ, ya wurimma Yiri wa m‑basi, ka n nin laa n‑labi m‑mɛ ka n‑zaali, daba ata saha.” Ka ba daa yɛli, ni, “Yuuma pisinaasi ni ayoobu ka ba daa zaŋŋi m‑mɛ Gyeeŋŋu Yiri wa, ka nyin ti yɛli, ni, i nin mɛ ka dabsa ata saha, fa?” Amaa u ningbina yɛla ka u daa yɛtti maa, n‑ŋmansi hoo Naawunni Gyeeŋŋu Yiri la. Ŋɔn daa ti neaai kum ni la nyaaŋŋa sahanseelli la ka u nyaandɔliba daa naayi teaai, ni, u daa pun yɛli ba yɛlli wa n‑zaali. Ka dizugu ba daa ti niŋi yɛdda zaŋŋi n‑kyaŋŋi din daa sɔbi n‑dooli, ni ŋɔn Yisa ŋɔn daa yɛli seem la.
Yisa ŋɔn daa bɛ Gyɛrusalɛm timpuuni, Yakki-n‑Gaari Kyuu puusigu saha la, niriba pam daa niŋi u yɛdda, ban daa nya alahazibu tunseesi ŋɔn daa wulisiri la zugu. Yisa mun daa bu niŋi ba yɛdda, dama u daa baŋŋi ba zaa yɛla. U daa bu sakki m‑basi u maŋŋa n‑ti ba, dama u daa pun mi din bɛ ninsaala kam sufu ni, ka pa ni sɔ yɛli u.

Lyt til GYƆNI 2