Haitian Creole

<div class="version vid1957 iso6393hat" data-vid="1957" data-iso6393="hat">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Konsa, Bondye te fin f&#232; sy&#232;l la, lat&#232; a ansanm ak tou sa ki ladan yo. 2Sou #Egz 20.11; 31.17; Eb 4.4 sis jou, Bondye te fin f&#232; tou sa l t'ap f&#232; a. Sety&#232;m jou a, li sispann travay. 3Li beni sety&#232;m jou a, li konsakre li pou li. Paske jou sa a, li te sispann travay, apre li fin kreye tout sa li t'ap kreye. 4Se konsa sa te pase l&#232; Bondye t'ap kreye sy&#232;l la ak t&#232; a.</div><div class="p">L&#232; Seny&#232; Bondye t'ap f&#232; lat&#232; ak tout sa ki nan sy&#232;l la, 5pa te gen yon ti pyebwa menm sou lat&#232;. Okenn z&#232;b pa t' ank&#242; pouse paske Bondye pa t'ank&#242; voye lapli sou lat&#232;. L&#232;fini pa t'ank&#242; gen moun pou travay lat&#232;. 6Men yon vap&#232; leve soti nan t&#232; a moute, lapli tonbe wouze tout t&#232; a.</div><div class="p"> 7L&#232; #Jen 3.19; 7.22; J&#242;b 33.4; Ekl 12.7; 1 Kor 15.45,47 sa a, Seny&#232; a, Bondye a, pran pousy&#232; t&#232;, li f&#232; yon nonm. #2.7: pousy&#232; t&#232;&#8230;nonm: Nan lang ebre a mo ki vle di pousy&#232; t&#232; a (adamah) ak mo ki vle di nonm lan (adam) bata sonnen menm jan. Men, yo s&#232;vi ak mo Adan an tankou yon non moun tou. Li soufle nan twou nen nonm lan pou l ba li lavi. Epi nonm lan vin vivan.</div><div class="s1">Jaden Edenn lan</div><div class="p"> 8Seny&#232; a, #Jen 13.10; Eza 51.3 Bondye a, plante yon jaden yon kote yo rele Edenn, b&#242; kote sol&#232;y leve a. Se la li mete nonm li te f&#232; a. 9Seny&#232; a, #Jen 2.17; 3.22; Rev 22.2,14 Bondye a, te f&#232; tout kalite pyebwa leve nan jaden an, b&#232;l pyebwa ki donnen fwi ki bon pou manje. Nan mitan jaden an te gen de gwo pyebwa: yonn se te pyebwa ki bay lavi a, l&#242;t la se te pyebwa ki f&#232; moun konnen sa ki byen ak sa ki mal la. 10Yon gwo larivy&#232; s&#242;ti nan peyi Edenn, li wouze jaden an. Larivy&#232; a te f&#232; kat branch. 11Premye #Jen 25.18; 1 Sam 15.7 branch lan te rele Pichon. Se larivy&#232; sa a ki wouze tout peyi Avila a, peyi kote yo jwenn anpil l&#242; a. 12Se nan peyi sa a yo jwenn pi bon l&#242; ansanm ak pyebwa gonm arabik ak yon py&#232; wouj ki koute ch&#232; yo rele oniks. 13Dezy&#232;m larivy&#232; a rele Giyon. Se li ki wouze tout peyi Kouch la. 14Twazy&#232;m #Da 10.4 larivy&#232; a rele Tig. Se li ki pase nan peyi Lasiri, sou b&#242; sol&#232;y leve a. Katriy&#232;m larivy&#232; a se Lefrat.</div><div class="p"> 15Seny&#232; a, Bondye a, pran nonm lan, li mete l nan jaden Edenn lan pou l travay li, pou l pran swen l. 16Seny&#232; a, Bondye a, bay nonm lan l&#242;d sa a:</div><div class="p">&#8212; Ou m&#232;t manje donn tout pyebwa ki nan jaden an. 17Men piga ou manje donn pyebwa ki bay konesans sa ki byen ak sa ki mal la. Paske jou ou manje li, w'ap mouri kanmenm.</div><div class="p"> 18Seny&#232; a, Bondye a, di ank&#242;:</div><div class="p">&#8212; Sa pa bon pou nonm lan rete pou kont li. M'ap f&#232; yon l&#242;t moun sanble av&#232; l pou ede l.</div><div class="p"> 19Se #Jen 1.20,24 konsa, Seny&#232; Bondye pran t&#232;. Li f&#232; tout kalite zannimo ak tout kalite zwazo ki genyen. L&#232;fini, li mennen yo bay nonm lan pou w&#232; ki non li ta pral ba yo dekwa pou non an ka rete pou yo n&#232;t. 20Se konsa, nonm lan bay tout b&#232;t yo gade, tout b&#232;t nan bwa ak tout zwazo ki nan sy&#232;l la non yo. Men, pat gen yonn ki te sanble av&#232; l, ki ta ka ede l. 21L&#232; #Jen 15.12; 1 Sam 26.12 sa a, Seny&#232; a, Bondye a, f&#232; d&#242;mi pran nonm lan. Mesye d&#242;mi n&#232;t ale. Pandan l'ap d&#242;mi an, Bondye louvri b&#242; k&#242;t li, li wete yon zo k&#242;t. Apre sa, li f&#232;men twou a byen f&#232;men. 22Av&#232;k zo k&#242;t li te wete nan nonm lan, li f&#232; yon fanm, li mennen l ba li. 23L&#232; #Jen 29.14; Jij 9.2; 2 Sam 5.1; 1 Kor 11.8; Ef 5.30 nonm lan w&#232; l, li di:</div><div class="q1">&#8212; Aa! Fwa sa a, men yonn ki menm jan av&#232; m!</div><div class="q1">Zo l se zo mwen.</div><div class="q1">Ch&#232; l se ch&#232; mwen.</div><div class="q1">Y'a rele l fanm, #2.23: fanm: Nan lang ebre a mo ki vle di fanm lan se ichcha. Li s&#242;ti nan yon l&#242;t mo ebre ich ki vle di gason. paske se nan gason li s&#242;ti.</div><div class="p"> 24Se #Mat 19.5; Mak 10.7; 1 Kor 6.16; Ef 5.28-31 pout&#232;t sa, gason ap kite manman li ak papa li pou li atache ak madanm li, epi yo de a ap vin f&#232; yon s&#232;l.</div><div class="p"> 25Adan ak madanm li te toutouni, men yonn pa te wont l&#242;t.</div>
 </div>
 </div>
</div>

Haitian Creole DC Bible © Societé Biblique Haïtienne, 1998.

Konsa, Bondye te fin fè syèl la, latè a ansanm ak tou sa ki ladan yo. Sou sis jou, Bondye te fin fè tou sa l t'ap fè a. Setyèm jou a, li sispann travay. Li beni setyèm jou a, li konsakre li pou li. Paske jou sa a, li te sispann travay, apre li fin kreye tout sa li t'ap kreye. Se konsa sa te pase lè Bondye t'ap kreye syèl la ak tè a.
Lè Senyè Bondye t'ap fè latè ak tout sa ki nan syèl la, pa te gen yon ti pyebwa menm sou latè. Okenn zèb pa t' ankò pouse paske Bondye pa t'ankò voye lapli sou latè. Lèfini pa t'ankò gen moun pou travay latè. Men yon vapè leve soti nan tè a moute, lapli tonbe wouze tout tè a.
Lè sa a, Senyè a, Bondye a, pran pousyè tè, li fè yon nonm. Li soufle nan twou nen nonm lan pou l ba li lavi. Epi nonm lan vin vivan.

Senyè a, Bondye a, plante yon jaden yon kote yo rele Edenn, bò kote solèy leve a. Se la li mete nonm li te fè a. Senyè a, Bondye a, te fè tout kalite pyebwa leve nan jaden an, bèl pyebwa ki donnen fwi ki bon pou manje. Nan mitan jaden an te gen de gwo pyebwa: yonn se te pyebwa ki bay lavi a, lòt la se te pyebwa ki fè moun konnen sa ki byen ak sa ki mal la. Yon gwo larivyè sòti nan peyi Edenn, li wouze jaden an. Larivyè a te fè kat branch. Premye branch lan te rele Pichon. Se larivyè sa a ki wouze tout peyi Avila a, peyi kote yo jwenn anpil lò a. Se nan peyi sa a yo jwenn pi bon lò ansanm ak pyebwa gonm arabik ak yon pyè wouj ki koute chè yo rele oniks. Dezyèm larivyè a rele Giyon. Se li ki wouze tout peyi Kouch la. Twazyèm larivyè a rele Tig. Se li ki pase nan peyi Lasiri, sou bò solèy leve a. Katriyèm larivyè a se Lefrat.
Senyè a, Bondye a, pran nonm lan, li mete l nan jaden Edenn lan pou l travay li, pou l pran swen l. Senyè a, Bondye a, bay nonm lan lòd sa a:
— Ou mèt manje donn tout pyebwa ki nan jaden an. Men piga ou manje donn pyebwa ki bay konesans sa ki byen ak sa ki mal la. Paske jou ou manje li, w'ap mouri kanmenm.
Senyè a, Bondye a, di ankò:
— Sa pa bon pou nonm lan rete pou kont li. M'ap fè yon lòt moun sanble avè l pou ede l.
Se konsa, Senyè Bondye pran tè. Li fè tout kalite zannimo ak tout kalite zwazo ki genyen. Lèfini, li mennen yo bay nonm lan pou wè ki non li ta pral ba yo dekwa pou non an ka rete pou yo nèt. Se konsa, nonm lan bay tout bèt yo gade, tout bèt nan bwa ak tout zwazo ki nan syèl la non yo. Men, pat gen yonn ki te sanble avè l, ki ta ka ede l. Lè sa a, Senyè a, Bondye a, fè dòmi pran nonm lan. Mesye dòmi nèt ale. Pandan l'ap dòmi an, Bondye louvri bò kòt li, li wete yon zo kòt. Apre sa, li fèmen twou a byen fèmen. Avèk zo kòt li te wete nan nonm lan, li fè yon fanm, li mennen l ba li. Lè nonm lan wè l, li di:
— Aa! Fwa sa a, men yonn ki menm jan avè m!
Zo l se zo mwen.
Chè l se chè mwen.
Y'a rele l fanm, paske se nan gason li sòti.
Se poutèt sa, gason ap kite manman li ak papa li pou li atache ak madanm li, epi yo de a ap vin fè yon sèl.
Adan ak madanm li te toutouni, men yonn pa te wont lòt.

Lyt til Jenèz 2