<div class="version vid2136 iso6393prq" data-vid="2136" data-iso6393="prq">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Ca&#237;n aajatzi Abel.</div><div class="p"> 1Okanta apaata imaantakaro iina Ad&#225;n. Ari omotyaataki iroori, tzimaki otomi. Okanta-siritzi Eva: &#8220;Nowaiyantaki iro&#241;aaka notomi. Iriitaki Pawa kantakaaro nowaiyantiri.&#8221; Irootaki opaitan-takariri otomi &#8220;Waiyantaantsi&#8221;. Tima iroka wairontsi Waiyantaantsi, irootaki ikantziri i&#241;aaniki irirori &#8220;Ca&#237;n&#8221;. 2Ipo&#241;aa itzimanaji pasini otomi, opaitakiri Abel, iriitaki iririntzi-tanakari Ca&#237;n. Pirawai-tachari inaki Abel, iriima Ca&#237;n pankiwai-taniri inatzi. 3Ikanta apaata Ca&#237;n, yaanaki iwankiri yasitakai-yaari Pawa impinkatha-tantyaariri. 4Ari ikimitakari irirori Abel, yaanakiniri Pawa itarori itzimi ipira, iriipiro-tatsiri iwathatzi. Oshiki yaakamiitha-takiri Pawa Abel, ari ikimitaa-kiro yasitakaa-kariri. #4.4 ipira = oisha = oveja 5Iriima Ca&#237;n timachiini yaakamiithatiri, ari ikimitaa-kiro okaratzi yasitakaa-witakariri. Irootaki ikisantana-kari Ca&#237;n. 6Ikantawi-takari Pawa: &#8220;&#161;Ca&#237;n! &#191;Paitama pikisawai-tantari? &#191;Paitama pipasini-kyaatantari? 7Arimi pantiro kamiithari, airo pipasini-kyaawai-tzimi. Iro kantacha, aririka pantakiro pikinkithasiritari aritaki pinkaaripiro-siritaki. Ontzimatyii piitsinampairo iroka.&#8221;</div><div class="p"> 8Ikanta apaata Ca&#237;n, ikantakiri iririntzi Abel: &#8220;&#161;Iy&#237;! Thami ankinawaiti owaantsiki.&#8221; Ari iwakiriri anta iririntzi. 9Isampitakiri Pawa, ikantziri: &#8220;&#161;Ca&#237;n! &#191;Tsikama ikinakika pirintzi?&#8221; Ikantzi Ca&#237;n: &#8220;Ti noyoti. &#191;Naakama kimpoyiiriri?&#8221; 10Ari yapiitziri ikantziri: &#8220;&#191;Paitama pantakiri? Tima nokimakiro iriraani pirintzi okimiwai-takaro onkaima-kaima-tatyiinami kipatsiki tsika piwakiri. 11Mishataari pinaatyii awiroka iro&#241;aaka, airo pinampi-taaro aka tsika osiyakaro omiritakityii-yaaromi kipatsi iriraani pirintzi piwakiri. 12Pankiwai-rintzi pinawityaa, airomaita pi&#241;aayi-tairo onkitho-tzimo-taimi. Kinakina-waitaniri pinkantajyaa, airo pamita pisaikajiro pinampiki.&#8221; 13Yakanaki Ca&#237;n, ikantzi: &#8220;Airo namawitziro okaratzi pikantaki-nari, pimapiro-takina. 14Pimisitowa-kina aka, kinakina-waitaniri nonkantajyaa, airo namitaja nosaikairo nonampiki. Inkarati &#241;aayitainani, aritaki iwaitajina.&#8221; 15Ikantzi Pawa: &#8220;Itzimi-rika owaji-mini awiroka, oshiki impiyatai-tyaari irirori.&#8221; Airo iwan-taitari Ca&#237;n, ikimi-takaan-takari Pawa inkin-tawatha-tatyiirimi iyoitan-tyaariri. #4.15 oshiki impiyatai-tyaari = onkarati 7 yapiitaitiro impiyatai-tyaari.</div><div class="p"> 16Jataki Ca&#237;n ikinanakiro isitowa-piintzi ooryaatsiri ipaitai-tziro Kinawini. Ari inampitaka-rori anta, tira isaikairo Posi&#241;aariniki tsika ikinkitha-waitakaa-kiri Pawa.</div><div class="s">Icharinipayi Ca&#237;n.</div><div class="p"> 17Ari yaakiri iina anta Ca&#237;n. Iwaiyan-takaa-kiro, ipaitakiri Enoc. Ari iwitsika-kiri inampi, ipaitakiro Enoc aakotakiri iwairo itomi. 18Iriitaki Enoc asitana-kariri Irad. Iriitaki Irad asitana-kariri Mehujael. Iriitaki Mehujael asitana-kariri Metusael. Iriitaki Metusael asitana-kariri Lamec. 19Iriima Lamec otzimaki irirori apiti iina. Opaita Ada, pasini opaita Zila. 20Itzimanaki otomi Ada opaitakiri Jabal, iriitaki ishininkai-titari pankothaantiwiri, aajatzi pirawai-nitachari. 21Tzimatsi Jabal pasini iririntzi paitachari Jubal, iriira ishininkai-titari piyompi-waitaniri aajatzi showiriwai-taniri. 22Owaiyantaki iroori Zila, opaitakiri Tubal-ca&#237;n, iriitaki asiro-pakori, owitsika-yitzirori opaita-rika-payi asiro kitiri-tatsiri. Tzimatsi iritsiro Tubal-ca&#237;n opaita Naama. #4.22 asiro kitiri-tatsiri = bronce 23Ikanta apaata Lamec ikinkitha-waitakaa-kiro apitiro iina, Ada aajatzi Zila, ikantziro:</div><div class="q">&#8220;Pinkimisantina nonkantimiri:</div><div class="q">Nowakiri atziri okantakaan-tziro ikichinka-kina.</div><div class="q">Nowamaaki awankari okantakaan-tziro imposakina.</div><div class="q"> 24Oshiki impiyawin-taityaari Ca&#237;n,</div><div class="q">Irooma naaka imaapiroiti impiyawin-taityaana. #4.24 Oshiki impiyawintaityaari = onkarati 7 yapiitaitiro impiyatai-tyaari; imaapiroiti impiyawin-taityaana = onkarati 77 yapiitaitiro impiyatai-tyaari.</div><div class="p"> 25Ikanta yapiitajiro Ad&#225;n imaantajaro iina, ari itzimaji pasini itomi opaitakiri &#8220;Opantaantsi&#8221;. Okanta-siri-tanaji iroori: &#8220;Ipajina Pawa pasini notomi iri impoyii-tyaarini notomini Abel, iwakiri Ca&#237;n, iririntzi.&#8221; Tima iroka wairontsi Waiyantaantsi, irootaki ikantziri i&#241;aaniki pairani iriroriiti &#8220;Set&#8221;. 26Ikanta iwaiyakaa-kiro iina irirori Set, tzimanaki itomi ipaitakiri En&#243;s. Ari yitaitana-karo ipinkathatai-tziri Pawa. #4.26 Paminiro &#8216;Tsika Ikantai-tziro &#209;aantsi-payi&#8217; okanta-kota &#8216;Wairontsi&#8217;.</div>
 </div>
 </div>
</div>

Okanta apaata imaantakaro iina Adán. Ari omotyaataki iroori, tzimaki otomi. Okanta-siritzi Eva: “Nowaiyantaki iroñaaka notomi. Iriitaki Pawa kantakaaro nowaiyantiri.” Irootaki opaitan-takariri otomi “Waiyantaantsi”. Tima iroka wairontsi Waiyantaantsi, irootaki ikantziri iñaaniki irirori “Caín”. Ipoñaa itzimanaji pasini otomi, opaitakiri Abel, iriitaki iririntzi-tanakari Caín. Pirawai-tachari inaki Abel, iriima Caín pankiwai-taniri inatzi. Ikanta apaata Caín, yaanaki iwankiri yasitakai-yaari Pawa impinkatha-tantyaariri. Ari ikimitakari irirori Abel, yaanakiniri Pawa itarori itzimi ipira, iriipiro-tatsiri iwathatzi. Oshiki yaakamiitha-takiri Pawa Abel, ari ikimitaa-kiro yasitakaa-kariri. Iriima Caín timachiini yaakamiithatiri, ari ikimitaa-kiro okaratzi yasitakaa-witakariri. Irootaki ikisantana-kari Caín. Ikantawi-takari Pawa: “¡Caín! ¿Paitama pikisawai-tantari? ¿Paitama pipasini-kyaatantari? Arimi pantiro kamiithari, airo pipasini-kyaawai-tzimi. Iro kantacha, aririka pantakiro pikinkithasiritari aritaki pinkaaripiro-siritaki. Ontzimatyii piitsinampairo iroka.”
Ikanta apaata Caín, ikantakiri iririntzi Abel: “¡Iyí! Thami ankinawaiti owaantsiki.” Ari iwakiriri anta iririntzi. Isampitakiri Pawa, ikantziri: “¡Caín! ¿Tsikama ikinakika pirintzi?” Ikantzi Caín: “Ti noyoti. ¿Naakama kimpoyiiriri?” Ari yapiitziri ikantziri: “¿Paitama pantakiri? Tima nokimakiro iriraani pirintzi okimiwai-takaro onkaima-kaima-tatyiinami kipatsiki tsika piwakiri. Mishataari pinaatyii awiroka iroñaaka, airo pinampi-taaro aka tsika osiyakaro omiritakityii-yaaromi kipatsi iriraani pirintzi piwakiri. Pankiwai-rintzi pinawityaa, airomaita piñaayi-tairo onkitho-tzimo-taimi. Kinakina-waitaniri pinkantajyaa, airo pamita pisaikajiro pinampiki.” Yakanaki Caín, ikantzi: “Airo namawitziro okaratzi pikantaki-nari, pimapiro-takina. Pimisitowa-kina aka, kinakina-waitaniri nonkantajyaa, airo namitaja nosaikairo nonampiki. Inkarati ñaayitainani, aritaki iwaitajina.” Ikantzi Pawa: “Itzimi-rika owaji-mini awiroka, oshiki impiyatai-tyaari irirori.” Airo iwan-taitari Caín, ikimi-takaan-takari Pawa inkin-tawatha-tatyiirimi iyoitan-tyaariri.
Jataki Caín ikinanakiro isitowa-piintzi ooryaatsiri ipaitai-tziro Kinawini. Ari inampitaka-rori anta, tira isaikairo Posiñaariniki tsika ikinkitha-waitakaa-kiri Pawa.

Ari yaakiri iina anta Caín. Iwaiyan-takaa-kiro, ipaitakiri Enoc. Ari iwitsika-kiri inampi, ipaitakiro Enoc aakotakiri iwairo itomi. Iriitaki Enoc asitana-kariri Irad. Iriitaki Irad asitana-kariri Mehujael. Iriitaki Mehujael asitana-kariri Metusael. Iriitaki Metusael asitana-kariri Lamec. Iriima Lamec otzimaki irirori apiti iina. Opaita Ada, pasini opaita Zila. Itzimanaki otomi Ada opaitakiri Jabal, iriitaki ishininkai-titari pankothaantiwiri, aajatzi pirawai-nitachari. Tzimatsi Jabal pasini iririntzi paitachari Jubal, iriira ishininkai-titari piyompi-waitaniri aajatzi showiriwai-taniri. Owaiyantaki iroori Zila, opaitakiri Tubal-caín, iriitaki asiro-pakori, owitsika-yitzirori opaita-rika-payi asiro kitiri-tatsiri. Tzimatsi iritsiro Tubal-caín opaita Naama. Ikanta apaata Lamec ikinkitha-waitakaa-kiro apitiro iina, Ada aajatzi Zila, ikantziro:
“Pinkimisantina nonkantimiri:
Nowakiri atziri okantakaan-tziro ikichinka-kina.
Nowamaaki awankari okantakaan-tziro imposakina.
Oshiki impiyawin-taityaari Caín,
Irooma naaka imaapiroiti impiyawin-taityaana.
Ikanta yapiitajiro Adán imaantajaro iina, ari itzimaji pasini itomi opaitakiri “Opantaantsi”. Okanta-siri-tanaji iroori: “Ipajina Pawa pasini notomi iri impoyii-tyaarini notomini Abel, iwakiri Caín, iririntzi.” Tima iroka wairontsi Waiyantaantsi, irootaki ikantziri iñaaniki pairani iriroriiti “Set”. Ikanta iwaiyakaa-kiro iina irirori Set, tzimanaki itomi ipaitakiri Enós. Ari yitaitana-karo ipinkathatai-tziri Pawa.

Lyt til Itanta-nakari 4