The Revised Maasai Bible © 2018, Bible Society of Kenya www.biblesociety-kenya.org The Revised Maasai Audio Bible ℗ 2019, Davar Partners International (Audio) www.davaraudiobibles.org God's word open for all

The Revised Maasai Bible

<div class="version vid3064 iso6393mas" data-vid="3064" data-iso6393="mas">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Enkishorunoto e nkoliai</div><div class="r">(Mk 12.41-44)</div><div class="p"> 1Neshumu Yesu nkonyek nedol ilkarsisi eitadoiki inkishoorot enye osanduku oshumishoreki; 2nedol sii enkoliai aisinani eitadoiki isuyan are. 3Nejo, &#8220;Kedede ajoki intae, ena oliai aisinani natipika aisul too lkulikae pooki; 4amu eishorutua pooki te nkumoi oo naata, kake eishorua ninye to sina lenye pooki toki naata.&#8221;</div><div class="s">Eibonuo Yesu ajo keyookini aar ina aji e Nkai</div><div class="r">(Mat 24.1-2; Mk 13.1-2)</div><div class="p"> 5Ore eimaki kulikae enkaji e Nkai, eneikunaki teneikodi too soito sidain o too nkishorunot, nejoki Yesu, 6&#8220;Ore anaa kuna tokitin nidolitata, kepuonu nkolong'i nemeitokini aata osoit obo oiteleikino olikae lemesulakini enkop.&#8221;</div><div class="s">Enyamali o sinaitin</div><div class="r">(Mat 24.3-14; Mk 13.3-13)</div><div class="p"> 7Neikilikuan lkipaareta lenyenaaajoki, &#8220;Olaiteng'enani, kanu eaku kuna baa, naa ainyoo olmonekie outu ajo etaa kebau?&#8221; 8Nejo, &#8220;Entodol meitapong'ori intae; amu kepuonu lkumok te nkarna ai, nejo, &#8216;Nanu ilo? Etinyikua enkata!&#8217; Emisuj intae ninche. 9Naa ore pee ining'ining'i njoreitin o long'oling'oli, emiureisho, amu keituruku ake nena aikununye nejia, kake melotu enkiting'oto e nkop nabo kata.&#8221;</div><div class="p"> 10Nejoki ninche, &#8220;Kedumakino olosho likae osho, nedumakino enkitoria enkae kitoria; 11nelotu olokirikiri le nkop too wuejitin kumok, nelotu olameyu o olmeitai too wuejitin kumok, naa kepuonu ntabo naaitureisho o lmonek ooing'uaa shumata, 12kake ore eton eitu ebau nena pooki keibung'i intae, neinyali, neitarasakini intae nkajijik e ntumo o jila, nerikokini intae laiguanak o lbalusuni te nkaraki enkarna ai. 13Neaku te intae enkata nimbalielie enkirukoto inyi. 14#Lk 12.11,12Entumut ena nabo too ltauja linyi nchere, emidamu eitu ebau enkata eninkoko tinimitutu ate; 15amu nanu oisho intae enkariyiano oo nkutukie o eng'eno, nemeetae hoo obo le lelo mang'ati linyi oidim airisha aashu ewal. 16Keitarasaa intae intoiwuo o lalashera o ltung'ana lo lmarei o lchoreta, naa keari kulikae linyi metuata; 17neibayu intae pooki te nkaraki enkarna ai. 18Kake meimin ninye olpapita obo loo lukuny inyi. 19Kake te ng'iriata inyi itumutumu enkishui.</div><div class="s">Etolimuo Yesu ajo keidakieki Yerusalem</div><div class="r">(Mat 24.15-21; Mk 13.14-19)</div><div class="p"> 20&#8220;Kake ore pee idolidolo Yerusalem etamana mpuot, entayiolo aajo etinyikua emutata enye. 21Ore ina kata lootii Yudea esikaki ldoinyo, ore lelo ootii atua ina anasa nepuku aapuo, nemejing'u lelo ootioyo ti ong'ata; 22#Hos 9.7amu nkolong'i e nkitamioto kuna, naabaya mbaa pooki naatisiraki. 23Woi nena naanuta o naaitanakisho te nena olong'i! Amu keaku kitok osina o engoro e Nkai nadoiki kulo tung'ana; 24kedung'ori aauroo too lalema, neriki atua loreren pooki meshomo sinkaisho; neitiamie Iloreren Yerusalem o metaba anaa neitabari nkatitin oo Loreren.</div><div class="s">Elotunoto e Nkerai e Tung'ani</div><div class="r">(Mat 24.29-31; Mk 13.24-27)</div><div class="p"> 25 # 
 Isa 13.10; Esek 32.7; Yoe 2.31; Emb 6.12,13 &#8220;Naa keitodolu enkolong o lapa o lakir ilbulabul le nking'asia. Ore te nkop neinepu osina iloreren o enking'aing'ai neikurrukur enaiposha o lopir le nkare, 26neiterriaa ltung'ana te nkiputukuny e nena baa naapuonu enkop; amu keigirigiro engolon pooki e shumata. 27#Dan 7.13; Emb 1.7Ore teina kata nedoluni Enkerai e Tung'ani elotu te ngolon te nkatampoi o te nkisisa kitok. 28Ore taa pee eng'as aabau kuna baa eng'ura shumata entushumu lukuny inyi, amu etinyikua esarunoto inyi.&#8221;</div><div class="s">Enkiteng'enare naipirta olng'aboli</div><div class="r">(Mat 24.32-35; Mk 13.28-31)</div><div class="p"> 29Neliki Yesu lkipaareta lenyena enkitanyaanyukoto ajoki. &#8220;Eng'ura olng'aboli o lkeek pooki; 30ore ake pee eiteru aaitayu mbenek, niduaakiki ate nchere etinyikua oladalu. 31Nejia naa etiu, ore pee idolidolo eaku kuna baa, entayiolo entejo etinyikua enkitoria e Nkai. 32Kedede, ajoki intae, meishari ena ishoi eitu eitabari nena pooki. 33Keish keper o enkop, kake meish ororei lai hoo obo.</div><div class="s">Keishiaakinoi neshololoi</div><div class="p"> 34&#8220;Kake eng'ura ate pee meibiitiari ltauja linyi te nkaraki emerai o nkolati e na kop, neirrashu intae ina olong neluam intae anaa orreshet; 35amu nejia etiu, kedoiki lelo pooki oomanya enkop pooki. 36Kake entashololoto intae inkatitin pooki, niomonunu meishori intae engolon nipaashieshie nena naapuonu, pee intasheshe te dukuya Enkerai e Tung'ani.&#8221;</div><div class="p"> 37 # 
 Lk 19.47
 Neiteng'enisho Yesu te ndama nkolong'i pooki te nkaji e Nkai, kake ore kewarie neipang alo airrag oldoinyo oji oloo Loirienito. 38Ore enasirie neyooki ltung'ana pooki aapuo aainining ninye te nkaji e Nkai.</div>
 </div>
 </div>
</div>

Neshumu Yesu nkonyek nedol ilkarsisi eitadoiki inkishoorot enye osanduku oshumishoreki; nedol sii enkoliai aisinani eitadoiki isuyan are. Nejo, “Kedede ajoki intae, ena oliai aisinani natipika aisul too lkulikae pooki; amu eishorutua pooki te nkumoi oo naata, kake eishorua ninye to sina lenye pooki toki naata.”


Ore eimaki kulikae enkaji e Nkai, eneikunaki teneikodi too soito sidain o too nkishorunot, nejoki Yesu, “Ore anaa kuna tokitin nidolitata, kepuonu nkolong'i nemeitokini aata osoit obo oiteleikino olikae lemesulakini enkop.”


Neikilikuan lkipaareta lenyenaaajoki, “Olaiteng'enani, kanu eaku kuna baa, naa ainyoo olmonekie outu ajo etaa kebau?” Nejo, “Entodol meitapong'ori intae; amu kepuonu lkumok te nkarna ai, nejo, ‘Nanu ilo? Etinyikua enkata!’ Emisuj intae ninche. Naa ore pee ining'ining'i njoreitin o long'oling'oli, emiureisho, amu keituruku ake nena aikununye nejia, kake melotu enkiting'oto e nkop nabo kata.”
Nejoki ninche, “Kedumakino olosho likae osho, nedumakino enkitoria enkae kitoria; nelotu olokirikiri le nkop too wuejitin kumok, nelotu olameyu o olmeitai too wuejitin kumok, naa kepuonu ntabo naaitureisho o lmonek ooing'uaa shumata, kake ore eton eitu ebau nena pooki keibung'i intae, neinyali, neitarasakini intae nkajijik e ntumo o jila, nerikokini intae laiguanak o lbalusuni te nkaraki enkarna ai. Neaku te intae enkata nimbalielie enkirukoto inyi. Entumut ena nabo too ltauja linyi nchere, emidamu eitu ebau enkata eninkoko tinimitutu ate; amu nanu oisho intae enkariyiano oo nkutukie o eng'eno, nemeetae hoo obo le lelo mang'ati linyi oidim airisha aashu ewal. Keitarasaa intae intoiwuo o lalashera o ltung'ana lo lmarei o lchoreta, naa keari kulikae linyi metuata; neibayu intae pooki te nkaraki enkarna ai. Kake meimin ninye olpapita obo loo lukuny inyi. Kake te ng'iriata inyi itumutumu enkishui.


“Kake ore pee idolidolo Yerusalem etamana mpuot, entayiolo aajo etinyikua emutata enye. Ore ina kata lootii Yudea esikaki ldoinyo, ore lelo ootii atua ina anasa nepuku aapuo, nemejing'u lelo ootioyo ti ong'ata; amu nkolong'i e nkitamioto kuna, naabaya mbaa pooki naatisiraki. Woi nena naanuta o naaitanakisho te nena olong'i! Amu keaku kitok osina o engoro e Nkai nadoiki kulo tung'ana; kedung'ori aauroo too lalema, neriki atua loreren pooki meshomo sinkaisho; neitiamie Iloreren Yerusalem o metaba anaa neitabari nkatitin oo Loreren.


“Naa keitodolu enkolong o lapa o lakir ilbulabul le nking'asia. Ore te nkop neinepu osina iloreren o enking'aing'ai neikurrukur enaiposha o lopir le nkare, neiterriaa ltung'ana te nkiputukuny e nena baa naapuonu enkop; amu keigirigiro engolon pooki e shumata. Ore teina kata nedoluni Enkerai e Tung'ani elotu te ngolon te nkatampoi o te nkisisa kitok. Ore taa pee eng'as aabau kuna baa eng'ura shumata entushumu lukuny inyi, amu etinyikua esarunoto inyi.”


Neliki Yesu lkipaareta lenyena enkitanyaanyukoto ajoki. “Eng'ura olng'aboli o lkeek pooki; ore ake pee eiteru aaitayu mbenek, niduaakiki ate nchere etinyikua oladalu. Nejia naa etiu, ore pee idolidolo eaku kuna baa, entayiolo entejo etinyikua enkitoria e Nkai. Kedede, ajoki intae, meishari ena ishoi eitu eitabari nena pooki. Keish keper o enkop, kake meish ororei lai hoo obo.

“Kake eng'ura ate pee meibiitiari ltauja linyi te nkaraki emerai o nkolati e na kop, neirrashu intae ina olong neluam intae anaa orreshet; amu nejia etiu, kedoiki lelo pooki oomanya enkop pooki. Kake entashololoto intae inkatitin pooki, niomonunu meishori intae engolon nipaashieshie nena naapuonu, pee intasheshe te dukuya Enkerai e Tung'ani.”
Neiteng'enisho Yesu te ndama nkolong'i pooki te nkaji e Nkai, kake ore kewarie neipang alo airrag oldoinyo oji oloo Loirienito. Ore enasirie neyooki ltung'ana pooki aapuo aainining ninye te nkaji e Nkai.

Lyt til Luka 21